ياسيّدة عمري بشرع المحبّين‏ عسـى بشرع الله أناديك عمري"

{ 20 }

'

تتغير نظرته فيها اومى كنان رأسه بانزعاج يشوف سكون ايناس وابتسامتها
ثنيان : وانتي ساكتة ما تعلمين ؟ قوليلي وش حرمتك منه ولا أعطيتك حنان عشان ماتعلميني بهالاشياء ؟ أنا مو اخوك ؟
صارخ بوجهها لأول مرة يستوعب خيبته: انتي غبيه ؟ أنا عمري صارخت بوجهك عمري عاملتك بجفى لاجل ما تبوحين بسرك؟ أنا اخوك ياغبيه اخوك تشوفيني سنين وانا اجلس مع ليث ولا تحاكيني ؟ ولا تلمحون ؟ وش اسوي فيكم أنا ؟
كنان : وانت أخذت ايناس وبذمتك ميهاف ؟ عزاي عليك عزاي ياليث
ليث : طلقتها
ثنيان هز رأسه بعدم تصديق يسمع بكاء طيف وتنهد ينحني لها ويستغفر بان له رغبة يحضنها كأخ ماعندها اخ يسندها ولا أخت ناظرته طيف وميلت رأسها بخوف : لا تناظرني زيهم مابيك تناظرني زيهم إنت غير عنهم لا تشعرني باني مو مرغوبة ياثنيان
ثنيان : فهميني لا تصيحين !
طيف بتردد تنطق : والله كانت بنت كانت صحبتي ! غدرت فيني محد راضي يسمعني حتى اختك كانت ترمي علي حزنها وانا ماكان احد يواسيني هي غلطتها بس أنا وش غلطتي ؟ اني صاحبت من نفس جنسي ؟
كنان : وراكم ما بلغتو عليهم ؟ ومنهي ذي
ضحكت بسخرية ايناس تأشر على نفسها : مهُره أمي أنا غدرت بأخوي وأختي لا تشعر بانها هي لوحدها ضحية
ثنيان رفع حواجبه باستغراب ورجع نظره لاخته اللي ساكته وتنهد من ذهوله يجلس جنب كنان : شفيه غيث ؟
بلعت ريقها بخنقه تنطق : نفس تهمتي هو باع
لف ليث عليها يسمع صوت غصتها وصد براسه مايبي يشوف دموعها
ثنيان : حسبي الله ونعم الوكيل بس ابلع لساني أفضل
قامت ميهاف من كرسيها توقف قدام المسبح وتتكى عليه تفكر قامت ايناس بتجاهل توقف جنبها وناظرهم ليث من بعيد "زوجته وطليقته"
كنان : ليث تكفى قول انك تكذب ماقدر استوعب تكفى أنا بوجهك
ليث : لحظة طيش وعرفنا غلط بعضنا
ثنيان : ويعني أنا بقتلك لو علمتني ؟ تأخذ اختي بالسر ولا تعلمني ؟ شفيها ياليث كان ودي اقولك اني مثل اخوك وتعلمني بس انت حتى اخوك ما علمته
تنهد ليث يناظرهم بقهر : تكفون خلاص ندمان تراي
ثنيان : ندمان على اختي ! على عشرة اختي ؟ ولا على مصيبتك
لفت ميهاف باستغراب تناظر ايناس وتنهدت ايناس تنطق : شلون صرنا أعداء ؟ تذكرين كنا ننام بسرير واحد كنتي صحبتي وأقرب من اختي كنتي مخبى أسراري وملجأ طفولتي ميهاف كنا أنا وميهاف واحد والحين انتي وطيف واحد يامغير الاحوال
ميهاف لفت عليها بقهر : تعرفين وانا احكي لك عن حبي له ليش تأخذينه ليش تحرقين قلبي ؟ صرتي عدوتي لأنك لمستيه وعشتي معاه إنتي تنامين معاه وانا ينحرق قلبي على فعايله الطايشه
ايناس : ماحبه ماحبه افهمي أخذته عشان أبوي لاتعيشين دور الضحية انتي غدرتي فيني كنت أشوف ابتسامتك

'
ايناس :وقت مسكوني ولا تساعديني وش تفسرين هذا ؟ وانا غدرت فيك اشد الغدر اني أخذته طرق عنك
بلعت ريقها تناظرها ايناس وهزت رأسها تبتعد عنها وتناظر ليث تطلع غرفتها وضربت ميهاف برجلها بقهر القزاز اللي أمام المسبح
'
فك الباب يناظر جية ايناس وسكره خلفه بعجل يوقف قدامها : خير خير على وين ؟
ايناس : ابعد ياليث لا اكسر عليك هالبيت كله اقسم بالله
ليث : ما تروحين وشوفيني ماسك الباب
ايناس : بزر إنت ؟ ابعد بروح لأمل
ليث : نروح أنا وانتي ما تروحين لوحدك
ايناس : ليث بتبعد ولا اكسر القزاز عليك والله
ليث ناظرها بتحدي ينطق : اكسري وش علي منك ؟
ضحكت بسخرية : يلا ياشطور خلصت ؟ صدقت انك حزامي ؟ هيا اسري عني
ليث : طلع العرق ؟
كشرت بوجهها من ابتعد عن الباب وهو ضحك بخفة يلحق وراها ويتعداها يركب سيارته وركبت هي بجانبه ومشو لبيت أمل
'
كنان : بتتشره على ليث ؟ خلاص ياعمي مرة وصارت
ثنيان : ياخي ما أشيل بخاطري ذرة زعل له بس ليش مايعلمون! وش بنسوي فيهم يعني ؟ حسافه على اللي بجانبه ما صفقته بالفنجال اللي هو يشرب فيه
كنان : ماتبي تشوفها ؟
ثنيان : منهي ؟
كنان : لا تسوي نفسك غبي بتشوفها ؟
هز رأسه بالنفي يُناظر بدلته العسكرية ورجع يستذكر هذاك اليوم والرجال اللي واقف بجانبها كان هو يتمنى مكانه هو أولى هو حبها !
كنان : الله يعين مابي أفك أشوف صور طيف بتشوفها انت ؟
ثنيان : لا وذي امهم شعليها تسوي كل ذا ؟ والله أنا بسجنها بنفسي لو هم ما رضيو باي حق ؟ طيف تشهير
كنان : الباقيين جاتهم صور على جوالاتهم مستحيل تنشرها
'
دقت الباب بخفة ايناس تنتظر وفكت الباب امل بابتسامة تنطق وتراجعت عن النطق من شافت اللي خلفها ومدت يدينها تفك الباب ودخلو اثنينهم وضحكت امل تشوف وجه اصيل وجلس ليث يناظر ايناس تحضن امل كشر يصد عنهم ويناظر اصيل : استريح شايف شي ؟
تنتحنح اصيل يبتسم ويسلم عليه وهو عابس ليث وجلس اصيل ونطق ليث : مين انت ؟
امل : ذا عمو اصيل
ليث : اما عاد كل ذا وعمو
ابتسم اصيل يناظر ايناس اللي بجانب ليث ورفع حواجبه ليث يرفع يدينه ويأشر : لا اجلس جنبنا احسن؟ شهالنظرات
لفت ايناس باستغراب تناظر ليث وهو عابس كتمت ضحكتها من نظراته لأصيل ورجع يناظرها يهمس : انتي كل يوم تجين وذا في ؟
بلعت ريقها بتوتر من قربه وكيف معصب ويسالها بهدوء وميلت شفايفها بعدم معرفة : انت معصب ؟
ليث : بكسر عليك أنا هالبيت فوقك انتي وصحبتك
كانت بتنطق وتراجعت من امل اللي اشرت لأصيل يقوم معها وعبست تناظره : خير ياطير بتسوي فيها أنا ذحين ؟
ليث : ليش تشقلبين المواضيع ؟أنا وين وانتي وين ؟
زفرت بغضب من نبرته : لا تصارخ علي ماني ميهاف