ياسيّدة عمري بشرع المحبّين‏ عسـى بشرع الله أناديك عمري"

{ 30 }

'
بعدت عنه ايناس بصعوبة تبعد يدينها عن موخرة رأسه وهو لوهلة نسى كيف يتنفس وبلع ريقه يعض شفايفه قدام جراءتها فيه هو تجرأ بكلمة غيرت شعورها وهي تجرأت بفعل ماظنه بحياته ولا للحظة صح كان يطلب قربها ورغبته فيها كل يوم تزداد ما توقع هي تبادر
-
ابتهاج : وين ايناس؟ بتنزف البنت وهي للحين ما جات شفيها
موج : غريبة انتظري بسال ميهاف
لفت موج على ميهاف اللي تشرف على كل شي مع ام طيف ولحقتها موج تهمس لها : وين ايناس تعرفين ؟ ما ترد علينا
ميهاف : قالت بتجي راحت مع ليث ناقصها شي
استغربت موج من تأخيرها وجلست جنب خواتها تفكر
-
دخلت ايناس بعد ما وصلها ليث هي ما تدري كيف قضو طريقهم الطويل بالسكوت كانت تحس بالخجل منه وفكت عبايتها تناظر ميكبها وروجها وضحكت من افتكرت كيف كان شكل ليث مندفعين لأول مرة ومسكت روجها تعيده وتعدل شعرها ومكياجها وقلبها للان يرجف ومسكت شنطتها تدخل وتجلس جنب خواتها ولفت عليها موج بغضب : وش كل هالتاخير مو مشيتي قبلنا ؟
كانت ايناس ما تسمعها تفكر وتهوجس محلها من اول ما جلست ومسكت الموية تشرب منها دفعه وحدة وصفقت كتفها موج : أنا اكلم مين ؟
لفت ايناس ترفع حواجبها : موج شفتي قرورة الموية ؟ ادخلها بوجهك
تأففت ابتهاج منهم وهمست تحت غضبها : الناس يطالعونا قومو تضاربو احسن ؟ هذا الناقص
ايناس : امل وين لية محد ناداها
موج : إلا شوفيها بجانب عهد تطالع فيك
تأففت ايناس تترك الموية وتسند ظهرها على الكنب وتفكر بفعلتها داخلها مبسوط ومستغربة من نفسها بس تبتسم غصبا عنها من تأثيرها عليه ولفت وجهها تضحك وتستغفر وناظرتها موج بجنون تهمس لابتهاج : شوفي بدت تعيش البدايات من اول وهي بالنهايات
ضحكت ابتهاج تدفع موج بخفة من كتفها : حرام عليك اول مرا اشوف ايناس مبسوطه هالقد من أخذت ليث وهي مبسوطه كل وقتها
موج : منجد ولا من متى ايناس تدخل علينا مبتسمة
-
كانت طيف بغرفتها بعد ما خرجت امها تشيك عليها وعلى احتياجاتها كانها بدت تخف ضيقتها من صحباتها واهلها وحتى بهاج وعدلت فستانها بتنزف وبتخرج من غرفتها ولكن صادفت شخص غريب ما تعرفه وتوقعت انه من المعازيم وسلمت عليها تبتسم وضحكت الحرمة ترفع جوالها : كيف تسمحين لنفسك تتزوجين الشخص نفسه اللي فضحك ؟
ارتخت ملامحها من هول صدمتها وهزت راسها بالنفي ما تتوقع مستحيل : وش غايتك شتبين فيني

'
رفعت جوالها الحرمة توريها المحادثات وكل اتفاقها مع أفنان مع أنهم كانو حريصين جدا أنهم يحذفون اي شي ولكن مهره مأخذه احتياط منهم توسعت عيونها طيف تحاول تبلع ريقها بس كانت مصدومه لدرجة وجهها اصبح اسود من صدمتها ببهاج ولفت وجهها تطنش الحرمة وتمشي مع الوصيفه تدخل القاعه على الناس بوجهها المبتسم تتناسى تعرف ان هدفها تضعف وتترك الناس يتكلمون عليها عشان هالشي وانزفت بكل هدوء ثم تجلس بكنب الكوشة تبتسم مع الكل وتناظر الجاي واللي يرقص معها وتناظر أفنان ومسكتها ترقص معها بهدوء وتبتسم الين ما انتهت الاغنية ولفت تقربها بهدوء تهمس : كلمي بهاج لا يروح بروح معه
لفت أفنان لها وهزت راسها تبتعد وتمسك جوالها تنزل من الكوشة بعيدا عنهم
-
اسند بظهره ليث يخرج من الرجال ويرفع زقارته يولعها وناظر ثنيان وكنان اللي متوجهين له وتنهد ينفث الدخان ولف يعطيهم زقارة اثنينهم واخذو منه فعلا وتأفف ثنيان : اهخ
ليث : سلامتك من الاهخ شفيك ؟
كنان : وانت منجدك تسأله شفيك ؟ فيه كل شي هذا
ثنيان تنهد يرفع صوته ويدندن بصوته:
بعيده وقفت وانا بعيد بلهفتي
ماحد عرف اللي حصل وماحد لمس مني الامل
كل ابتسامه مهاجرة جات رجعت لشفتي
وكل الدروب الضايعه مني تنادي خطواتي
ويـا رحلة الغربة ، وداعاً رحلتي
ويافرحتي
الحظ الليلة كريم محبوبتي معزومة من ضمن المعازيم
ولف عليه بذهول من صوته : صوتك حلو ولا تعلمنا ؟ اح الحب يسوي فيكم كذا ؟ واحد يغني والثاني يهوجس
ليث : صوتك يجي منه ياثنيان بس وش تقصد ؟
رجع ظهره كنان : كلنا ندري مين يقصد تعبت افهمه ينساها صارت تضره اكثر ما إنها تفيده
ضربه ليث بقوة على كتفه : شدخلك ؟ ياكنان خلك بنفسه واذا يعني اكبر منها بتقبله غصبا عنه
ثنيان : ليث احتاجك بحياتي
قاطع كلامه من تقدمت ايناس وهي تصفق السيارة بكعبها تقطع هواجيسهم وتتقدم لهم : خير خير وش هالجلسة ؟ ما هقيتها منكم توقعتها من الدكتور ولا منكم
ضحك ليث من شافهم رمو الزقاره وناظروه وهو رفع يدينه باستسلام يرمي زقارته وتقدمت هي بكعبها تدعسها كلها بقرف ورفعت راسها تناظر ثنيان : سمعتك تغني ما توقعت
عدل وقفته ثنيان بذهول كانه تورط يعني سمعت كلامهم كله