ياسيّدة عمري بشرع المحبّين‏ عسـى بشرع الله أناديك عمري"

{ 36 }

'
ابتسمت ايناس تعدل عبايتها من سمعت طرق الباب ومشت بكعبها تفك الباب تظن انها اخوانها ولاكن تفاجأت من الطفل الصغير بثوبه الأبيض يناظرها بابتسامة : ابي عيدية
ضحكت ايناس تنحي ركبتها وتنزل لطوله : عيد الاضحى مافيها عيدية بس انتظر
قامت بتمشي لاجل تجيب له ولكن من سمعت صوت الامرأة اللي ضحكت على ولدها وتلقي السلام وابتسمت تلف عليها : يأهلا فيك ادخلي
دخلت تغريد مع ولدها اللي يبتسم لإيناس وهي بادلته الابتسامة من لطافته وجلست تغريد تفك عنها الطرحة وتناظر بإيناس اللي قدمت لها القهوة وهي ما تعرفها حتى واخذتها تغريد تلف عليها من جلست ايناس تنطق : يامرحبا فيك والله
ابتسمت تغريد تشرب من قهوتها : والله مادريت اني عندي جاره حلوه كذا وش اسمك ؟
ابتسمت بخجل ومسحت على شماغ الطفل : اسمي إيناس أنا عايشه مع زوجي هنا بس قدر الوضع وسافر
تغريد : أنا تغريد وهذا ولدي أحمد تونا نجي هالحي ماشاء الله مرا عجبنا أنا وزوجي
هزت راسها ايناس : والله أطلق من يجي حياك انتي وأحمد الله يحفظه لك
تغريد : تعرفين احد هنا بالحي؟
ايناس: لا والله مااعرف احد بس دايم يرسلون لي أشياء وودي أزورهم بس مافي وقت والله
تغريد : تروحين معاي ان شاء الله دام عرفتيني بزورك كل يوم
ضحكت ايناس تحط كفها على راس أحمد اللي يناظرها: بأذن الله بيتي مفتوح
ابتسمت تغريد تحط الفنجال فوق الطاولة ورفعت الطرحة عليها تعدلها وقامت ايناس : انتظريني لا تروحين
استغربت تغريد وهزت راسها تشوفها تطلع من الدرج ودخلت ايناس غرفتها تناظر محفظتها وسحبت العشرة اللي فيها ونزلت بسرعة تلحقهم وناظرتهم وهم واقفين ينتظرونها وضحكت تعطي أحمد العشرة : هذي هي العيدية تعال مرة ثانية مع ماما واعطيك حلويات
ابتسمت تغريد تسلم عليها ولفت تعطيها ظهرها تغريد تخرج من البيت مع ولدها وابتسمت ايناس تشوف اخوانها اللي وصلو مع موج ينزلون من السيارة بكشختهم الكاملة وضحكت بإعجاب تفك بابها باكمله وهي خلف الباب تنتظر دخولهم وترحب فيهم : يامرحبا بأهلي واخواني يا هلا فيكم
ابتسم غيث يبتعد عن موج من سكرت ايناس الباب يسلم عليها خدادي وضحكت هي تضمه بقوة : افا عليك تسلم علي كذا ؟ مين علمك اكيد تركي
ضحك غيث وهو وسط حضنها يطبطب على ظهرها وهي ابتعدت عنه تضم تركي وموج : وش هالكشخة الحلوة ؟ غطيتم علي ما يصير كذا
موج: تدرين اعلن اني ثور قدام هالروج ياناس
تركي ضحك يجلس بالكنب : كلنا يا موج
ميلت شفايفها بضحكة وتقدمت تعطيهم القهوة وجلست تحط رجل على رجل وتناظرهم : ما بتذبحون ؟

'
غيث: قال تركي السنة الجاية بأذن الله هالعيد قلنا خلينا نعيد خواتنا المتزوجات اول ثم نروح عند ابوي الله يرحمه
نزلت راسها تنطق : الله يرحمه يارب مرة وحدة خذوني لاسماء
تركي : اي والله صح نسينا نعيد عليهم يلا مرة وحدة نروح
ايناس : مسويين عيد لأول مرة الصباح الحين فقط احنا والليل مستاجرين صالة كبيرة للعيد
موج: الحمدلله يارب على كل النعم اللي نعيشها
ايناس: اي والله صادقه يا موج أجل أنا بقوم البس عبايتي
تركي: تم يلا
موج: لا تنسين عيديتي بالله
غيث: أقنعيها ان ماعادها صغيرة وأنها جامعية
نزلت جسمها ايناس تمسك خدودها : صغيرة بعيوني شدخلك يا غيث ؟
ابتسمت موج : شايفين ؟ هذا الغزل ولا بلاش علمي بالله غيث طايح بغزل رخيييص درجة أولى مايفهم
تدرين ان ياسمين مدحها احلى منه ؟
ضحك غيث بصدمة يحط فنجاله على طاولته : تمونين بالأخت تموننيين
-
ناظر خالد الشارع من شباكه الدنيا عيد وفرحة وهو تارك الكل ويشغل نفسه بقضية ليث كل ما يلقى حل يتعكر وتنهد يجلس بالكرسي يفكر كيف ممكن يثبت له وهو قال لليث انه ينتظره سنة ومرت سنة وهو مكرس حياته ووظيفته لاجل ليث وآخر شي وصل لحل واللي هو يقضي نص عقوبته ويمديه يخرج
كانت قبل ٩ سنين تصير أربعة سنين ونص بتروح من حياته مو ٩ سنين مايشوفها حل ابداً ولا يستاهل تروح أربعة سنين من حياته بالسجن تأفف يناظر بالملفات والوقت : أربعة سنين كثيرة راحت سنة وبقي ثلاث سنين برضو كثيرة
-
لفت ايناس تناظر دخولهم لمقبرة أبوها وهي أسندت راسها على الشباك تسمع شهق موج الخفيف وتنهدت مثل كل حال ومثل كل عيد ورمضان وحتى بداية السنة الجديدة تحس أبوها بكل مرة يكون فبالها وما تفرق معها إذا تذكرته بهذي الأيام لانه طول الوقت تتذكره مع ليث وتتخيل لو فعلا هو موجود ويشوف ليث تحس ان لو أبوها ما توفى وما كتب الوصية ما بتلاقي بحياتها مثل ليث وبيكون لغيرها مثل ميهاف ماتدري تحمد ربها ولا تتخيل رجعته للحياة معقولة يكون حاس ان في علاقة ورا ميهاف وليث ؟ عشان كذا كتب بالوصية خصوصاً ليث ليه ما قال كنان نفس ليث مافرقت ليه اختار ليث بالضبط ؟ لفت تناظر الشباك وحضن تركي لغيث اللي يبكون بكتوف بعض مثل كل مرة مثل كل الدموع ولهفة لقاء أبوهم تنهدت بعمق عيونها معلقه عليهم وعلى دموعهم وقهرهم
-
طيف : شرايك فيني ؟
ميهاف : التقييم عشرة على عشرة اللي بعدو ايناس تأخرت مرة
طيف : قومي قومي خلينا نجدول
ميهاف : الحيي اللي حنا فيه مرة فيه ناس واحس قدييم مرة حتى السيارات
طيف : يحسسونك برمضان والعيد منجد
عائشه: اول مرة تقولون شي صح بحياتكم
ضحكت غيم عليهم وشمقت طيف : تمونين يا خاله على قلبي زي العسل