ROYL (Ongoing)

Part 17

"ငါ့ကိုရှာနေတာလား"

အနောက်ကနေထွက်ပေါ်လာတဲ့အသံကြောင့် ရွိုင်နောက်လှည့်ကြည့်မိလိုက်သည်။ရှိုင်းထက်မြိုင်က မည်သည့်စကားမှမပြောဘဲ ဝရံတာဘက်ကို ခြေလှမ်းတွေဦးတည်လိုက်တာကြောင့် ရွိုင်လည်းအနောက်ကနေလိုက်လာခဲ့လိုက်သည်။

ရှိုင်းထက်မြိုင် ဝရံတာမှာ မတ်တပ်ရပ်ကာလေညှင်းခံရင်းနဲ့ စီးကရက်တစ်လိပ်ထုတ်ကာမီးညှိလိုက်တယ်။ အားရအောင် တစ်ချက်ရှိုက်ကာဖွာလိုက်ရင်း အငွေ့တွေကို လေတွေနဲ့အတူလွင့်မျောစေလိုက်တယ်။

"ငါ ငယ်ငယ်က မာမီ့ရဲ့အချစ်ကိုမရခဲ့ဘူး"

ရှိုင်းထက်မြိုင်ရဲ့စကားကိုရွိုင်က မည်သည့်စကားမျှပြန်လည်မတုန့်ပြန်သေးဘဲ ဆက်နားထောင်နေခဲ့တယ်။

"ဒယ်ဒီကမာမီ့ကို မိဘတွေရဲ့စကားကြောင့်မလွန်ဆန်နိုင်လို့လက်ထပ်ခဲ့ပေမယ့် ဒယ်ဒီကမာမီ့ကို မချစ်ခဲ့ဘူးတဲ့... ယောကျာ်းဖြစ်သူရဲ့ဂရုစိုက်မှု အချစ်ခံရမှုတွေကို မရရှိခဲ့တဲ့မိန်းမသားတစ်ယောက်က သူ့ရဲ့နာကျည်းချက်တွေကို ဘယ်သူ့အပေါ်ပုံချမိမယ်လို့မင်းထင်လဲ"

ရွိုင်က ဘာမှမပြောပေမယ့် သူ့မျက်ဝန်းတွေက ရှိုင်းထက်မြိုင်ကိုစိတ်မကောင်းတဲ့အကြည့်တွေနဲ့ကြည့်နေတာကြောင့် ရှိုင်းထက်မြိုင်ပြုံးမိလိုက်တယ်

"ဒီလိုနဲ့ပဲ ငါကမာမီ့ရဲ့ဂရုစိုက်မှုတွေ ချစ်ခြင်းမေတ္တာတွေကိုမရရှိခဲ့တဲ့အပြင် ဒယ်ဒီ့ရဲ့ဥပေက္ခာပေးခြင်းတွေကိုပါ ငါခံလာခဲ့ရတာ..ညီညီ့ကိုမွေးပြီးမကြာဘူး မာမီဆုံးသွားခဲ့တယ် မာမီမရှိတော့တဲ့နောက်ပိုင်း ညီညီ့ကိုငါတစ်ယောက်ထဲ အကိုတစ်ယောက်လို မိဘတစ်ယောက်လိုမျိုးဂရုစိုက်ခဲ့တာ ငါမရခဲ့တဲ့ချစ်ခြင်းမေတ္တာတွေကို ညီညီ့ကိုရစေချင်ခဲ့တယ်  အခုလိုတွေငါမင်းကိုပြောပြတယ်ဆိုတာကလည်း ငါ့ကိုသနားပါစေဆိုတဲ့စိတ်နဲ့ငါပြောပြတာမဟုတ်ဘူး ငါ့ဘဝအကြောင်းကို မင်းကိုသိစေချင်ရုံသက်သက်ပဲ"

ရွိုင်တစ်ယောက် ရှိုင်းထက်မြိုင်ရဲ့အနားသွားလိုက်ပြီး ရှိုင်းထက်မြိုင်ရဲ့ခန္ဓာကိုယ်လေးကို ရင်ခွင်ထဲထည့်ကာ ကျောပြင်လေးကိုပွတ်သပ်ပေးလိုက်တယ်။