——————
تقدم كنان لها : خير يالطيبه تحسبين نفس بثوث التيك؟ ترا كلها حكم واحد
ميهاف: كنان ياقاتل المتعة أنقلع
ثنيام بضحكه: ياعزتي لك ياكنان اليوم بس تنطرد
غيم همست لميهاف بالحكم تساعدها ولو عجبها
بتطلبه
أبتسمت ميهاف من الحكم وتقدمت لليث الي قام ينتظر حكمها : قولو لعمي نروح الخيمة الاجواء زانت
ليث : تستهبلين اليوم معصب خلوها أخر الاسبوع نروح
غيم : أي طبعاً بس لازم ندري من بدري ونشوف مين يجي ومين مابيجي !
ليث أبتسم: أعتبروه تم
طيف : حكم ترا مو بكيفك تسويه ولا لا
ثنيان: توكلو بس
ليث: أبطيتو
ميهاف تاففت ومشت مع البنات وكانت بتسكر الباب بس رجعت نظرها لليث تاشر له بيدها وبابتسامة : تبطي تفوز علي ياكريه ، وخرجت بابتسامة اخيرا فازت عليهم وهي ودها بخيمتهم طفشت من البيت وجداً وتدعي بداخلها عزازي يوافق لهم ماودها تكلم عزازي بنفسها لان تخاف يصارخ فيها وهي ماترضى أحد يصارخ عليها سرعت خطواتها ووقفت مع غيم وطيف يناظرون الطاولة والخدم الي بيدينهم الصحون يستعدون للعشاء
لف ثنيان يضحك : والله مستقعدين لك بكلمة كريه
كنان بهمس: مالومهم
ليث بهدوء: ترا اسمع وبعدين أنتو صدمتوني بلعب مع هالبزر
كنان بسخرية : خف علينا ياجدو
رفعو راسهم لمصدر الصوت وكأن الجوهرة : يلا العشاء
هز راسه ثنيان وتركت الباب مفتوح الجوهرة وتقدم ليث يسكر السوني ويمشي وراهم
__________________
في بيت ماقد ذكر بين الحروف وممكن بالطاري ولكن بالبال مشغول من الان ببيت - مُهره -
ناظرت تنسيم مهره بغضب: كم مرة تفتحين هالطاري !! أنسيهم أنسيهم يامُهره لاتتخيلي بيوم بيرجعون لكِ ويسامحونك أنسي
مهره ناظرتها بعتاب وبوجه يمليه التجاعيد دليلاً لكبر سنها : تنسيم لاتعيدي كلامك أكثر من مرة
تنسيم تنهدت ورفعت جوالها وتدخل ألبومها وتاخذ أكثر من فديو وتدخل لرقم مهره وترسله قفلت جوالها وهي تسمع صوت إشعار جوال مهره بس ماهتمت مهره كانت تناظرها بعتاب وتعب ماتفهمها تنسيم وتجهلها تكلمت تنسيم بهدوء: فكي الرسالة
وقامت من مكانها تعدل نقابها وتتحرك للخارج ونظرات مهره للجوال وكانها تجهلها وهي ماودها تعرف وش المصدر بس مسكته وفكته غصباً عنها تلبي طلب أختها عقدت حجاجها باستغراب راسله أكثر من فديو وبوقت وأحد فكت الرسالة لانت ملامحها بغضب وأشتياق وباستغراب نزلت يدها لقلبها تتلمسه بكت بضعف ٦ سنين كثيرة عليها وعليهم سمعت صوتها وضحكتها هي الحقيقة فعلاً الي بيدينها فديوهات لايناس وموج وأبتهاج تعمدت تنسيم ترسل أكثر من فديو لموج لان تدري غلاتها بقلبها شافتهم بمختلف الاوضاع من ضحك لبكاء
وكيف باشكالهم تغيرت وكُل شخص فيهم يحمل من شخصيتها أو
——————
أو شخصية فهيد ولو أنهم فتيات
بكت بضعف ماقوت تكمل أخر الفديو وتسمع أصواتهم أكثر وتتعب رمت الجوال بعيد عنها ويدينها بقلبها تشهق هي الي أختارت البعد وفضلت محمد على فهيد وتركت بناتها باسوء حالاتهم
ودها ترتمي لعندهم ولبيتهم بس هي تعرف أن مابيسمحون لها بالرجوع وحتى لو خطوة لبيتهم
طبخت الطبخه وأستغربت ليه أستوت !
نزل محمد من الدرج وتنهد من شافها تبكي وتقدم لها يحضنها ويطبطب على جروحها شاف شاشة جوالها عارف مصدر بكائها وكم عان معها ومع نفسيتها مابيتركها الان وتستسلم وتتعب
______________
ناظرت ايناس الساعة وبحضنها موج نايمة رفعت راسها لفوق تتنهد وودها الان تبكي بس هي ببداية المشوار وببتعب وبتعود نفسها على حياتها الجديدة وأن حق أبوها مايروح عبث ، غمضت عيونها بأمل لقاء أمها باحلامها ولو جزء من أحلامها تحس فيها
وتتطمن بهالبعد ماتسامحها أبدا بس هي محتاجتها
نامت بتعب بيومها الاول تجهل أيش ممكن ينتظرها أو مصيرها بالاساس
دخلت ابتهاج بهدوء وبيدينها حامله ريفال لانت ملامحها من شافتهم مستوطنين حضن بعضهم
أبتسمت ولفت لسرير موج تحط ريفال وتسكر الباب بنفس الهدوء البيت هدي من أزعاجهم ومهاوشاتهم
وهي تكره هاللحظات توجهت للمطبخ ترفع صوت راديو القران أكثر وينسمع بكل البيت ورجعت لادراجها بجانب فهيد وجرس لاجل أذا ماسمعته ابتهاج تنهدت تنسدح وتناظر أبوها وتغمض عينها بهدوء تذهب لعالم أحلامها وتهرب له ممكن ...
_______
أنت تقرأ
ياسيّدة عمري بشرع المحبّين عسـى بشرع الله أناديك عمري"
Short Storyحَساب الكاتبة : @rwop_3 💙
