ياسيّدة عمري بشرع المحبّين‏ عسـى بشرع الله أناديك عمري"

{ 38 }

'
تمد له الشوكة وهو اخذها من بين يدينها يأكلون سوا وضحكت من ردة فعله يمثل انه داخ من الطعم ضحكت بصوت عالي تصفقه بخفة وهو ضحك من سمع ضحكتها : والله لذيذة يسلم يدي
عقدت حواجبها ايناس تتكلم وهي بفمها الاكل:ترا أنا ساعدتك
ضحك يناظرها ليث:كلي اول
ابتسمت تشغل التلفزيون وتتذكر انه شغلو صورته هنا وصورة أبوها وهم صغار ثم لفت عليه تنطق:تدري ان شفت صورتك وانت صغير هنا ؟
لف عليها باستغراب:وين بالتلفزيون؟ومن مين
ايناس:ايه عرضتها فاطمة كانو ببيتنا وشفتها حتى في صور لأبوي ولي مع ميهاف
هز رأسه يناظرها من فكت جوالها تدور الصور وقربت منه توريه الصور وهو ميل رأسه يقرب منها يشم عبيرها ويتابع معها الصور وهي لفت توريه صورته مع كنان:شوف كيف كنتم صغار
رمش ليث ماهو مركز بالصورة بل فيها وهي لفت ما تسمع منه صوت وناظرت عيونه وابتسمت تشوف تأثيرها:ليث ناظر الجوال
ليث:ها وش اشوف؟
ناظر الجوال وصورته مع كنان وابتسم ثم اخذ جوالها وهي ابتسمت تميل راسها على كتفه وتناظر معه الجوال وهو ابعد صورة كنان ولانت ملامحه من صورها كانت كل يوم تتصور ولف عليها يناظرها عن قرب:كنتي تتصورين كل يوم بغيابي؟
هزت راسها ايناس:كنت أوثق لحظة غيابك عني
ناظر بصور العيد وصورها مع الطفل كانت تتصور مع اي شخص ولوحدها حتى ليث:الله يأخذني
ضربته بخفة ايناس:ليث وش هالكلام
ليث:عيونك بكل صورة تدمع وما تبين ادعي على نفسي؟
حطت ايناس صورته وهو نايم اللي كانت تتأملها طوال السنين ماكان عندها كنز غيرها وهو توسعت عيونه يلف عليها وهي بعدت عنه تنطق بصوتها:كانت هالصورة تواسيني احبها مرة
رفع حواجبه من حنيتها تلامس قلبه ثم رجع يناظر بالصورة معقولة صورة تواسيها واسوارة تواسيه رمش بهدوء ليث:ما تستاهلين تعيشين يوم حزين وبسببي
ما تستاهلين
ابتسمت ايناس تمسح على عنقه وهو على حاله يناظرها يدري انها بكت بدونه وهو مستعد يعوض سنينه كلها معها يعوض الدموع وكل شي سيئ عاشته كان يناظر صورها بالعيد ما يتحمل جمالها وهي بعيده عنه حط الجوال على الطاولة ولف عليها:ايناس ماعرف ايش اقول
قربت منه ايناس تناظر حيرته ونزلت يدينها من قرب منها يطلب قربها سرعان ما يقبلها من شعوره اللي غلبه
-
عهد:وين بنروح وحنا مطفرين كذا ؟
امل:مادري قالتلي لي ايناس دقي علي لا وصلتي وسحبت علي يدق جوالها بس ما ترد
تأففت عهد منها ثم لفت امل بحيرة ما تدري:يمدحون نومة السيارة او نرجع جدة سهلة
عهد:ننام بالسيارة بس اول جوعانة خلينا ناكل
هزت راسها امل تحرك وتناظر باللي يلحقهم من اول ما دخلت مكة هي متوترة ولا تريد توتر عهد معها تعرفها ما تستحمل وخوافة وتأففت توقف قدام

'
البقالة وتعطي عهد بطاقتها:جيبي بخمسين مافي غيرها بالصرافة
عهد:تراني غنية بس الاقساط تفلس
ضحكت امل تأشر لها بالخروج وخرجت عهد من السيارة تدخل البقالة كان الوقت متاخر ولفت بغضب امل للحين واقف خلفها توترت تناظر جوالها ماكان عندها شخص غير ايناس تعرفه وثنيان هم الرقمين اللي تعرفهم بمكة ايناس ما ترد عليها وثنيان استحاله ولاكنها خايفة بنفس الوقت ضغطت على رقم ثنيان بتوتر تعرف موج وغيث وتركي لاكنها ما تملك رقمهم بلعت ريقه من سمعت صوته النايم ونطقت بهمس: خلك معاي بالخط خايفة
فز ثنيان يستوعب صوتها وأنها دقت عليه بوسط الليل صوتها يبان انها خايفة فعلا:وينك انتي
امل:في احد يلحقنا خلك معاي بالخط ايناس ما ترد عليا
عقد حجاجه ثنيان وتنهدت امل تنطق:اسكت عهد جاية بحطك سبيكر لو صار شي لان ماني مرتاحة
ثنيان زفر بغضب:وينك انتي الحين
امل:مادري ياثنيان اسكت اص
عدل جلسته يناظر بكنان وتقدم له يصحيه ويكتم صوته بمكالمة امل وناظره كنان بنعاس:خلني انام تكفى
ثنيان:قوم ياكنان يرحم أمك
رمش كنان يناظره وقام يهز رأسه:نعم ياثنيان وش صاير من جديد؟
رفع جواله ثنيان يوريه مكالمة امل وسرعان ما دخلت عهد ويسمع صوتها كنان وثنيان وتصرفت بوضع عادي امل لانها ما ودها تخوف عهد بالليل لف كنان يناظر ثنيان ويأشر له:شصاير!
ثنيان:في احد يلاحقهم مادري وينهم بس إنهم بمكة
كنان:بالليل هذا تستهبل؟
هز رأسه ثنيان بالنفي:ما استهبل اسكت خلنا نسمع
عهد:خذي ترا صرفت الخمسين كلها اسفه لك
امل:كلها خمسين خلينا ندور مكان نجلس فيه
عهد تنهدت تناظر فيها:اشتقت لمكة كله منك حسبي الله
عقدت حجاجها امل تلف عليها:خير شدخلني
كانت بتكمل كلامها عهد ولاكن لاحظت على اللي ازعجهم بالنور خلفهم ولفت تشوفه ثم رجعت تناظر بأمل:امل مين هذا مشغل نوره ازعجنا
توترت امل تشوفه شكله غريب ولا ناوي يتركهم ثم نطقت:بمشي لطريق العوالي الين ما نضيعه اتركيه
زفر بغضب ثنيان يلف على كنان الساكت ونطق بصوته لأمل:اوقفي ببداية العوالي بجيكم
لفت عهد بصدمة تسمع صوته وغمضت عيونها امل بفشلة تسكر بوجه ثنيان وتسمع ضحك عهد الساخر:دقيتي عليه عشانك خايفة ؟ مين هذا يامل
امل:ماعرفه والله يلحق ورانا ومابي أوترك ماعندي احد ادق عليه
تنهدت عهد تناظر فيها وتناظر باللي خلفهم اثنينهم صارو خايفين وبنفس الوقت متفشلين من ثنيان لفت عليها عهد:كنان يدري؟
امل:دارية انه جنبه كنت بحاول أسكتك لا تجيبين طاريهم ويسمعونك
عهد:تكفين شايفه شكلي انتي
قاطعتها امل من توترت لانه بدأ يقرب منه بسيارته ورفعت صوتها:اسكتي
تأففت عهد تناظر بشكلها الفوضوي لانها كانت تحسب محد بيشوفها
-
وقفت امل على جنب