ياسيّدة عمري بشرع المحبّين‏ عسـى بشرع الله أناديك عمري"

{ 6 }

ايناس : أنا بدخل وين بتروحون انتو ؟
تركي: فكينا العزا بالحوش حق الحارة
ايناس : جزاك الله خير يلا فمان الله
مشت ايناس للداخل وغيث يدينه ترجف من شاف أمه قدامه ورفع صوته أمام الجميع وبوسط العزا كانّه غرق بوسط ثغرة بوهم مريب
تركي : غيث تكفى مو وقته
غيث باستغراب: أنا مستغرب من جيتهم تهقى نادمين ؟
تركي : روحة بلا ردة ان شاء الله امش
'
وصلو الفيلا دفعة وحدة مطرودين من بيت انطرد صاحبه منهم وقف عزازي مع ياسر يدخل ويستوعب الي حصل
ياسر بهمس: أبوي تعبان ؟
عزازي : طلعني غرفتي
هز رأسه ياسر ومشى لغرفته ويدينه بذراع عزازي يسند به
قامت ترفع ابتهاج الفناجيل وتوديهم للمطبخ بهدوء من فضى المجلس من الناس وإعلان انتهاء العزا
موج بهمس : ايناس ذي ماما ؟
ايناس كتمت غصتها ماتدري تقول لها الي بجانبها بنتها وان الي شافته أمامها أمها فعلياً غيرتها الدنيا واغرتها الدنيا عنهم ، هزت راسها بصعوبة تبتعد عن موج وتساعد ابتهاج
رفعت راسها للباب تسمع وخمنت الطارق : تركي ؟
دخل يناظرها مع غيث وجلسو بالكنب تكلم غيث : تركي شرايك خلاص ننهي العزا عادي اليوم الكل جو ماودي اسمع عظم الله اجركم أكثر
موج : تعور
تركي : مدري شوف خواتك وش يقولو
ابتهاج بتكتف: عادي إذا اليوم كلهم جو
غيث مسح دمعته ومشى يدور على ريفال هي الوحيدة الي ممكن تبسطه وتغير مود يومه
'
ركب السيارة ومد جواله للسائق الموقع بهدوء يناظر اعلى بناية الفندق ويصد بخوف من تذكر الموقف وانعادت عليه ذكرياته معها مسك بصعوبة الأدوية وشربها بدون ماء ، هو وصل من زمن ولكن للحين مايحس نفسه مستعد يحارب أهله بحقيقته ورجوعه قبل انتهاء الترم ، ونوبات البكاء وغضبه ،
'
جوهرة سكرت الباب وراها بسكون تناظر بعزازي رافع يدينه على رأسه بتفكير وجالس بكرسيه المعتاد
تكلمت جوهرة باستغراب : عزازي ؟ إيش فيكم
عزازي : جوهرة راح فهيد ؟
جوهرة بحدة : ماني عارفة أشبكم وإذا راح يعني ؟ أخذت حقك وزود بعد
عزازي بحدة : انكتمي بالأخير ذا أخوي تهقين مسامحني ؟ هو غلط وتحمل غلطته !!
جوهرة رفعت يدينها تأشر على فمها بسكوت
~بالاسفل ~
حور: عِز راح معاكم؟
ميهاف : لا وانتي وينك عنه ومسرع وصلك الخبر ؟
حور : قلت له روح كنت عند اهلي
طيف : نقالين العلوم واجد
ليث تربع يناظرهم : والحين تهقون فهيد سامحهم ؟
طيف بدلع : ماركزت إلا على بيتهم مو معقولة
كنان بسخرية يقلد دلعها ورجع تكلم ،
كنان بقرف : سدي حلقك بالله تكلمي زين
غيم : مدري بس احس حزنت عليهم
حامد باستغراب : جلسة تحليل هو ؟ لو أنكم مستغفرين افضل لكم
ثنيان : ياعمي وش احلى من هالجلسة ؟
ليث : جلسه كلها نفس ثقيلة
'
ضحكو كلهم بذهول من كلامهم وبوسط ضحكهم
تقدمت العاملة ووراها هتان مستغرب من تغيير البيت ويستنشق ريحة البخور المنتشر
شهقت ميهاف تناظره بصدمة : هتتتانن!!!!
ركضت تتعدا الجميع وتنط تحضنه بقوة وتعتليه ، ضحك هتان يتمسك فيها يسكنها بداخل ضلوعه وكانّه احتاج هالحضن من سنين غربة
صارخ ثنيان بذهول يتقدم له ويحضنه من حضن ميهاف
تقدمو كلهم يوقفون له بابتسامة يناظرون حضنهم مع بعض ، تقدم ليث باستفزاز يهدد ثنيان بان يمسك كتف ميهاف وهي بحضن هتان ، ابتسم بتمثيل الغضب : ولد !!!
ليث ببراءة: اختي
بعدت عنه ميهاف بابتسامة كبيرة: وحشتني ، اشرت لثنيان : ذا المعفن بس يضربني ويشتكي لماما عني
بقق عينه بصدمة هتان ، ضحكو من كلام ميهاف ، رفع يده باستسلام : اخ غدرة أقوا غدرة
مشى يدفعها عن حضن هتان ويحضنه ويطبطب على ظهره بهدوء: رديت روحي برجوعك والله
دخلت تتروش ابتهاج وتدخل عبايتها الغسالة افتكرت الورقة الي بداخلها تمسكت فيها بخوف : بقراها بعدين
رمت بعشوائية الملابس وشغلتها تخرج من الحمام وتجلس بتردد هي ماودها تشوف موضوع الورقة لأن تخاف تشوف شي ماتسّرها مسكت بيدين راجفه تقرا مابداخلها
>السلام عليكم ورحمة الله وبركاته وأما بعد ها هي
الوصية الأولى والأخيرة لاهلي وعزوتي إلى بناتي واولادي من كأنو بجانبي ويسندون بي ،
غمضت عيونها تكتم غصتها وتسبقها شهقاتها تهمس داخلها : لا لا
فتحت الورقة بصعوبة تكمل باقي الكلام
>سامحوني واسترو عيوبي تذكروا الصحبة ولو إني اخطئت ، وانسوا خطاي واذكروني بأجمل الأماني والتهاني ، اعلم بان الذي يقرأ الآن هو احد بناتي وحبيباتي ، سأمحو اخوتي مافعلوه بنا حتى ولو كان كا زبد البحر ، اخبروهم باني محللهم وان يدعون لي بالمغفرة والرحمة ، مطلق اخي وان أخطئ بي ، وصيتي بكم تزويج بنتي ايناس فهيد من أحد اولاد مطلق ، إنني واثق ستلقى ابنتي العوض من بعد ربي بأحد هـ الابناء ، لم يزرقهم ربي بفتاة لكي ازوجها تركي ، ايناس اعز مالدي وهي فتاة صغيرة بالعمر لم تحقق الكثير من الأهداف ، أثق بذرية مطلق وتربيته لاولاده ،

بل إنني اعتذر منها من عدم مقدرتي من حل مشاكلها البسيطه والتي أنهت بحياتها ، اعذروني باني أفسدت كل مايمكن من قربة ومستقبل وأهل ، سامحوني واذكروني بالطيب  تركي ابني ، إجعل اخوتك اعز مايمكن وضعهم بالعيون الحافظه لاتهمل المؤنسات الغاليات ، اخبرو مهره بما فعلته بي باني راض عنها وعن ذريتها ، تلك هي أمكم وابنتها هي اختكم ولديكم أهل وعزوة ،
استودعكم ربي بحفظ الرحمان ياغلى وأطيب مالدي أيها الشعب الكريم دعونا نلتقي بالجنات النعيم والفردوس الأعلى ،
اخيكم : فهيد ، اللهم صلي وسلم على نبينا محمد ...
بققت عيونها بصدمة ، رفعت عيونها من نهاية الورقة هي تحلف بداخلها ماودها تنتهي وتسمع صوته اكثر ، طاحت الورقة من عدم موازنتها ليدينها ولجسمها رفعت يدينها لفمها تكتم صوت شهقاتها الصامتة  هي مو وقتها تبكي وتضعف اكثر ، من شافت هالرسالة ماقوت وضعفت اكثر ، شهقت بخوف ووحشة من سوء المصير تردد بداخلها دعوات لابيها بالرحمة والمغفرة والعوض بالجنة والصدمة تعتلي داخلها ، بل تحلف أنها نيران داخلها ..
قامت ببرود ساكن ترفع الورقة وتخرج للصالة متلمين حولين بعض ومكان فهيد محد جلس فيه وكانهم مستوحشين المكان والصالة ، هي ماتعودت على سكون غيث وموج ياما تناقرو وفعلو وفعلو لأجل فهيد يبتسم لهم
ابتهاج : في ورقة معاي لقيتها تحت مخدة أبوي
تركي فز يمسك ذراعها بصدمة : اسألك بالله !!
نجحت بجذب انتباهم السريع ومن طاري أبوها تنهدت تنهيدة عميقة تفك الورقة ثاني وتقرا وتعيش نفس الشعور مره آخرى بس هالمرة مو لوحدها مابين شعورها ووحشتها تكتم غصتها
تركي برجفة صوته : احسب عمار الدار ياسعود جدران
‏واثر عمار الدار ياسعود أبوي
‏اثر البيوت بدون أبوي ولا شي
‏يجلب محبتها غـلا من سكنـها