ياسيّدة عمري بشرع المحبّين‏ عسـى بشرع الله أناديك عمري"

{ 37 }

'
صد عنهم كنان يمنع دموعه وثنيان ابتسم يصفق : ها يا خالة يستحق بكاء الصبح؟
ضحكت اسماء مع دموعها ترفع راس ليث وتناظر وجهه اللي نطق : مين بكى؟ امي
ثنيان:يووه ترا شايله بخاطرها عليك انتبه تقول ليش ما يدق علي
ضحك ليث يمسح دموعها ويبوس راسها يقوم منها يطالع بصدمة طيف اللي كنان اشر له : وهذي للحين ما تزوجت من بهاج تنتظرك تحضر زواجها
ضحكت طيف : حلال انت من صفقك كف تدري ؟
هز رأسه ليث يبتسم : ادري اجلسو خلونا ناخذ اخباركم
لفت ميهاف تمسك جوالها : انادي ايناس ؟ هي تدري ولا
تلاشت ابتسامته من طاريها كان يشغل نفسه مابيقوى يشوفها ما بيقدر وبلع ريقه يرفع يدينه : خليها أنا اروح لها اجلسي انتي
هزت راسها ميهاف بالإيجاب تجلس بجانب غيم ولف ليث يسلم على عماته ونطقت جوهرة : اجلس تعشى عندنا مابقى شي ويأذن المغرب
هز رأسه ليث : ابشري نجيب من برا ؟
ضحك كنان : لا ياحبيبي تراهم يطبخون ماعاد في بهالبيت احد مايطبخ حتى ثنيان يسوي شاهي بعد كل وجبة
رفع حواجبه ليث يضحك وضحكت اسماء من ضحكته براحة
-
تنهدت بتعب ايناس تنحي راسها على الطاولة : اوف تعبت
رفعت راسها تاخذ أغراضها وتقوم من الكرسي يومها متعب جدا وهي لولا ساندوتش تغريد كان بيغمى عليها وسحبت مفتاح السيارة تقفل مكتبها خلفها وتركب السيارة بهدوء تناظر الراديو اللي اشتغل من فكت السيارة وابتسمت تسمع القران : احتاج الحرم فعلياً
ومشت تحرك وتناظر بجوالها اللي دق اتصال من غيث وحطته سبيكر تتكلم : يأهلا بالغني
غيث : يأهلا بالمحامية
ضحكت ايناس من الاسم تعشق احد يناديها كذا وزفرت تسمع سوالفه عن شغله وحلطمته من ياسمين اللي تسحب عليهم وتروح مع موج اللي اشترت سيارة وابتسمت تنطق : ما اقدر اجي خليها بالإجازة
غيث: تعالي تفاهمي مع موج الطايشه هذي مو حاله
ايناس : أنا استسلم عندها هذي عندها أساليب الإقناع عالية خليها تركز بحياتها بس
-
ليث فعلا كان يناظرهم بابتسامة مايصدق ان ربي أرسله خالد لاجل يشوفهم ويلحق عليهم يشوفهم بهالمنظر والبساطة شاهي من يدين ثنيان وطبخ من يدين امه مين كان يتخيل ؟ ولا هو حتى تخيل ان ممكن يسمع مهاوشات طيف وثنيان وصوت امه وقام من الكنبة يناظر فيهم : أنا بمشي بس تعال كنان
قام كنان ينزل من جيبه المفتاح ويعطيه بكفوفه : هذا مفتاح سيارتي وبيتكم
استغرب ليث : وانت عندك مفتاح بيتنا ليه
كنان : للضروره ياغيور ها بنقول بيجينا سيف ؟
ليث: اصبح يا كنان
ضحك كنان يطبطب على كتفه ومشى ليث يلعب بالمفاتيح وداخله متوتر قلبه يتطاير من اشتياقه ركب السيارة يناظر يدينه اللي ترجف وهو لوهلة نسى كيف يسوق نسى كيف يشغلها ويحركها واستغفر يهدي نفسه ويشغلها

'
دخلت ايناس بعد ما سلمت على تغريد اللي كانت نازلة مع زوجها والواضح ان أحمد مو معاهم هي تشوف علاقتهم بافضل حال لأنها تشوف تربية أحمد وحنانه وعطفه على اي شخص قفلت الباب خلفها تستوحش البيت ولاكنها تعودت مثل كل مرة مشت للغرفتها تبعد عنها عبايتها وتلبس البجامة وترفع شعرها ونزلت للمطبخ تأخذ التوست اللي قدامها وتاكله ولفت تعبي لها موية بالكاسة ومشت بتجلس بالكنب ثم وقفت من سمعت صوت المفاتيح وابتعدت بخوف ترجع ظهرها لعند باب الحوش تخاف ورمشت بهدوء تستعد لاي شي وتتوقع احد من اخوانها ولكن من دخل البيت ليث يدور بعيونه ولانت ملامحه من صوت الكاسة اللي انكسرت قدامه ولانت ملامحه يشوف ايناس وبيدينها التوست والكاسة تحت رجلينها مكسورة تقدم لها بخوف يقفل الباب برجله وهي غمضت عيونها بخوف : بسم الله
عقد حواجبه يشوفها تستغفر وتنفي الروية تحسب نفسها بحلم او انها من كثر ما جلست بالبيت صارت تتخيل الأشخاص وفكت عيونها للي يناظرها ويشبع النظر منها قلبه يرفرف بقوة ويفز من شوفتها ورغبته الشديدة فيها وهي ناظرته ما تفهم ليه ماتقوم من حلمها ؟ او توقف الوهم اللي تشوفه او يمكن انها تشوف طيف ليث ونطقت بكل خوفها بهمس : ليث
تنهد بعمق من سمع اسمها على صوته ورقه صوتها : عروق قلّب ليث
ميلت شفايفها ما تصدق انه قدامه ويسمعها وتسمعه تشوفه ويشوفها بس هو لسى بقي له أربع سنين كيف رجع ؟ بكت من شوفته ونظراته خايفة يكون حلم وتفقده مرة أخرى وهو فزت عيونه يناظرها بقلق من دموعها وما يفصل بينهم غير الكاسة المكسورة كان بكائها يقطع قلب ليث فقط ونين وشهقات متعالية الحين هي تبكي قدامه ما تبكي خلف الجوال كان مايقدر يلمسها وحتى ياخذها بحضنه والحين صارت قدامه تبكي ببكاء مايحبه مايحب عيونها تكون تعيسة وهي كانت بتقرب منه بس رفع صوته : القزاز
ناظرت القزاز ثم رفعت راسها له تزيد بكائها وتبتعد عن القزاز تقرب منه وترفع يدينها تضرب صدره بقوة : كيف لك وجه تجي لي ؟ مو باقي لك أربع سنين
ناظرها يتفحص كل وجهها بشتياق ولهفة من دموعها اللي سالت وزادت بصراخ ايناس تضربه : لا تناظر فيني لا تناظر اطلع
هز رأسه بالنفي وهي ناظرته تميل راسها بضعف منها ما تصدق من كل خلية بجسمها يرتجف خوفاً ورعب وهو ناظرها يقرب منها ويرفع يدينه يحضنها بقوة يقشعر جسمهم من اللمسة اللي كانت اقرب لقلبهم لف يدينه على خصرها يرسمه بيدينه ويميل رأسه لرقبتها أحد أسباب انهزامه هي من يشم عبيرها وصار الوقت اللي يشمها بعد أربع سنين غيبة وفراق وهي بكت بقوة من حست فيه بعنقها يضمها بقوة خايف انها تروح منه وهي رفعت يدينها تحضنه بالمثل مشتاقة له وكيف تكذب نفسها كيف تقنع نفسها