حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 25 -

مرههههه آسفة على السحبة .. بس كان عندي اختبارات وفاينل 💔 .. الحين استمتعوا !!

آسيــا /

أحـــد يضمني من وراي !!! شهقت أول ما حسيت بالحضن يتعمق أكثر وأكثر ..

كنت بدفعه بكوعي لكن سمعت صوتــــ .. ـها .. صوت أعرفه !! .. صوت قطعة من لحمي .. هذي لمياء !! .. نزلت راسي وبكيييت .. انفجرت بكاء .. وهي من الخلف تضمني لها .. تقريبًا مرت خمس دقايق وأنا أبكي وهي تبكي .. لفيت باتجاهها وشفتها تمسح دموعها ..

لمياء: ( بشهاق ) : يا حبيبتي يا آسيا .. كيفك يا عمري ؟!

آسيا : ( ببكاء معها ) مو زينة .. أبدًا .. أبدًا مو زينة .. لمياء قلبي يعورني

لمياء : معليش حبيبتي أنا آسفة .. حاولت أقنع مساعد ما رضى .. يا حبيبتي مشتاقة لك أنا مصدقتك

آسيا : لمياء ( وآسيا تطالع بعين لمياء ) لمياء وأمي ؟! .. و يمه ؟! .. بعدها مصره إني غلطانة ؟!

لمياء: يا حياتي لو تدرين ان مافي احد داري ان أنا عندك وان بالقوة قدرت أطلع من البيت .. تعذرت بجامعتي لحتى أجي لعندك .. والله لو يدرون انني عندك ليذبحوني !! .. مساعد قال لحد يكلمك بعد السالفة الماضية .. بس انتي لا تحاتين أنا رح أجي لعندك بين وقت لآخر

آسيا : لمياء .. ساعديني .. مو عارفه وش أسوي

لمياء : الله يهون على قلبك آسيا .. ان شاء تهون

آسيا : من اللي دخلك للغرفة ؟!

لمياء: الخدامة دلتني على الغرفة

آسيا : ما قابلتي أحد ؟!

لمياء: لا ( ثم قالت ) آسيا جبت لك ملابس وأغراض شويتين حسيتك مو ماخذه ملابس كثير .. وما تتصورين شكلي وانا أحاول انزل الشنطة من الدرج بدون أحد يشوفني

آسيا : مشكورة كويس جبتي لي لأن ما عندي

استغليت وجود أختي وحسيت براحة شوي .. أحمد ربي في أحد مصدقني .. بكيت بحضنها .. ظليت أنا وهي على الكنبة .. مرت الساعات حرفيًا وعايض ما بعد شرف للغرفة .. مدري لوين راح .. أحسن .. روحة بلا رجعه ان شاء الله .. ظليت أنا ولمياء على حالنا وهي تقرأ علي وتطبطب على ظهري إلى أن غفيت أخيرًا ..

...........................
قبل ساعتين ..

عايـــض /

طلعت من الغرفة بسرعة .. كنت معصب .. وش فيها ؟! .. انهبلت .. مجنونه ؟! .. صار فيها شيء ؟! .. كانت تبكي بهستيرية وما أظن انني سويت فيها شيء أو صارخت عليها .. ما نكدت على نفسي ولا ودي أتهور وأضربها لذلك طلعت للإستراحة مع الشباب وثامر لأن صرلي زمان مو مقابلهم .. الحمد الله طيبت على خاطري معهم وقبل لا اركب سيارتي وأرجع للبيت ناديت ثامر على جنب وقلت له سالفة زواجي بس ما قلت له عن الفضيحة بس قلت له زواج سريع ومستعجلين وكذا وما بررت أكثر من كذا ..