ياسيّدة عمري بشرع المحبّين‏ عسـى بشرع الله أناديك عمري"

{ 22 }

'
ايناس :  مابي اجلس معاكم لحد يجيني ولا اجي لاحد
ناظرتهم تبلع ريقها وطلعت غرفتها تناظرها بغرابة تجلس على الأرض وتناظرها بعدم امان بكت تكتم داخلها وتبكي ودها ترتمي بحضنه ليالي ولا تخاف تفقده مثل أبوها تخاف تكون يتيمه للمرة الثانيه
ناظرت كبر الغرفه ووسعها على قد ماكانت كبيره وشرحه على قد ماكانت ضيقه على قلبها تشوف التغير اللي حصل لاهلها ولها كانت تنام باحضانهم ولا تخجل والحين خيبتها فيهم تعورها ولا تبي تحضنهم وتعبر عن حبها لهم نامت بدون ما تشعر بنفسها بعبايتها ودموعها تبكي لوحدها مثل كل مرة ينتهي الحال بها
'
طرقت اسماء باب ليث بخوف اكثر من مرة مدت يدينها تفكه وكحت بقرف من ريحة الدخان اللي داهمتها والغباش يملي الغرفه دخلت تبعد عنها الريحة وتناظر ليث المستلقي يدخن وصارخت تصفقه بذراعه : يامعفن شيل هالعفن منك
ناظرها ببرود وقام يواجهها يناظرها بتعب بعيونه : ما كثرت
اسماء: والله أوريك عند أبوك أربع ياليث ! مخلصهم
تنهد ليث يرتخي على أمه ويترك الدخان بتعب يمسح جبينه ويحضنها : تعبان مره وحدة اسأليني إيش فيني
لا تهاوشين
رفعت ذراعها تحضنه بخوف وقلق تكتم خشمها من ريحته : كتمتني وش صاير لك وفين ست البنات ؟
ضحك بخفه يشد على أمه وهي كشرت تنطق : والله داريه من دخلت وإنت عينك عليها تعبتك هالبنت طلقها خليني اختار على ذوقي
ابتعد عنها يناظرها ليث ونطق : لسى تفكرين اختاري لكنان مو لي
اسماء : اسمع كلامي ياولدي هي متعبتك ؟ ورا عيونك كذا ما تأكل انت
جلس ليث بالسرير ونزل رأسه : مابي غيرها أبيها هي لا تدورين لي
اسماء هزت رأسها بحسره : وهو أبوها مالقى إلا ولدي اعوذبالله
'
صارخت عهد بألم من رجلينها : امللل
فزت امل من صراخها تقوم وتترك جوالها تناظر باب الحمام ودخلت تشوف عهد ودموعها على رجلها مسكتها وصارخت عهد بجنون : غبيه انتي وخري وديني المستشفى
امل بلعت ريقها بوهقه وهزت رأسها تسحب المفتاح وتسند كتوف عهد على كتوفها وعهد تبكي بألم دخلتها السيارة بخفه وركبت قدام بعجل تناظر عهد من المراية وسكتت عهد تستلقي وتخفي وجهها عن امل تمسك جوالها وترسل وقفلته تحطه بجيبها وتبكي من جديد وقفت امل بمستشفى اللي فيها ليث بما أنهم اقرب من حّيها وفكت باب السيارة تناظر اللي يساعدونها وفزت عهد تنطق : نبي قسم دكتور ليث يعرف لنا
الممرضه ناظرتها باستغراب : بس أستاذ ليث بقسم طب جراحة قلب ؟
عهد : شعليك منننا يعرفنا يلا
هزت رأسها الممرضه وسحبت عهد ومشت خلفها امل يدخلون ويستلقون عهد بخفه من رجلها ودخل ليث اللي فز يناظرهم : عسى ماشر ؟ امل
امل : مادري شفيها ذي طاحت بالحمام الغبيه
ابتسمت عهد وقرب ليث يشوف

'
امل : مادري شفيها ذي طاحت بالحمام الغبيه
ابتسمت عهد وقرب ليث يشوف رجلها وهي قربت تهمس له : مشي الموضوع بيجي شوي ثنيان
رفع عيونه باستغراب وهي رجعت ظهرها تبكي بتمثيل ودخل كنان وثنيان خلفه أطلق حجاجه ليث يشوفهم ويشوف يدين كنان اللي تنزف : خير اللهم اجعله خير
هز رأسه كنان يجلس بالسرير ومسك يدينه ليث يعقّمها لانت ملامح امل من شافت ثنيان اللي تعداها ولا ناظرها غمزت عهد لكنان بالسرير اللي جنبها وابتسم بخفه يناظر نظرات امل لثنيان ناظرته تنطق : ثنيان أبيك برا شويه
ارتبك يسمع اسمه على لسانها ومشى خلفها وهو صاد وابتسمت عهد بحماس تتناسى رجلها وتقوم تصفق وضحك بجنون كنان : أنا تعورت صدق كله منهم حسبي الله
ليث ترك يده يدفعه بألم : بلشتوني ! شمسوين ؟
عهد : خطتي هذي كنان قال لي ثنيان يبي يشوفها بس مو عارف وجمعتهم هنا
ليث : وانتي ما لقيتي إلا عندي ؟ وش هالصرع استغفرالله بزارين والله
وقام من سرير كنان يعدل لبسه ويخرج من الغرفه وضحكت عهد من وجه كنان : شفيك قمطت ماعليك من ذا معصب
كنان : ماسوى يديني طيب انجرحت صدق
عهد : غبي انت قلنا تمثيل دموعي أصلا تكفي
ناظرت الدم وفزت تنطق : هي كنت أحسبك تمزح إلو بنادي لك الممرضه
رفع يدينه لجبينه بوهقه يناظر يدينه
ثنيان : سمّي
امل : ليش تكلمني كذا ؟ وما خليتني أشكرك وقت أخدت منك السلسال
رفع عيونه يناظر تاشيرة يدينها على السلسال وكانّه قريب من قلبها : انت ما تطالع فيا ايش سويت ؟
ثنيان ناظر عيونها بغضب : تبين اناظر عيونك ؟ تبين اناظر منطوقك وتتضايقين من نظراتي ؟ مب احسن اني اصد ؟
رخى نبرته يميل رأسه : بالهون ياامل
بلعت ريقها بربكة وصدمه من كلامه وبعدت بخوف تخرج من المستشفى بعدم تصديق تتناسى عهد ورجلها وابتسم هو بسخريه دخل الغرفه يشوف كنان
كنان : خلاص خلصت يلا خلينا نمشي
ثنيان : وأنت ما لقيت إلا هالمستشفى ؟ اشغلنا ليث
عهد : وين صحبتي ؟
ثنيان : بجيبي شدراني عنها امش ياكنان
قام كنان من السرير وهو يناظر عند وخرج مع ثنيان الغاضب
'
كانت متكتفه وابتسمت تشوف سيارته وركبت تدندن : يابو سيارة سوداء قلي ليش مظللها ؟
استغرب يناظرها ليث وحرك يبتعد عن جامعتها ونطق : غريبه مروقه ؟
ايناس ناظرته بعدم فهم ورجع نطق : وجهك امس غير
والحين شلون تسوين كل ذا ؟
ايناس : لاتحسبني أخذت بخاطري واجلس اتبكبك زي ميهاف مايهمني اثنينكم بخرج نفسي من هالسالفه كلها أسبوع ولا أسبوعين خليني أعيشها
سكت ليث وهز رأسه بقهر يتجاهل مشاعره : لا تدخلين مكان انتي مو قده ، أنصحك يايناس
ايناس: تنصح مين ؟ عشان انفضحت من وراي ؟ انصح نفسك لا تنصحني ما احتاجها