Twisted obsession

Chapter Four

*ೃ༄
لە یەکێک لە گازینۆ گەورە و بەناونانگەکانی میلان .. کە بەردەوام پڕە لە کەسە دەوڵەمەند و ناودارەکان لەهەمان کاتتدا سەرۆک باندەکان و مافیاکان ..
لە قاوشە گەورەکەی نهۆمی دووەمی گازینۆکە باڕێک هەیە ، بێگومان هەموو کەسێک نەیدەتوانی پێ بنێتە نهۆمی سەرەوە بەبێ پرسی ئەو ! ماکسیمۆ دێ ئەلێکساندەر .. ئەم گازینۆیەش یەکێک بوو لە موڵکەکانی لە میلان ..
بە ئارامی لەسەر قەنەفەکە دانیشتبوو و لەکاتێکدا باڕتێندەرەکە خەریکی ئامادەکردنی کۆکتێلە گران بەهاکەبوو بۆی .. لەبەرامبەریشی پیاوێک هەبوو کە بە نزیکی بیست شەش بۆ بیست و حەوت ساڵ تەمەنی بوو .. ڕووخسارێکی هێمنی هەبوو بێگومان وەکو کەسایەتیە پڕ وزە و چاڵاکەکەی « ئانتۆنی ڤیکتۆر » لە شێوەیدا وەکو کەسێکی ڕووخۆش و قسە خۆش دەردەکەوێت بەڵام یەکێک بوو لە مەترسیدارترین نیشانەگرەکان کە یەکجار نیشانەی لەکەسێک دەگرت و یەکەوسەر دەیکوشت .. پیاوی دەستە ڕاستی ماکیسمۆ و تا ڕادەیەك کەسێک بوو کە دەیتوانی خۆی لەگەڵ کەسایەتیە دڕندەکەی ماکس بگونجێنێت .. نیوە ئیتاڵی و نیوە ڕووسی بوو لەهەماکاتیشدا باوکی بەشێک بوو لە مافیاکانی براتڤا

❝ کەواتە .. ❞ ئانتۆنی قسەی کرد ❝ پلانت چیە ؟ ❞ پرسیاری لەو پیاوە ڕووکەش ساردەی بەرامبەری کرد
❝ پیاوەکان کۆبکەرەوە و حەشارگەکە بەسەریاندا بڕووخێنە یان خراپتر بیسوتێنە ❞ ماکس بە هێمنی قسەی کرد وەک ئەوەی کەمێک بەر لەئێستا فەرمانی کوشتن و ئیبادەکردنی چەند کەسانێکی نەدا
ئانتۆنی پشتی ئیسراحەت پێدا بە قەنەفەکەوە و مۆبایلەکەی دەکرد ❝ ئۆهـ .. داماو ئادەم .. دەتەوێت وەکو مریشک سور بکرێتەوە ؟ پێم وابوو خۆشتر دەبوو بە زیندویەتی بیگرین و ئەشکەنجەی بدەین ❞
ماکس گڵاسە مەیەکەی لەسەر مێزە شوشەکەی بەرامبەری هەڵگرت و قاچەکانی خستە سەر یەکتر و پشتی دایەوە بە قەنەفەکەوە ❝ گەمژە مەبە .. بە دڵنیاوە ئەو مشکە دووبارە کونێک دەدۆزێتەوە تا لێی ڕابکات ❞
ئانتۆنی برۆیەکی بەرز کردەوە لێی ❝ کە دەزانیت دووبارە ڕادەکات بۆچی فەرمان دەکەیت حەشارگەکە بسوتێنین ❞
ماکس گڵاسەکەی لە لێوەکانی نزیک کردەوە بەرلەوەی بیخواتەوە ❝ بۆ ئەوەی ببینێت هەموو ئەوەی هەیەتی لەبەرچاوی بسوتێت و لەناو بچێت  ❞ زەردەخەنەیەکی شەیتانی کرد ئانتۆنی لە شوێنی خۆی ڕاچەڵەکی سەرباری ئەوەی خۆشی لەو باشتر نیە ❝ ئازاری دەروونی همم ! ❞ ئانتۆنی قسەی کرد تا ماکس بەشێک لە مەی ناو گڵاسەکە بخواتەوە ❝ بەڵێ ..❞
ئانتۆنی پشتی بە قەنەفەکە داوە ❝ بەهەرحاڵ .. ئەمشە و تێپەڕناکات هێرشەکە دەکرێت ❞
ماوەیەکی کەمی پێنەچوو پیاوێکی باڵا بەرزی قات ڕەش هاتە ژوورەوە کە جلەکانی فەرمی بوون بەڵام درێژیەکەی هێشتا بەقەد ماکس نەبوو هاتە نزیک تا ئەو فایلەی دەستی بدات بە ماکس ❝ گەورەم ئەوەی داوات کردبوو ❞ ماکس بێ ئەوەی سەیر بکات فایلەکەی وەرگرت و کردیەوە تا سەیری بکات .. ❝ ئەوە دەردەخات کە ئەم ماوەیە کریستۆڤەر و پیاوەکانی خەریکی شتێکن بەڵام بەشێوەیەکی نامۆ هیچ بەڵگەیەکمان لەسەر ئەوە بەدەست نەکەوت پێ دەچێت بە شێوەیەکی زۆر نهێنی کار بکەن کە یەکەوسەر شوێن پێیان ڕەشبکەنەوە ❞
ماکس فایلەکەی خستەوە سەر مێزە شوشەکە تا سەیری رۆبێرت بکات .. ❝ بێجگە لەوە چاویان بە هیچ کەسێکی جێی گومان کەوتووە ؟ ❞ رۆبێرت کە چاوەکانی لەسەر زەوی کردبوو گرینگ نیە هەرچەند کات و ساڵ تێپەڕیبێت بەسەر ئەوەی لەژێر دەستی ماکس کاری کردووە وەک سێبەر بەڵام هێشتا ناتوانێت بۆ ماوەیەکی زیاتر لە پێنج چرکە سەیری چاوەکانی بکات ❝ نەخێر گەورەم ❞
❝ کەسی گوماناوی ؟ وەکو کێ؟ ❞ ئانتۆنی پرسیاری کرد ❝ باشە .. دەتوانیت بڕۆیت ، ئاهـ ، وە چاودێری ئەو کچەش بکەن ❞ قسەکەی بە جێگری قوت تا رۆبێرت سەری نزم بکاتەوە و پاشان لە شوێنەکە بڕوات
ئانتۆنی برۆیەکی بەرز کردەوە و سەیری ماکسی کرد ❝ نێچیرێکی نوێ ؟ ❞ کاتێک ماکس زەردەخەنەیەکی لاری کرد و گڵاسە مەیەکەی دووبارە هەڵگرتەوە ئانتۆنی تێگەیشت ، هەندێک جار پێویست ناکات وەڵامی بداتەوە تاوەکو تێبگات سەیرکردنەکانی و ئەو زەردەخەنە شەیتانیەی بەسە ..