لف ثنيان للخلف يناظرها: والتفكير هنا لية طيف ماتسكت ؟ بالعة راديو
طيف بملل: يبوي اسويلكم جو ملل كلكم تهوجسون
قلنا طيب ليث ممكن وانتو خوي معه ؟
ضرب ثنيان ظهر كنان بخفه: قوم ارقص لها وسوي فعاليات سويتي
ضحكت طيف : منجد ودي أشوف كنان يرقص
بقق عينه هتان بصدمة : طيف لا منجد اسكتي الحين توي اتفق مع ثنيان
شهقت طيف : خدت الصدمة
'
بعد ساعتان من الطريق ~ الشميسي~
٤:٣٠م العصر
ابتهاج بتوتر : وين تركي ؟ بندخل بدونه
امل : ليتك قلتي مليون شوفيه جا
موج بغرور : لو سمحتي اخوي افضل من مليون
ناظرو السيارات الي أمامهم تعلن وجودهم حديثاً
ونور سيارة تركي وقف بجانب سيارة امل وقفل سيارته ونزل مع غيث
نزلو كلهم من سيارة امل بعد غيث يناظرونه بضحكة مبوز ومعصب نطقت امل: ذا شفيه ؟
موج : يحزن يبي معنا يبوي جلسة نسوان أنت خارج الصندوق
تركي دخل مفاتيحه داخل جيبه وتقدم للامام وبجانبه ريفال والباقيين وراه
ناظرو المخيم وكلهم كأنو بالخارج محد داخله يرتبو المكان وازعاجهم عالي كان فوضى من السيارات والترتيب ، لذلك رفع صوته للانجذاب الجميع : السلام عليكم
تركو مابيدينهم يناظرون بالقادمين والصوت العالي
تقدم عزازي ومطلق يرحبون بهم
ليث همس لكنان : ثنيان مالاحظ البنت
شهق كنان بصدمة : أبوك يالصدف لايشوفها بس
دق ثنيان كتوف ليث ينبهم يتقدمون مع الباقيين
وحامد وعبدالعزيز ، والباقين يأخذون الأغراض من يدينهم
تقدمو البنات يسلمون بابتسامة باستغراب ، سلامهم بارد غير ميهاف الي تقدمت تستفز ايناس وتحضنها تطبطب بظهرها : جايبة خويتك بعد ؟ حلوة والله
ابتسمت ايناس تبعدها عنها وتنطق بهمس: محد بيقول لي لا
سحبت امل ايناس يرتبون مع البنات ويسألون بعض
لفت امل لثنيان تناظره وتهمس لإيناس: ايو ذولي مين ؟
ايناس بنفس الهمس: شوفي الي بالوسط ليث
امل التفتت له وتطالعه من الاسفل إلى الأعلى ورجعت تنطق بهمس: طيب قلنا دا زوجك بس الي جنبو ؟
ايناس:الي على اليمين اخوه والي باليسار ولد عمته
امل: فاكرة يوم جيتيني وأكلنا بيتزا؟ ذولي كأنو موجودين
ايناس بهمس : يالهوي ذولي ثلاث بسروال
ضحكت امل بنفس الهمس : ايناس اسكتي
ايناس : مامزح مصروعين ذولي
كانت ملامح تركي مع أهله توصف قد إيش هم مستغربين من وجودهم مع بعضهم وبحجابهم فقط !
هو يعرف ان ايناس كاشفه حريتها ومابيغصبها ، استغرب من عزازي ومطلق المشددين لابسط شي
عزازي يرفع صوته ينطق : غيم إذن ؟
غيم : اي يابوي
عزازي تمسك عصاته ولف عليهم ينطق : يالله الصلاة
هزو راسهم العيال بالإيجاب وقامو الجميع مع النساء يوقفون خلف العيال ، ثواني واعتدلت وقفتهم وكبر مطلق يسمعه الجميع لإعلان بداية الصلاة العصر
ابتسمت ميهاف تصورهم وهي جالسه منظرهم يسر الناظرين ، مع منظر النساء وراهم كان منظر تشهده ميهاف ويا سعادها بتصوير اللقطة للذكرى ، وسماع عذب صوت مطلق بايات القران ، مابين شخص وشخص دعوات مختلفه ونوايا مختلفه وعقل مختلف
تجمعو بالتقوى وتركو الزعل لورا ليتجمعون لأول مره بالشكل وهالتناسق لاجل هدف الصلاة بصوت مطلق
دعوات خافية ، لايفهمها إلا الرب سبحانه ،
انهو صلاتهم باليمين ثم اليسار سكون وسكوت يطغي على الجميع سواً بالاستغفار أو بالتفكير أو من تحرك للجلوس بجانب ميهاف
غيث بتسارع : ماشاء الله تبارك الرحمان دايم صل فينا
ابتسم مطلق من تسارعه ونطق يطبطب على كتوفه: جزاك الله خير ياوليدي
ياسر : أبوي بندخل الخيام ولا نجلس برا ؟
كنان : ترا في كورة
عزازي بأسف: انتو شوفو الحطب وأنا وتركي نشوف التلفزيون
اشر على خشمه كنان يسحب ياسر معه يدورون حطب داخل الخيام الكبيرة والمجالس داخلها
اماً عن النساء فجالسين بالكراسي القريبة من الخيام يتبادلون الحكي دون مشاركة ابتهاج تناظر موج وعلى كتوفها وشاح أبوها صدت لليمينها تناظر العيال تاره يساعدون بعض وتاره يطقطقون مع بعضهم
انتهو من تجميع الحطب ينتظرون غياب الشمس عشان تكون مصدرهم النار للضوء
مشى هتان بالمقدمة والعيال وراه يناظر أمامه نفس البنية تناظرهم
متكتفه وبنقابها تمسح عيونها كل ثانية صادة عن الي أمامها ولافه على اليمين سارحه بتفكيرها وهواجيسها
صد يلتفت للعيال ينطق: اول شخص يوصل لعمي عزازي هو الفايز ، تعمّد يلهيهم بعيد عنها كان واضح له أنها مو مركزه ومسرحة بتفكيرها
ثنيان نطق: وين طيف الي تقول ثلاثيني بزر ذا
كنان شمر بحماس: يلااااا
ثنيان رفع ثوبه لسنونه ينطق: تخسون تسبقوني
ابتسم هتان ورفع صوته يصارخ : طيف قومي عدي من واحد لثلاثه
لفو الجميع بضحكة حتى ابتهاج من صراخهم ومن وقوف طيف بالطاولة بحماس تأشر له بالإيجاب : تم تم استعدو
خرج غيث من سمع صراخهم يناظرهم بعيد عنهم ينادونه ناظر تركي بالداخل بتردد ، ابتسم تركي يهز رأسه بالايجاب سمعه ينادونه باسمه قاصدينه
اتسع مبسمه يركض لهم ويوقف جانبهم
رفع نظره هتان قاصد طيف ، لفتته البنيه مره آخرى لافه بجميع جسدها للورا باهتمام تناظرهم ، صد يوقف بجانبهم ويستعد
طيف بصراخ تنطق : واحد اثنين ثلاااثه ، صفرت تعلن بداية السباق كانت المسافه أبعد بكثير عن خيام عزازي ، تقدم ثنيان عليهم وليث بالأخير يمشي بطيئ
ورفعو صوتهم النساء يعززون لكل شخص ابتسمت موج وهزت كتوف امل تعزز معها
امل رفعت يدينها تصفر وتصفق بضحكة
ايناس ضحكت تشوف حماسهم وصدت تراقب تحركات غيث وتدعي داخلها
ليث شد جريه من بدوو يتقدمون للخيام عرف أنهم تعبو وشد بشدة يتعداهم كلهم بسرعة ويوقف عند الخيام يضحك بتعب
وصل هتان ثم غيث وثنيان مع كنان بالمساواة
صارخو بفرحة والبعض خسارة اصواتهم عالية لدرجة عزازي وتركي طلعو يتطمنون على الوضع
رفع أنظاره عليها ليث يبتسم ويصد
امل لفت لها :ذا يبتسم لمين؟
ايناس : للمخفه الي وراك
لفت ورا امل تناظر ميهاف وحماسها لفت تناظر باستفزاز تقدمت تهمس :شنحقي انتي والخروف الي معاك لا تجلسين تضيقين على خلق صحبتي
ميهاف ضحكت بنفس الهمس: لية شادتها طيب خويتك مايهمها ، أمم لاتكونين انتي محاميتها ؟ لان سمعت انك محامية
أمل بحزن : تعرفين حزنانه عليك ليث حيتزوج وهو ماطالع بوجهك حتى تحزنين
تنهدت ميهاف تناظرها بحدة ، ابتسمت تمشي مع الجماعة رايحين لمخيم عزازي عشان يتابعون المباراة جميع
دخلو وكانت امل بتدخل وقفها نطق كنان الي أمام الباب : ياحرمة خليك هنا اصبري لاتدخلين
امل بغضب: انقلع عني والله لا اعلم أبوكم دا تتحرشون فيني لفظياً
رفع رأسه باستسلام ويدخل رأسه نص يأشر لثنيان : تعال
قام من مكانه ثنيان وعلى ملامحه الاستغراب ، صدت تتأفف وتوقف يسار الخيمة ، همس كنان لثنيان: جبنا لك ام شامة قلنا لك ارسل حلم أو دريم
ناظره باستغراب يحسبه يمزح التفت يدورها يمين ثم يسار صاده عنه وشعرها الواضح همس : ياخراشي!
لفت عليه تبعد شعرها عن عينها من الهوا تكتم ضحكتها من كلمته وتنطق: إتركني
ابتسم بواسع ثغره أمامه حقيقة وصدف بيكمل بالشميسي ساعتان ولا لاحظها من زحمة الناس وشغله المتواصل مع العيال ناظر شامتها يبلع ريقه ويستغفر : وش جابك ؟
امل قربت منه تنطق : أنا صحبة ايناس جيتكم بالغلط
ثنيان صد بعينه نظراته صارت مكثفه وتدور عيونه بكامل وجهها عكس قبل بأمكان محددة والان !!
سكتت بملل تتنهد : خلوني ادخل جيت معاكم خوي اليوم
مشت من جانبه تتعداه
، واقف عينه على طيفها يستغفر ويمسح دقنه بحيرة يهمس لنفسه : ام شامة
ابتسم على وضعه يرفع رأسه للسماء : يالله الجنة وذي
مستغرب وأشد استغرابه الدنيا فرص وحظوظ وصدف
توقعها طيف وبتمر على باله ، الين ماثببت بباله ويشعر بانه مجرد إعجاب بشخص مثلها لا أكثر وبمنطوقها
نزل يدينه بحماس يدخل داخل ويدور مكانه يجلس قبل بداية المبارة يناظرون، النساء بالبعد ونصهم أمام الشاشة يتفرجون معاً سوياً
'
غير عن ابتهاج ابتعدت عنهم مع ريفال تختلي بنفسها وفيها ، شافت ياسر مع عياله ولا أدنى اهتمام لبنته ريفال منه ومن دمه ،محد يتحاكى مع ريفال لأنها لا تسمع ، لديها سماعة للاذن بس هي تمتنع عنها وتاركتها ابتهاج براحتها ، ما تتحاكى ريفال حتى مع أهلها مع أنها من اصحاب الصم ، وتقدر تتكلم
'
أنتهت االمباراة بالمساواة ولازال في مهاوشة مابين متعصبين الكرة وسوء النت والأبراج وأما عن النساء فالبعض خرج والبعض موجود داخل
تجمعو الكل حولين الكراسي والأكل أمامهم منشغل كل شخص مابجانبه
موج بوزت تنطق : غيث حتصير زعلان مني طول الوقت؟
صد ليساره يتجاهلها وينطق: محد قالك تسحبين علي
موج : غيث خرجة نسوان وش لك فيها ؟
غيث : ماهتم
تافتت بملل تحضنه من الخلف وتمازحه أمام الجميع : غيث خلاص نتسامح أنت أكسجيني
ضحك غيث من كلامها يلف لها وينطق: ادري ماتقدرين تعيشين بدوني
ابتسمت من تقدم لها يحضنها تاره يخزها من خصرها وتارة يطبطب على ظهرها ، تحت نظرات الجميع وضحك موج
غيث ابتعد عن حضنها يرجع للورا ويفسح يدينه على الكرسي لاجلها، ترجع للخلف وتستند على كفوفه وصدره غمضت عينها بخجل كانّه حماها واستامن خجلها وتخبت بحضنه
نطقت اسماء بفضول: إيش اسمك ؟ الي بجانب ايناس
التفتت امل باستغراب تبتسم وتنطق : أسمي أمل
رفع حواجبه كنان بإعجاب يلف لثنيان المبتسم : امل
عزازي: حياك الله يابنيتي
غيث نطق بدون تفكير : تعرف ياعمي ان ودنا نحطها بكرت العائلة ؟
ضحك عزازي بصدمة : ماشاء الله
بققت عينها بصدمة تلف لامل وتهمس: ابلش
استغربو الكل يناظرون غيث وينتظرون باقي كلامه : والله صدق كلنا نحبها احسها مثل ابتهاج وخواتي
كتم ضحكته ليث يصد لثنيان يهمس: كلنا نحبها
وكنان قلد حركة ليث ينطق: كلهم يحبونها !
ثنيان لف عليه بحدة يهمس: ليث سد حلقك أنت واخوك وامسو
طيف : حتى أنا بالغلط حبيتها معاكم
ابتسمت امل تنطق : ياحلوك والله
طيف لفت لعزازي: عمي وش ذا ماعندكم ناقة حلال لية تسوي خيام في مكان محد يجيها ؟
عائشة : ياطيف ترا بالشتاء يأخذون هالخيام للعزايم أو غيره
غيم تكتفت تنطق: حتى دبابات مافي كنت احسب فلة
ضحك تركي يناظرها : وين بيجيك بهالخلا؟
مطلق: عادي يجيبونه لكم العيال في مخطط قدام
عزازي ناظر هتان بتفكير ينطق: هتان الحين وشوله رايح لبعثه ؟
هتان رفع رأسه بانتباه من سرحانه ينطق : كنت ادرس
جوهرة : طيب ورجعت مامعاك شي ؟
هتان رفع رأسه لابتهاج الي تناظره باهتمام وسهى عن تفكيره ، وش بيقول لعمته ؟ بيقول رجع عشانه قاتل ؟
بيرجع وبيقول مامعاي غنايم جيت لوحدي لا هدف ولا غنيمة وهيام غمض عينه بتاثير من الصوت الي بباله والطيف امامه طيف يعرفه وحافظه لاشي إلا "هيام"
خطر على باله هالابيات عن حاله "أسافر عنه من ديرة لديرة عساي أسلاه لكن ماحصل " اهوجس به وأنسى إني نسيته وأفكر في ليالٍ قد مضن لي "
رفع رأسه بتوتر لعزازي : كان عندي أكثر من مادة ماني ناجح فيها ، حاولت اكثر من مرة بس عجزت أعديها
مطلق : قايل لك مالك إلا الشركة تلمك
ليث قام يرفع يده ويوقف بصدر المجلس ينطق : على ذا الطاري أبشركم انقبلت بمستشفى
استهلّ وجه الجميع والجميع يردد بالدعاوي بالتوفيق إلا مطلق وعزازي
مطلق : تعصى كلمتي وتثنيها ؟
ليث : مابيردني شي وأنا قلت قبل وسمعتوني قدمت اوراقي ومابترجع أبدا
تركي لف لمطلق باستغراب: مانعينه لية ؟ خله ماشاء الله عليه
ابتسم ليث يتقدم من مكانه ويبوس رأسه : الله يسعدك
كان بيتكلم مطلق بحدة بس قاطعه كنان : أبوي لأرجعنا كلمه
غيم : احس أبي دباب شرايكم ؟
ثنيان فز يقوم : ابد الحيين ينزل لك احلى دباب
سحب كنان وليث معه بحماس : هيا !!!
مشو يركضون للسيارات ويركبون وحدة منها ويمشون للمخطط ، وأما عن الباقين من قام بالتصوير والآخر بالحديث المكرر
لفت لعز الي مشغول بجواله كالعادة نطقت حور : مافي نت كيف تتفرج ؟
عِز : الله يعز التحميل
حور : قفل قفل لا اكسره على رأسك هبل بكِ!
'
ضحك ليث يستفز ثنيان وينطق : كلنا نحبها ! ياخراشي
ثنيان : كيف كذا كل العايله ؟
كنان وهو يسوق : اقول ياثنيان مايذكرك الأمل بشي ؟
شمق ثنيان بقهر : كنان!!!
وصلو ونزل ليث يتفق مع العامل مع الدبابات كانت المسافة قريبه من الخيام طلب منه عدد كبير من الدبابات بسبب جهل عددهم ، اتفقو انه يستأجره بالساعة ، وقفو امام الخيام ووراهم سيارة العامل بالدبابات انرفعت الأصوات بحماس كلن يختار اللون والكبر
لفت ايناس لتركي تهمس: معاك فلوس ؟
اشر براسه بالإيجاب ، مشى لابتهاج يقنعها : تكفين ابتهاج العبي
ابتهاج : لا تقول تكفى ! خير ابشر خل معاك ريفال ماظن بتجي
اكد لها براسه ومشت تتعداه وهو مشى يتمازح مع ريفال لأجل يسمع ضحكتها ولو بالصدفة
أخذ الكل دباب من الثلاثي المرح ، وغيم وعِز ، وابتهاج وإيناس وغيث وامل، وميهاف وطيف ، هتان
رفع صوته مطلق يحذر الجميع : لا تبعدون الغروب بيغيب والظلام حل
اشر هتان لخشمه ينطق: ازهلني بنتبه لهم
التمو حولين بعض بالدبابات والجوالات رافعة مشى كل شخص بعشوائية بعيد عن الخيام اماً عن موج وايناس اتفقو على السباق للخيمة البعيدة عنهم ، ليست خيام عزازي ، وابتهاج وأمل فضلو مع بعضهم يناظرون حلاول الظلام الواضح
كان غيث يمازح هتان والباقيين بالتعدي عليهم بالدباب
بعد مدة من اللعب ويصادفون بعض وبعض السباقات والضحك ، كان المنظر والشكل شاغري ورهيب للعين ، رفع صوته ثنيان لهتان: ياابونا يلا دور البنات وينهم حل الظلام وأظن أذن المغرب
هتان بورطة من الظلام الساكن ومافي غير انوار الدبابات لذلك قرر يقسم الأشخاص لكل جهة بحيث يتأكد من وجودهم رفع يدينه للأمام واليسار واليمين وخلفه وانقسمو يدورون الباقيين لأجل مايضيعون بهالظلام الدامس
التفت للخلف هتان يرفع صوته وصوت دبابه والكشاف ، ناظر النور الخافت والبعيد عنه مايتحرك ، عرف انه احد البنات لذلك توجه لها بدون تردد ،
وصل لعندها استنتج من عبايتها ونقابها المميز ناظرها من بعيد قبل يقرب ويفعل خطاً ، هي وقفت كونها تعبت من مسكة يدينها للدباب وتستريح وترجع للخيام ، بلع ريقه بتوتر يتقدم ويصد للاسفل، تعب كونها تظهر له صدف يشك بانه هي تجي له مو الصدف تجيبها لعنده ، البنية نفسها نفسها بكل مرة
توترت تناظره ساكن وصاد للاسفل ينتظرها تتحرك
هتان بهمس: يابنية امشي لقدام وأنا بكون بيمينك حل الظلام
مسكت برجفة يدينها محكم الدباب تشغله وتمشي للأمام وهو جنبها بدبابه ،
رفعت أظافرها لثغرها بتوتر ايناس ، كانت متواجهة لخيام عزازي ، طفى دبابها ونوره أنتهت بطاريته
شافت ضوء قريب ويقترب اكثر دباب ثنيان ترفع صوتها تستنجد بصوتها لأجل يشوفونها ، ناظر صوتها وميز أنها ايناس ابتسم بخبث يرجع للورا مكان وقوف ليث خلفه ، استغربت وزاد توترها من ابتعد الضوء
تهدي نفسها بالاستغفار وتنزل للاسفل تلم رجولها لصدرها ووجهها داخله ، تزيح خوفّها بالدعاوي
ثنيان وقف بجانب ليث : هي زوجتك هناك كنت بساعدها بس قلت مالها إلا ليث
ليث ضربه بصدمة : ياكلب مو وقته والله
أنت تقرأ
ياسيّدة عمري بشرع المحبّين عسـى بشرع الله أناديك عمري"
Short Storyحَساب الكاتبة : @rwop_3 💙
