ياسيّدة عمري بشرع المحبّين‏ عسـى بشرع الله أناديك عمري"

{ 16 }

طرق الباب ثنيان وابتعد ينتظر الرد ويناظر كنان بالسيارة ، فكت الباب باستغراب ترفع شعرها خلف أذنها وتناظره : انت ثاني ؟
ثنيان : أنا ثاني اسمي ثنيان
امل ابتعدت عن الباب لتظهر هي باكملها ونطقت : ايوا اعرف انك ثنيان اش صاير ؟
ثنيان بلع ريقه بتوتر ورفع يعطيها قلادة بقبضة يدينه ساكنه ينطق : عيوني معاك وقلبي ولو ابتعدت عنك بخطواتي انتبهي لحالك صاحبة الشامة
ابتسمت بغرابة مصدومة من حكيه أخذت القلادة فيها موج البحر محفور فيه ، ثنيان ناظر نظراتها ونطق : دامك من جدة ما اظن أهل جدة مايحبون الموج وبحره
ابتسمت بامتنان ولفت من سمعت صوت اصيل خلفها وضحكت توريه القلادة تحت نظرات ثنيان واستغرابه التام من شكلها قدامه وكيف تركته أمام الباب وتوجهت لأصيل جمد وجهها يناظر ظهرها وابتسامة أصيل لها شعوره بسكاكين تغرز قلبه تنهد يمشي عن بابها ويتوجه لسيارة كنان بدون اي شعور وبوجهه الجامد يأشر لكنان بالمشي بسكون ، عرف من وجهها بانه كسرته ولا أخذت منه قلادة ولاشي ومشى بدون مايتكلم
اصيل : راح يابنت ولا قلتيله شي
امل : مرا كيوت اصبر بروح اشكره كيف عرف اني احب الموج كثير
ابتعدت عن اصيل تعدل شعرها وتتوجه للباب عقدت ملامحها تنطق : وينو ؟ بسم الله
سكرت الباب وتوجهت للمراية تلبس السلسال وتبتسم من شكله وكلامه اللي مافهمته بس مبسوطه
كنان : ثنيان ؟ وش صاير
لف ثنيان على كنان بحدة ينطق : ماصار شي انت تخليني اروح ليش ؟
كنان : لأنك تبي ؟ شصاير ثنيان
تنهد ثنيان يرجع رأسه للورا وينطق : ماصار شي ركز بالطريق
سكت كنان باستغراب من وضع ثنيان الغريب ، استنتج أصلا من شاف وجهه مايبشر بالخير أبدا
وصل بعد مدة وقف عند البوابات ونزل يسحب شنطته هو وثنيان وناظرو نظرة اخيرة على الشارع والسيارة ، قفلو جوالاتهم قفل نهائي وتقدمو يدخلون
هم للتو ما استوعبو هم وين وفين بس توكلو على ربهم ومشوا على احساسهم ،
'
فز بهاج من كرسيه بصدمة مشى لأفنان : أفنان شوفي
أفنان قامت من محلها تناظر اللابتوب اللي أمام وجهها نطقت باستغراب : وش ذا ؟ ومين ذولي
بهاج : ذا اخو اللي امس حضرنا زواج اخته راقبته امس يتحاكى مع حرمة وبعدها قابل أشخاص كثار
أفنان بعجل : طيب ؟ وايش المصيبة
بهاج : ياغبية ! طلع يبيع مخدرات وأكبر مروج حتى بالمدرسة يبيع شكله لان كل اللي يعرفهم من مروجين اغلبها بالمدرسة والباقي خارج أسوار المدرسة
شهقت أفنان بصدمة : منجدك ! وكيف طلعت كل ذا ؟
بهاج : عرفت يتحاكى مع من وكلمت الشخص وسحبت معلوماته وطلع اللي جا بالزواج هو نفسه يبيع مع غيث
أفنان : اسمه غيث ؟ العايلة كلها خربانه
بهاج : صغير يا أفنان ما تعدى الثانوية للحين !

أفنان : مادري نشوف اكلم العميلة وهي تبلغ حنا مالنا شغل
بهاج : تستهبلين ! بيضيع مستقبل الولد وانتي تقولين بأخذ فلوس
أفنان : سد حلقك يابهاج لا اجي أنا اسده لك
'
ناظرها بيمينه بمقعد الطائرة تناظر الشباك بعبوس هو يجهله لف وجهه وسند رأسه لورا يتنهد ويسمع صوت دعاء السفر ويجهل البلد ماقد زارها إلا الآن ومعها ، حجز كل شي من مساعدة اهلها وهي جاهله هالموضوع مايدري ليه سوا كذا بس تفكيره تحول لكنان وثنيان وداخله دعوات لاجلهم ، وصلو بعد مدة طويلة - أستراليا - سحبت شنطتها وناظرته من دخلو ماحد فيهم حكى نزلو من الطائرة ولف يناظر المطار مشت معه تعدل شعرها المزعج من الهوا هي ما ميزت البلد ولا عرفته أصلا ، ليث : تبين تأكلين ؟
هزت رأسها بالنفي تنطق : أبي اشرب شي بارد
هز رأسه بالإيجاب ومشى قدامها يدخل المحل وهي تجلس بالكراسي تناظر أنواع الأشكال والألوان وميزت بانها هي ببلاد الغرب ، ناظرت ليث ونطقت : أبي شاهي مثلج في ؟
عقد حواجبه وناظر يتحاكى بلغة الإنجليزية سحب الشاهي حقها وأكله جلس قبالها يناظرها تناظر الناس بغرابة سحبت كوبها تشرب منه وتناظره يشمر وياكل
ناظرها وهي هزت رأسها بالنفي
ايناس: ذا لحم ؟ ما احبه
ليث : مين مايحب اللحم دلوعة انتي مايجي عليك
ايناس: مشروب العظماء الشاهي حقي
ليث : ترا كله ايس تي مكبرة الموضوع وبالتوت بعد
ناظرته بغضب ايناس : يالله ياليث بالله تأكل كاتشب ولحم ؟ مجرد التخيل ما اقدر
ليث : باين ندور سوالف اهجدي بس وخليني اكل
كشرت بوجهها ولفت تناظر الناس وتارة تناظره مندمج باكله وهي تشرب بضحكة نطقت : في كاتشب بوجهك بس تحسبني بسوي مثل الحبايب وامسحها ؟ تخسى
رفع رأسه عليها وسحب المنديل يمسح وجهها ناظر المناديل الفاضي وابتسمت : سهل ينخدع عليك
رجع نظره للأكل بغضب وهي ضحكت بخفة تعدل جلستها وعبايتها
'
موج : لقيت بيت شفته بالتيك توك ورسلته لكم بس محد أعطاني وجه
ابتهاج : إلا أنا شفته والله بطل ياغيث لو نشوفه بالحقيقة وتكلم تركي ؟
غيث : ماعندي مشكلة يجي تركي ونروح معه هزت رأسها موج بالإيجاب ورجعت نظرها لجوالها تتنهد بحزن : وحشتني ايناس ماصورت شي للحين غيث : اتركي البنت تتنفس وش تصور باستراليا؟
ابتهاج ضحكت : ياحليلك ماتدري وش فيها ، ناظرتهم ووقفت بصعوبة تروح غرفتها وتنسدح بسريرها بتعب من الأدوية تخدرها ، خطر ببالها هتان متصوب مرتين وهي مرة وما تحملت كشرت من افتكرت انه طنش تحذيرها ولا بلغ الشرطة رمشت تناظر السقف بحيرة
ابتسمت موج تقوم من محلها وتحضن غيث : غيث احبك تدري ؟ أحسك توأمي
غيث ابتسم : شعندك ناقصة حنان ؟
موج بسخرية : لا عواطف اضحك بليز