ياسيّدة عمري بشرع المحبّين‏ عسـى بشرع الله أناديك عمري"

{ 24 }

'
تنهدت من حيرتها وتعبها ورفعت عيونها لهم خارجين رجلها تقودها له ولطاريه ولكن هي تخجل وتطلق محاجرها عنده عقدت حواجبها باستغراب من اشر لهم ومشى هو يركب سيارتها تحت استغرابها التام يجلس بهدوء ويضع حزامه ويناظر رجفة رجولها ويدينها ولف يناظر وجهها وصدها عنه : أمشي
ايناس: لا تأمر واطلع من سيارتي
ليث: تطرديني ؟ امشي يا ايناس
عضت شفايفها ايناس وشغلت سيارتها تتحرك ولا تدري وجهتها بهالساعة المتاخره ومعه وضحك ثنيان يلف على كنان : تعرف ليش رجعت ذاك اليوم ؟
هز رأسه كنان بالنفي وضحك بسخرية على نفسه ثنيان : شفتها مع شخص وطلع عمها
ابتسم كنان يضحك عليه ويطلق ضحكه العالي : ياغبي ياثنيان مسوي يعنني حزين مابي احد يكلمني
وضحك بصوت اعلى وثنيان صد يضحك معه ولف عليه يناظر ضحكه وابتسم يتنهد ومشى يحضنه واستغرب كنان ينطق : ناقص حنان ؟ تراي ماني امل
هز رأسه ثنيان بالنفي داخله امتنان كبير لكنان ووقفته معه يضحكه ويمشي معه بنفس السكة وتركه ثنيان يصفق ظهره : لا تصدق نفسك
'
وقفت سيارتها بسرعة وتنطق بهدوء: انزل
لف عليها باستغراب من حالها وتغيرها فجاءه وناظرته وهي معصبة : انزل ياليث لا تطالعني بهالنظرات
فك الباب ليث ينزل وهي تغورقت دموعها من فتح بابها : انزلي انتي مابتتركيني هنا
لفت عليه تتنهد ونزلت تبعد عنه وتوقف تنسد ظهرها على السيارة وهو وقف قدامها بتحدي ينتظر عيونها تقابله يشتاق للحظة هي تناظره قرب منها ينطق بهدوء: ليش تسوين كذا ؟ ليش مازلتي تحاربين؟
ايناس : أكرهك
لانت ملامحه من كلمتها ينطق : أنا اكره نفسي بعد
لا تسوين بنفسك كذا
ناظرته ورفعت ذراعها تبعده عنها وتصارخ فيه : لا تقرب مني تبي ترمي حنانك فيني ؟ حنان فقدانك لميهاف ؟ تخسى
عقد حجاجه من كلامها يقاطعها : ايناس!
صارخت بأعلى صوتها من بروده تدفعه زياده : كم مرة قلت لك ابعد عني؟ كم مرة ياليث وانت مصّر تقرب مني؟ مابيك مااابيك ماتفهمني؟
مسك ذراعها يوقفها عن ضربها ويناظر انفعالها وحدتها : ما ابعد حتى لو الدنيا تنتهي فينا ما ابعد عنك استحاله هزت رأسها بالنفي بجنون من اصراره وصارخت تأشر على نفسها : أنا أترجاك ابعد عني أنا مجنونة اللي تعتبر ماما تقول عني مجنونة ! أنا أنجنيت
أنا تخوفني مشاوير الطريق المظلم المهجور
أنا أهابك وأخافك خلنا نوقف هنا
لانت ملامحه من صوتها ودموعها وميل رأسه يقرب منها وهي تبكي يرفع كفوفه يمسح دموعها : ارحمي عيونك

'
رفعت عيونها تشوفه تخاف وميلت رأسها بتردد تغمض عيونها وتستشعر حنيته وتشتاق لها بكفوفه
يمسح دموعها بكفوفها بحنية العالمين ناظرها تتاثر بقربه وتنتظر منه حنية مسك بكل كفوفه وجهها ينطق بهدوء صوته : أعطيني فرصة ليش انحرم من هواك ؟
فرصة أثبت لك انك بكفة وهم بكفة ما أجمعك معاهم استحاله
انقبض قلبها تسمع نبرته وكلامه لمعة عيونه ونظراته ناظرت صدره كانّها تشوف أثر دموعها ببلوزته مثل السابق ناظر نظرات عيونها تشيل كفوفه عن وجهها وبعدت بدون ما ترد عليه تركب سيارتها وتطنش وجوده لأنها خايفة وتخاف تحضنه هي من شافته مع ميهاف وسكوت الكل حولها كانّه شي عادي بكت داخلها من نظراتها له بتتركه مثل ما تركته بهالسكة لوحده ناظرت وقوفه قدام سيارتها والود ودها تدعسه وتخلصها بهالمشاعر كانت تظن هالظنون داخلها وبعد هو عن سيارتها ومشت بهدوء وهو انحنى للاسفل من مشت عنه والحيرة تغلبه لميهاف وفيها يخاف يظلمها
ايناس رفعت يدينها بجوالها ترسل اللوكيشن لكنان واغلقت جوالها بشكل عام ترميه عنها بالمقعد اللي جانبها وتشوف جواله بجانب جوالها تضعف من أصغر التفاصيل
'
عقد حجاجه كنان من رساله ايناس وقام من سريره ينقز يسحب ثوبه ويركض متجاهل اساله ثنيان وركب سيارته يمشي للموقع ويدق على ايناس ولكن مغلق وسكت يركز بطاريقه وناظر ليث السيارة المتوجهه له ونورها العالي ولانت ملامحه من فهم حركتها وناظر النازل كنان يسأله ودخل السيارة بدون مايتكلم وركب كنان يتنهد منه وناظره هادي وشغل سيارته يمشي ولف من نطق ليث : مر البقالة بشتري دخان
توسع عيون كنان من ليث ونطق بعصبية : تستهبل ؟ كلتبن ياليث
ليث : وقف كنان بفصل عليك اقسم بالله
صارخ بوجهه من بروده : تأكل تبن وتفصل بمكانك
ناظره ليث بهدوء يشوف انفعاله : خلصت؟ وقف
رفع يدينه على رأسه كنان من ليث وبروده مقارنه فيه : ليث اعلم أبوي ؟ مامر عليك ٢٤ ساعة وانت خارج
هز رأسه بعصبية وناظر فيه يعلي صوته من صداعه : لعنه ياكنان وقف قلنا
سكت كنان من صراخه وانفعاله ووقف عند البقالة يناظر فيه : بكت واحد ولا والله عند أبوي
ليث: بزر لا تذلني عندي رجلين
تأفف كنان وخرج يترك الباب مفتوح ودخل البقالة يشتري بفلوسه بكت لليث وخرج من البقالة يدخل السيارة ويرميه بوجهه : أنت إذا مت بتعرف وقتها صح
فك البكت بهدوء ياخذ ولاعه من درج كنان وينفث بوجهه اخوه : درر اخوي لا مت وقتها يصير خير
كنان : ترا لا تسوي نفسك غبي كلنا نعرف أنكم تحبون بعض إلا انتو ترا متزوجين ! ماهي حرام
لانت ملامحه من طاريها وسكت يسمع اخوه :
باين عليكم اثنينكم  اجل تشتري لها بيت وتكسر كلام اللي بالبيت وهي تدافع عنك حتى وانت طريح