ROYL (Ongoing)

Part 31

ဒီနေ့မနက် မြိုင်တစ်ယောက် မှန်ရှေ့မှာရပ်နေမိတာအတော်လေးကြာနေပြီဖြစ်သည်။ပထမဦးဆုံးအကြိမ်လုပ်ငန်းခွင်ဝင်ရတော့မယ့်သူ့အတွက် ဘယ်လိုပုံစံမျိုးက လိုက်ဖက်သလဲဆိုတာကို စဉ်းစားပြီးတော့ တစ်မျိုးပြီးတစ်မျိုးပြောင်းလဲနေတာဖြစ်သည်။မြိုင်က သူတို့မိသားစုပိုင်ဆိုင်တဲ့ Shine company ရဲ့လက်အောက်ခံကုမ္ပဏီတစ်ခုဖြစ်တဲ့ Light company ရဲ့ CEO အဖြစ်နဲ့တာဝန်ယူဖို့လိုက်ခံခဲ့လိုက်တာဖြစ်သည်။မြိုင်က နိုင်ငံခြားမှာကတည်းက ပညာတွေသင်ယူလာခဲ့တာဖြစ်တဲ့အတွက် ကုမ္ပဏီတစ်ခုကိုဦးစီးဖို့ဆိုတာ သူ့အတွက်လုံလောက်တဲ့အရည်အချင်းတွေက အပြည့်အဝရှိပြီးသားပင်ဖြစ်သည်။

မြိုင်အလုပ်လုပ်မယ်ဆိုတဲ့အကြောင်းကို ရွိုင့်အားမပြောပြရသေးပေ။ သူ့အနေနဲ့ ရွိုင့်ကိုတမင်မပြောပြတာမဟုတ်ဘဲ ဒယ်ဒီပွဲထုတ်တဲ့နေ့မှ ရွိုင့်ကိုပါ surprise ဖြစ်စေချင်တဲ့အတွက် မပြောပြသေးတာဖြစ်သည်။အခုလောလောဆယ်တော့ အလုပ်သွားဖို့အတွက် suit နဲ့ဆံပင်ကို သေချာပြင်လိုက်ပြီး Rolex နာရီတစ်လုံးကိုပါ ဝတ်ဆင်လိုက်ကာ အလုပ်သွားဖို့အတွက်သင့်လျော်တဲ့ရေမွှေးတစ်ခုကိုလည်းရွေးယူပြီး ခန္ဓာကိုယ်အနှံ့ဆွတ်လိုက်သည်။ထို့နောက် macbook နဲ့ကားသော့ကိုယူကာ အလုပ်သွားဖို့အတွက် အခန်းအပြင်ဘက်ကိုထွက်လာခဲ့တော့သည်။

"ဟဲ့ရေ...ဒီနေ့ငါတို့ကုမ္ပဏီကို CEO အသစ်ရောက်လိမ့်မယ်ဆိုပြီးသတင်းကြားတယ်နော်"

"ဟယ် ငါတို့ CEO က ဦးရှိုင်းထက်သာမဟုတ်ဘူးလား၊ ငါတို့ကုမ္ပဏီတွေလို ကုမ္ပဏီခွဲတွေကို Shine company ကပဲ အုပ်ချုပ်တာမဟုတ်ဘူးလား"

"အေး ဟုတ်တယ်၊ ဒါပေမယ့် အခုက CEO အသစ်တဲ့လေ...ဦးရှိုင်းထက်သာနဲ့ဘာတော်တာလဲမသိဘူး"

"အဲတာတော့ ငါလည်းမပြောတတ်ဘူး ဦးရှိုင်းထက်သာကိုယ်တိုင်ကြေညာမှပဲ ကြည့်ကြတာပေါ့"

ဝန်ထမ်းအားလုံးတစ်ယောက်တစ်ပေါက်နဲ့စကားတွေများနေကြစဉ် ဓာတ်လှေကားမှတစ်ဆင့်လျှောက်လမ်းဆီသို့ဦးတည်လာသော လူတစ်စုကိုသူတို့တွေ့လိုက်ရသည်။ ထိုလူတစ်စုတည်းကမှ ရှေ့ဆုံးကနေဦးဆောင်လာသူဆီသို့ သူတို့ရဲ့အကြည့်တွေအားလုံးရောက်သွားကြသည်။ ရှည်လျားတဲ့အရပ်အမောင်းနဲ့အတူ တောင့်တင်းတဲ့ခန္ဓာကိုယ်နဲ့လိုက်ဖက်စွာဝတ်ဆင်ထားသည့် suit နီညိုရောင်နဲ့လူတစ်ယောက်။ နှဖူးပေါ်သို့လှန်တင်ထားသည့် ဆံနွယ်အညိုရောင်တွေက ထိုလူနဲ့လုံးဝလိုက်ဖက်နေပြီး ပိရိသေသပ်တဲ့နှုတ်ခမ်းတစ်စုံနဲ့အတူ တည်တင်းတဲ့မျက်နှာထားတို့က ထိုလူရဲ့အရှိန်အဝါတွေကို ပံ့ပို့ပေးနေသယောင်။အရယ်အပြုံးမရှိတဲ့ နှုတ်ခမ်းပါးတစ်စုံက တင်းတင်းစေ့ထားပြီး စူးရှတဲ့အညိုရောင်မျက်ဝန်းတစ်စုံမှာလည်း ရှေ့တူသာရှူပြီး သွားလိုရာဆီသို့ တစ်စိုက်မတ်မတ်ဦးတည်နေခဲ့သည်။ဝန်ထမ်းတွေအားလုံးခမျာ ထိုလူကိုမြင်လိုက်တာနဲ့ ပျာပျာသလဲဦးညွှတ်လိုက်ကြပြီး လမ်းဖယ်ပေးကြသည်။