ياسيّدة عمري بشرع المحبّين‏ عسـى بشرع الله أناديك عمري"

{ 33 }

فك عيونه كنان يناظر نور الشمس على وجههم وهم من التعب ما حسو فيه ولا حسو بشروق الشمس وصلاة الفجر وفز يناظر الساعه يتذكر موعده مع ليث لف يناظر ثنيان وسرعان ما ضربه بسرعه يصارخ: موعده الموووعد
فك عيونه ثنيان يناظره بغرابه يحك رأسه وتنهد كنان بملل: ثنيان مو وقته بقي ساعه تأخرنا مرة
ثنيان: ساعه وتأخرنا ؟ تستهبل انت ليش تودينا بدري
كنان : ياخي احسني متوتر
ثنيان : خلينا نفطر ويصير خير ياكنان لا تتوتر مابيفيدنا شي اللي كاتبه ربي بيصير مهما كان

'
تنهد كنان يناظر ثنيان اللي يواسيه ولا كانه أبوه متهم بالتهمه بعد نزل كنان من السيارة ومشى يدق الجرس نزل خلفه ثنيان تماما وسرعان ما لفو اثنينهم يسمعون حِس بالسيارة اللي خلفهم تطلع منها ايناس تتعداهم وتفك الباب لاجلهم بفاتيحها ودخلت وهم خلفها : اجلسو بالمجلس بنجهز فطور
كنان : بس بتطمن على امي مابنفطر
ايناس: كنان اصبحنا وأصبح الملك لله كلها فطور
زفر كنان بغضب ومشى يجلس بالمجلس واستغرب منهم ثنيان : ليش تخلينا ننام وانتي عندك هالمجلس؟
ايناس : لاني ابي الكل يأخذ راحته يمشون بالبيت باي شي هم يبونه
ثنيان : على راسي تمونين بنروح نصلي ونجي
ومشى ثنيان يسحب معه كنان اللي بالمجلس ويخرجون مع بعضهم وتنهدت ايناس بصعوبة هي شهدت الليل كله ما نامت إلا ساعه وبالسياره وصحت تفز من حلمها المرعب ولفت تناظر اسماء واللي نزلو لاجل يساعدونها بلعت ريقها من اسماء معقولة ما تعرف ؟ معقولة تكون الغبية بموضوع مثل كذا ؟ تظن أنهم كلهم يعرفون وهي ما تعرف لفت عائشه تمسك البيض: اجلسي ايناس وجهك تعبان
رفعت راسها اسماء تناظر عيونها كانت مثل ليث تتعب ويبان بعيونها ابتسمت بتسليك ايناس : مافيني شي ما نمت بس على فكرة مستعجلين كنان وثنيان راحو يصلون ويجون
طيف : الله بيفطرون معنا ؟
هزت راسها فاطمة وهي تقطع الطماطم : ما توقعت بعمري هذا اسوي فطور
عائشه: ترا كنا بالديرة وكل يوم تطبخين كلهم يمدحون طبخك زمان
ضحكت طيب وهي تشغل النار : يعني بابا كان يحب مرة طبخ ماما ؟
ضحكت اسماء تسمعهم ونطقت عائشه: اووه تزوجها عشان بطنه وبالنهاية صارت ما تطبخ تدلعت من بعدك
سكتت ايناس تسمع سوالفهم وضحكهم لفت ميهاف تنطق : أتذكر كيف كنا أنا وإيناس نغار من طيف لأنكم صرتو تدلعونها
توسعت عيونها ايناس تناظر ضحك ميهاف وضحكت بخفة تتذكر كل لحظة هي عاشتها بالديرة كل لحظة هي كانت فيها طفله وزفرت اسماء تنطق : كانو مجننيني كنان وثنيان وأرميهم على عائشه تبلش فيهم وبعيالها مع ايناس اللي مع ميهاف
ضحكت بصوت عالي عائشه تتذكر : لو ما وقفتهم أنا كان جابت اخوان لهم
ضحكو بصدمة من عائشه وكلامها وابتسمت ايناس لها ذكرى فعلا حلوة ولكن من نقلو لبيت اجدد صارت العلاقه متوترة اكثر بين الكل ورسمية : ياليت كان عندنا صور
طيف : ماما عندها صور كثيرة كانت دايم تورينا هي
ناظرتها ايناس: منجد ؟ ينفع نشوفها ؟
هزت راسها فاطمة بالإيجاب : اكيد باي وقت
عائشه: هذي اكثر وحدة دلوعه فينا على انها كبرت وصارت ام إلا انها كانت تصوركم وكل لحظة أزعجتنا بالكاميرا
دخلت جوهرة تسمع كلامهم وجلست جنب ايناس: عيدو السالفه عشان أنا اسمعها
ميهاف : خاله محد قالك ما تجين