ياسيّدة عمري بشرع المحبّين‏ عسـى بشرع الله أناديك عمري"

{ 39 }

'
ميهاف:اي وكل صباح امي تهاوش ثنيان وكنان عشان ما يصحون بدري بسببنا يعني
لف ليث يهمس لإيناس:المفروض تطلعين للقمر لقى شبيهه
دقته ايناس بذهول وهو مسك بطنه من ضربتها يبتسم للباقيين ومسحت بيدينها ايناس عليه:لا تنسون ترا وراكم دوام
لفت ايناس تنطق:بترجعون لشقتكم القديمة؟
رفعت كتوفها عهد بعدم معرفة:ماندري إذا وافق
كنان ناظرها:وليه ما يوافق؟
عهد بلعت ريقها بتوتر تسمع الهدوء بصوته وتنطق:امل تهاوشت معه واصيل كمان
تأففت امل تناظر عهد:مقرف والله ما ارجعلو أهون عليا جدة بداله
عقدت حجاجها ايناس تبتعد عن ليث وتناظر امل بقلق بعيونها وفزت طيف تنطق:يخسى ترجعون له تنامون عندنا
ناظرتها بصدمة عهد ثم لفت على امل اللي تناظر ايناس وقامت ميهاف تنطق مع طيف:صحيح
امل:لا لا ماينفع أغراضنا بالفندق ونخاف نزاحمكم كمان
غيم:مافيها زحام كلكم اثنين وحدة عند ميهاف ووحدة عند طيف او عندي
هزت راسها طيف تتفق مع غيم وناظرتهم ايناس بخيانة:ياخاينات
امل:روحي مع زوجك انتي وحنا بنسهر
عقدت حجاجها ايناس تلف على ليث اللي يضحك بصمت ودقته بقوة:ليث
عدل وجهه يناظر فيهم بحدة:لا مافي ما اسمح لكم أنا
ميهاف:شدخلك انت بينامون عندي ولا عندك
قامت ايناس ترفع يدينها:اقول أنا بسحب معاي امل وعهد انتم وراكم دوامات
ناظرهم كنان بضحكة:قبت
ليث:خلاص يالله اجلسي معاهم ماعندي مشكلة
هزت راسها ايناس بالنفي من تذكرت:وراي دوام بس بكرا نتفاهم على الخيانة اللي سويتوها لي بروح احرق أغراضكم وأرميها من الشباك
قامت امل على هالطاري وضحكت ايناس:أعرفك والله ترمينهم كلهم ولا ارمي أغراضك
قام ليث خلفها يرفع يدينها:ترا تسويها زوجتي وانا بشجعها ماعليها من احد
تقدمت عهد تناظرها:تكفين ايناس خير طيب اجلسي معنا وعادي تصحين بكرا بدري
ابتسمت ايناس تناظر عهد ثم لفت على ثنيان وكنان اللي يناظرون بكل مكان عدا مهاوشتهم ومدت يدينها تطبطب على كتف عهد:عشان طيف بس عشانها عروسة
ليث:يعني نمشي؟
هزت راسها ايناس بالإيجاب وانحنى ليث يأخذ شنطتها وهي تقدمت تحضن امل وتهمس:ماخلصنا كلامنا ياملي
مسحت عليها امل بشعرها وظهرها بيدينها وناظرهم ليث يطير عيونه بعيد بملل وابتعدت ايناس تمشي خلف ليث اللي يلعب بمفاتيح السيارة ويفك باب الخارجي البيت لها وهي حاقدة عليهم وعلى جلستهم دونها لفت طيف من خرجت:هيا تعالو نتقاسم البجامات
ابتسمت عهد على حماسها وسحبت امل يمشون ويطلعون قدام كنان وثنيان اللي لفو سوياً على بعض وابتسم داخله ثنيان :اليوم تنام مع اختي وبكرا معي

'
لفت ميهاف تسمع همسه وناظرته بذهول:عيد كلامك وش قلت
ثنيان لف يأشر على نفسه ويكلم كنان:أنا قلت شي؟
رفع يدينه كنان باستسلام:حشى كان يستغفر بالهمس
هزت راسها ميهاف ومشت خلف غيم ولفت تناظر ثنيان بشك ثم كملت طريقها وتنفس ثنيان بتوتر:ابلش
كنان:ثنيان بشق هدومي
ضحك ثنيان يمسك ملابسه من مثل كنان انه يقطعها واسند ظهره بعد الضحك على الجدار ومعه كنان يسند ظهره ويتنهدون بنفس الوقت وضحك كنان:اهخ
ثنيان:ما بقول سلامتك من الاهخ تخسى
-
لف عليها ليث يناظرها متكتفة وتسند راسها على الشباك ولانت ملامحه يتذكر الأيام اللي كان يشوفها كذا تكون بأقصى حزنها ويعرفها من عيونها والان رجعت لحركتها معقولة زارتها الذكريات؟ وقف سيارته على اليمين وهي ناظرته باستغراب تشوف القلق بعينه فك حزامه يقرب منها:ايناس
ميلت راسها ايناس تسمع نبرته وقربت منه تهز راسها باستغراب وهو ناظر ملامحها يتطمن:مين مضايقك؟ زعلتي عشانهم ما نادوك نرجع
عقدت حجاجها ايناس كيف فهمها بثواني وهي ما لمحت ولا حتى زعلت ووقف السيارة عشانها تنهدت تنطق:ليث حاسة في شي امل مخبيته عني
ناظرها من زمت شفايفها مد يدينها يمسح على شعرها:واذا عندها شي اكيد بتقول لك ليش تشيلين همها؟
رفعت كتوفها بعدم معرفة:مادري علاقتها مع عهد صارت أقوى وانا لا افقدها مرة
رفع حواجبه يصغي لها بكل كلمة هي تنطقها بكل حزن هي تقوله هو يسمعها بعمق نزل يدينه يحطها على خدها ينطق:بتتعدل صدقيني كفاية عيونك تحزن أرحميها متى تصير حياتك كلها سعادة ؟ وأنتي جنبي وسيف معنا مثل الغيث لنا
رفعت راسها من طراً هو بنفسه الاسم يلمح لها وتوترت تبلل شفايفها:ما احس وقته ليث ماني مستعدة ابداً
لفت من سمعت جوالها يدق وترك خدها ليث يمسح على وجهه وهي مسكته ترد على موج اللي تتسال عن موعد زواج طيف رفعت راسها له وناظرت الألبوم اللي بجوالها ودخلته تتذكر من طاري المطر تتذكر أول سفرة وكيف تنساها وهي تحب تصور اي ذكرى؟رفعت الجوال له تقرب منه وتفك الفديو بتوتر ما تحبه لانه يلعب بقلبها بضحكاته ونظرات الناس له يفز قلبها وتبكي من ألمه من الم الشوق ولكن هو الان جانبها وتسمع ضحكاته ليل وصباح تذكر انه فكته مرة وندمت ما قدرت تكمله عيونها وقفت عليه وعلى ابتسامته كانه طفل يلعب تحت المطر قرب منها يناظر بالفديو ويسمع صوته وضحكاته بالمطر واتسع ثغره من لمحها تتأمله مكشره لانها تكره المطر ولف عليها من صدمته تصور وتحب تخلد الذكريات ولا توقع انه بترفع جوالها بهالوقت وتصوره والواضح انه كانت بتصور نفسها ولكن طلع هو خلفها سكتو يسمعون من تقدم لها ينطق لها:ترا مالك إلا الجليد تجين؟