ياسيّدة عمري بشرع المحبّين‏ عسـى بشرع الله أناديك عمري"

{ 35 }

'
وسرعان ما جو أهلها يملون البيت وحتى ابتهاج مع ريفال وحتى كنان دخل من دخلو هم وبثواني البيت يردح من الأصوات العالية داخل ايناس فرحة كبيرة تسكن قلبها بان أهلها واخيراً بيشوفون بيتها البيت اللي لملم شتاتها مع افضل شخص بحياتها كانو مستغربين ويطالعون بكل مكان وهي تشرح لهم ومعاهم اسماء وجوهرة وغيم اللي نزلت متاخر تغصب نفسها على النزول
لفت ايناس من شافت امل ولانت ملامحها من مدة ما شافتها وضحكت امل من شافتها من بعيد وتقدمت لها تحضنها بضحكتها وابتسمت بخفة ايناس تطبطب على ظهرها : يأهلا
بعدت عنها امل تناظر وجهها : وحشتيني والله وكبرتي وصرتي تعزمينا على بيتك
هزت راسها ايناس وهي على حالها مبتسمه وشدت ايناس على الكاسة تخرج الحوش ويخرجون هم وراها : كلمني ثنيان أنهم قربو
تركي: ليش هم ما يعرفون ؟
ناظرت ابتهاج كل شي بالحوش وهزت راسها بإعجاب : واو رهيب
ابتسمت ايناس تسمع مديحها وسكتت من سمعت صوت طيف اللي دخلت بكل حماس تضحك مع ميهاف تعقد حواجبها من هدوء البيت ولف ثنيان يدورهم ماكان في صوت وناظر الحوش ودف ميهاف وطيف على الحوش ومشت فاطمة هي وعائشه خلفه وارتفعت الأصوات من فكت الباب ميهاف وضحكت بصدمة تشوف الكل والاحتفال البسيط ولفت على طيف اللي تضحك وتناظر ايناس : ما توقعت
ماكانت تسمعها ايناس من صوت الاغاني وسحبتهم اثنينهم تدخلهم الحوش وناظروها وناظرو الكل كانو لابسين طيف وميهاف أرواب تخرجهم لأنهم راجعين من حفلة الجامعة وضحكت عائشه بإعجاب تناظر ايناس اللي ترقص مع طيف بخفة وهدوء وتلاشت ابتسامتها تستوعب افعال ايناس معقولة بعد كل هالخيبة والسنين فعلا تتعدل علاقتهم بإيناس ؟ لدرجةٍ متعودين عليها وهي اللي فكت بيتها لهم ولملمت شتاتهم طول الست اشهر كانت ما تحسسهم بالثقل ولا أنهم ضيوف لفت عائشه تناظر بفاطمة اللي هي عيونها معلقة بإيناس وحنيتها الظاهرة داخلها ندم السنين على اسلوبها مع ايناس وخشونتها ماكانت تدري ان بتضيق فيها الدنيا وبتستقبلهم ايناس بحضنها وببيتها تناست كل شي بلحظة لفت تناظر جوهرة وأسماء ابتسامتهم كانت رهيبة وعيونهم تلمع من المنظر الشاعري قدام عيونهم وحتى تركي اللي ترك مشروبه ويناظر ضحك ايناس معاهم فعلا كانها تشوف عوض السنين فيهم وبضحكاتها ولف يناظر ابتهاج اللي مبتسمه بحزن رفعت راسها ايناس تبلع ريقها لأنها تشعر بنظرات الكل عليها ودفعت طيف مع ميهاف يوقفون قدام الكيكة : يلا قطعوها
تقدمو يناظرون الكيكة بالوسط ورفعت راسها ميهاف تناظر بامتنان وسحبتها ميهاف توقف ايناس بوسطهم وطيف على اليمين وهي اليسار وضحكت تهمس لها : لازم تكونين معنا
ناظرتها ايناس تسمع همسها ورمشت بهدوء تبتلع

'
بكيتها من تغير الحال وصارت ميهاف فعلا مثل السابق والطفولة ولكن مع طيف هالمرة وضحكت تمسح دموعها وتلف تمسك معاهم الكيكة وتقطعها معاهم وصفقو الكل يضحكون معاهم وناظرتهم هم وبالأخص أخوها غيث اللي مميل رأسه يناظرهم ما توقع أبدا ان ليث بيأثر فيها وحتى دخول البعض السجن بيأثر فيها لدرجة تكون شخصية جديدة وقوية شخصية تغيرت عن السابق بشكل جذري وملحوظ ابتسم كنان يبعد عيونه عنهم ويهوجس لو فعلا اخوه موجود ويشوف افعال حرمته اللي استحاله كانت تسويها و أولها دخلتهم هالبيت وتنهد يناظر ثنيان اللي يضحك مع اخته وطيف ولا ركز على اللي تهوجس بمكانها بنظراتها لثنيان يدري ان ثنيان لو شافها بيتغير حاله تقدم يوقف عند فاطمة ويهمس لها : والحين شفتم وجهها الحقيقي ؟ وجهها اللي صارعتو الكل لاجل ما تدخل الفيلا؟ شفتي يا خالة عائشه هذي اللي كنتي تنادينها مروجه؟
اسماء: خلاص ! كنان شايفه وقته ؟
رفع صوته كنان: ايوا وقته قدام أهلها وقدامها هي تعتذرون لها على كل شي سويتوه لاجل عزازي
رفعت راسها ايناس من اشتد الكلام بين كنان وجوهرة وتقدمت لهم بهدوء : شصاير ؟
حطت يدينها اسماء على كتف كنان تهمس : خلينا نعدي اليوم وبعدها سوي اللي تبي
ناظر كنان امه بغضب ولف على ايناس : ولاشي كنت اكلمهم بس
ناظرته باستغراب وهزت راسها تبعد عنهم وتاخذ قطعه من الكيكة اللي قطعتها ابتهاج وجلست بالكرسي لوحدها تلعب بشوكتها وتفكر رفعت راسها تناظر غيث اللي يناظرها وصدت عنه تأكل وهي ببالها هواش كنان وامه مشى يوقف كنان بجانب ثنيان : ياولد والله شكلها تحبك
عقد حجاجه ثنيان يلف عليه : كنان مو وقتك
كنان رفع كتوفه باستسلام : نظراتها توصف تطالع فيك من جيت
ثنيان : مين هي ؟ لأيكون امل جات؟
هز رأسه بالإيجاب واشر له عن مكانها كانت جالسه مع تركي وموج وصد عنها: الله يعين
تأفف كنان بملل وتكتف يفكر بعهد معقولة ماجات ؟ هي دايم مع امل كان يفكر جاهل عن اللي تصوره امل كانت تمثل انها تكلم وتصور لعهد ونزلت جوالها تقفل التسجيل ورفع حواجبه ثنيان يشوفها من بعيد وهي متوترة ولف على كنان اللي يفكر الوضع غريب بينهم ناظرت ايناس طيف اللي تقدمت مع ميهاف وابتسمت لهم تنطق : حفلة الجامعة ولا حفلتي ؟
ضحكت ميهاف : اكيد حقتك مانعرف كيف ممكن نوصف فرحتنا ولا توقعنا مرة
طيف : اي والله سويتي لنا الكثير وحنا ندين لك
ايناس: لا تقولين كذا نتزاعل ادري ودك ببهاج ولكن ماعرفت كيف أوصل له
هزت راسها طيف بالنفي : اهم شي فكرتي فينا يا ايناس
ايناس: الكل ساعدني ماسويت لوحدي