حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 26 -

عند آسيا /

بعد ما نومتها أختها ما صحت .. ظلت نايمة إلى أن أذن الفجر .. صحيت على صوت الأذان الشجي .. صحيت مرعوبه .. خفت يكون عايض جاي أو صار اللي أحسبه صار أمس ..

قمت توضيت وصليت وأنا جالسة على سجادتي سمعت طرق للباب .. استغربت من يدق الباب الوقت ذا .. وسمعت صوتهاااا !!

ريماس: ( من ورا الباب ) عايض .. يا عايض قوم ودنا للمدرسة أمجد يقول السواق مريض .. عايض

ظلت ريماس تدق وتدق .. خذيت نفس وقمت من على سجادتي وتوجهت للباب وقبل أفتحه فتحته ريماس بوجهي وهنا كانت صدمتها .. بلبس مدرستها واقفه بيدينها كتاب وطاح أول ما شافت آسيا .. انصدمت ريماس مره .. تركت آسيا الباب مفتوح ودخلت مره ثانية للغرفة وجلست على الكنبه تحاول تكبت دمعتها ..

والمنصدمة ريماس ما زالت واقفة وقالت بهزه في صوتها .. تحاول تفهم اللي يصير من حوليها .. تحاول تفهم وتحلل في عقلها .. كيف آسيا في غرفة عايض ؟!!! .. معقول عايض يكون زوجها ؟!! .. وش اللي صار في الفترة الأخيرة اللي خلت آسيا تختفي وفجأة تحصلها بغرفة أخوها ؟!!!

ريماس: ( وهي تطالع لآسيا وقالت بهزه وتحاول تفهم اللي يصير حولها ) آ..آســـ..أسيا ؟!!!

آسيا لا رد .. كانت جالسة على الكنبة ومنزله راسها كارهه كل شيء حوليها ودها تصرخ وتطلع اللي كابحته لكن وين !! .. تقدمت منها ريماس ورجليها ترجف .. ما تدري هي بعلم أو بحلم .. وقفت ريماس قدام آسيا وقالت بصوت فيه صراخ شوي ..

ريماس: آسيا وش عندك هناا !!

قامت آسيا وهي معصبه وعلى طرف عينها دمعة خانتها ونزلت على خدها الدافيء .. وقالت وهي تحمل الذنب على عاتق ريماس وتحسسها بمدى سوء جرح آسيا اللي مو ممكن يطيب ..

آسيا : ( بصراخ ) وش اللي وش عندي هااه ؟! .. علميني وش اللي عندي .. عندي كثيييير .. بخاطري كثير وانتي ولا على بالك .. لذي الدرجة هنت عليك .. لذي الدرجة أخوك .. أستغفر الله بس .. وتسألين ومستغربة ليش أنا بغرفة أخوك ؟ .. مسويه فيها انك مو فاهمة ولا عندك خبر ولا دارية عن شيء !! ..

ريماس: ( وهي ترد بنفس الصراخ ) هيي وش سويت لك أنا هااه ؟! ووش فيه أخوي وبعدين وش السالفة ؟! .. لا تقعدين تكلميني بالألغاز

آسيا : ( وهي تضحك على حالها اللي وصلت له ) وش سويتي ؟! وش سويتي يا ريماس ؟! .. ومن اللي جاك متضايق ومهموم في عز اختباراتي وعز مدرستي وضغطي وشكيتلك همي .. فتحت لك صدري .. قلت لك في واحد الله يستر عليه وده يتزوج وطالبني أنا ومدري وش وانتي وش قلتي هااه ؟! .. صرفتي الموضوع ولا كأن اللي خاطبني هو أخوك !! .. قلتي لي من هالغبي ومن هالمستعجل ومدري وش تحاولين ترقعينها مدري وش سالفتك .. ليش ما قلتي هذا أخوي اللي خاطبك .. ليش ما علمتيني انه هو ؟! .. إلى ان أخوك حسبي الله عليك سوى فعيلته !!