ياسيّدة عمري بشرع المحبّين‏ عسـى بشرع الله أناديك عمري"

{ 28 }

'
مرة يصادف هالمسوولية عليه وتنهدت تبتسم بخفة تخفف عليه وتقدمت تقرب منه من قام ومسكت بكفوفها وجهه تهمس بحَنيه العالم بصوتها : ناظرني لا تهرب من مشاكلك حلها معاي لا تهوجس لوحدك وأبقى وحيدة
لانت ملامحه من صوتها اللي وصل أعماق قلبه وتحسسه ما توقع كل هالحنيه تطلع منها وبهالصوت والهمس ومسحت على وجهه بخفة تنطق : لو كملنا أنا وانت واحد ما نصير أثنين بنوقف ضد هالعالم كله مع بعض لا تفكر
وتركت وجهه بخفة تبتسم بدون ما تظهر ثنايا أسنانها وتنطق بمزح : وصلت ؟ اهلي اكيد بيجون بعد شوي تعرف الباب صح ؟
ليث : انطرد بعد ؟
تلحفت ببطانيتها ترفع ذراعيها بعدم معرفة واشرت على النور وتقدم هو يقفل النور وناظرها بتردد من انسدحت تغفى وهز رأسه يقفل الباب ويتقدم ينسدح بجانبها وعقدت حواجبها باستغرب من تقدم لها وحضنها من ظهرها يلصق صدره بظهرها وتوسعت عيونها تكتم نفسها من لمسّ بطنها بيدينه الباردة ورجف قلبها من شعرت بأنفاسه برقبتها وهو يهمس لها : غرقت مالي نجـاة لا تنقذيني
سكتت هي توها تنظم انفاسها وهو يزيد عليها بهالكلام كانت تفكر شلون تنتقم من عزازي وابوه دون ما تضره بشعره بعد اعترافه تحس انه مستعد فعلاً يرمي كل شي وراه ويسكن بحضنها مثل السابق وسكتت تسمع صوت أهلها من دخلو وهي تشعر بقشعريره تسري بجسدها وسكنو أثنيهم من سمعو الأصوات تتعالى وتختفي تدريجياً وبلعت ريقها بتنطق : اتركني ماني مرتاحة
سمعها ليث يعرف أنها ماتحب احد يلمسها بالشكل ودايم تثبت له هالشي بالقرب لدرجة تنفعل وتنجن وبعد عنها بمسافه يغمض عيونه وينام وهو للان ماسكها بكل ذراعه ماهو مصدق انه فعلاً بيرجع بينام بحضنها مثل بداياتهم وهي نزلت عيونها تناظر يدينه المتمسكه فيها ومازادها هالشي إلا توتراً
-
ابتهاج : كم لايك وفعلاً اقطع عليهم عملية التكاثر ؟
أمل : ضحكتيني موت ياابتهاج والله يجي منك شويا
ابتهاج : اضحكي على حسي أقول ليش ماجيتي معنا ؟لا يكون صرتي منجد تتحسسين من غيث ؟
أمل : لا والله عادي بس انشغلت مرا مع بابا وعمو ولا طز بغيث هذا مصروع
ابتهاج : ايوة كنت احسب المهم ترا صورتك بتدفعين عليها حولي فلوسك
امل : ارسليلي كم
ابتهاج : امزح معاك صدقتي يلا بس تسألين عن ايناس وشوفيها بالغرفة
امل : ما ترد علي أصلا مغلق جوالها
ابتهاج : ياشيخه شكلهم تهاوشو في كم قزاز طايح لا تقطعين عليهم العملية ونامي
امل : ما كنت اعرف انك تضحكيني كدا
ابتهاج : افا عليك دقي علي باي وقت انتي مثل أختنا ترا
-
طيف : ليث ماعاد نشوفه
كنان : كلي ياطيف وخلي الناس بحالهم
طيف : وين غيم تنقل المواضيع ؟ البيت هاجد هالاسبوع

'
ثنيان : عشان لا ليث ولا ايناس موجودين البيت مافيه حِس
ميهاف : مرا نفسي نننط المسبح بس المغرب اكيد شرايك ياطيف ؟
طيف : والله تم نقفل علينا وننادي برضو ايناس ويمكن تجيب معها الباربي
سمعها ثنيان بس يمثل انه مو سامع لانه بالأساس مايعرف مين هي : اسمها باربي صدق ؟
كنان : باربي مين هي ثنيان منجدك ؟
ثنيان : طاحت امالي من حطمت فيني
طيف : شفنا لها باربي تقول ايش ينقصها كَين واللي هو عزيزنا ثنيان
كنان : ثنيان مايبي يتزوج
ميهاف : اسكت شدخلك انت ؟ تبيه يعجز ؟ أنا أبيه يتزوج خلك بنفسك
لف كنان على ثنيان اللي رفع كتوفه بعدم معرفه وعقد حجاجه كنان من اتجه تفكيره بـ أمل معقولة مايبيها ثنيان ؟ ومحاولاته هو وعهد ؟ طيب واصراره ؟
صد عنه ثنيان من طول بنظراته وكمل أكله يسمع تجهيزاتهم
-
رن جوال ليث وانزعج يكتمه بكفوفه من الإزعاج وفك عيونه يستوعب هو وين ولف يناظر اللي بين ذراعه وابتسم يبوس راسها ويشم ريحة شعرها وجواله يرن اكثر وهي انزعجت تسمع الصوت وفزت تناظر اللي بجانبها مبتسم ولفت تناظر كل غرفتها وتستوعب شصار أمس وبعدت عنه تسمع جواله المزعج وترميه عليه وهو للان يبتسم وهي تنرفزت تسمعه يرد بشويش وبرود وجلست جنبه على بدايه السرير تسمع ردوده على كنان وقفل وهي ناظرته كيف يحط جواله ببرود ويناظرها وهو للان يبتسم وزفرت بغضب : اكسر فكك والله وش هالبرود ؟ مين هذا ؟
قرب ليث منها يرمش وهي سكنت بهدوء تسمع همسه : ليش ؟ خليني بارد
رمشت رمشات متتالية وتبعد راسها من تأثرت بقربه وقامت تأشر له على الباب : نايم بغرفتي بعد ياللي ما تستحي
ليث : غرفتك مو حلوة
ايناس عقدت حاجبها تنطق بسخرية : مو حلوة أستاذ ليث ؟ دكتور ليث ؟ أغيرها لعيونك ؟
وقام هو يفتش ويناظر تسريحتها وملابسها وهي وقفت تراقبه باستغراب منه رفع يشم عطورها وكشر يمثل : غيريها وش هالريحة ؟
ايناس : ياشيخ امش بس
وفكت الباب من المفتاح وخرجت وهو بعدها يقفل باب غرفتها وناظر البيت كانه اول مرة يشوفه أمس مو واعي من حركاته وكلمته وناظر ايناس اللي دخلت المطبخ مع ابتهاج وابتسم لموج : مبروك
موج : الله يبارك فيك
غيث : اجلس يالنسيب حياك الله
تركي : تو ما نور البيت
ليث : كثر الله خيركم والله منور بوجودكم
ايناس كانت تقطع معها وتساعد ابتهاج اللي ماهي مرتاحة بنقابها بالبيت ولفت تناظر : محلوة يابنت لأيكون حامل
ايناس : انتي مصروعه يابنت ؟ خليك بنفسك لا هالقدر على وجهك
ابتهاج : كم لايك واعطيك فديو لكم صورته فرش
ايناس : يا حجه وخري الله يرزقك وفكري بزوجك بس
ابتهاج : ياعمري تأثرتي ؟ ودي الأكل بس لا تدوخين علينا
زفرت بغضب تسحب الصينية من طاولة