ڤێرۆنیکا چاوەکانی بەشۆکی و فراوانی کردبوەوە لەو قسانەی هەر ئێستا ئانتۆنی کردی .. شۆکببوو لەوەی چۆن ڕووداوێکی لەو شێوەیەی بەبیر نەمابوو یان ڕاستی ئەوەی ئەو کریستۆڤەرە نەفرەتیە دووبارە ویستوویەتی بیکوژێت ! بەڵام لەهەمووی ترسناکتر ئەوەبوو کە ئەو ئێستا ڕایکردووە و دیارنیە کە ڕۆژێک دەگەڕێتەوە و دووبارە بیەوێت ئازاری بداتەوە . دڵی بەخێرایی و ترس لێیدا تا بۆ ماوەیەکی کورت بێدەنگ ببێت ..
❝ کریستۆڤەر .. ئەو کێیە ؟ وەبۆچی بەمشێوەیە ڕقی لە ماکس ـەو دوژمنداری دەکات؟ ❞ ڤێرۆنیکا قسەکانی بەهێمنی بەڵام بەپەرۆشیەوە کرد تا ئانتۆنی سەیری بکات و دواتر سەیرکردنەکانی بۆ لایەکی تر لاببات .. ماوەیەکی کورت بەبێدەنگی مایەوە تا دواتر قسەبکات ❝ لەڕاستیدا .. ئەو لەگەڵ ماکس نزیکایەتیەکیان هەیە .. کوڕی پوری ماکس ـە ❞
ڤێرۆنیکا ئەمجارە لێوەکانی لەیەک جیابوونەوە وەک ئەوەی شۆک بووبێت بە قسەکانی ئانتۆنی ..
❝ پورزایەتی !!! کەواتە بۆچی دەیانەوێت یەکتری بکوژن؟❞
ئانتۆنی دەستی خستە پشتی ملیەوە .. ❝ پێموانیە ئەوە شتێک بێت بتوانم بەتۆی بڵێم !! ❞ بەزەردەخەنەیەکەوە قسەی کرد تا ڤێرۆنیکا برۆیەکانی گرژ بکات ❝ ئەو ویستی من بکوژێت وە بێجگە لەوەش بۆ دوو مانگ وەکو سیخور بەکاریهێنام و توشی ئازاری زۆری کردم پێت وانیە مافی ئەوەم هەبێت بزانم ؟؟❞
قسەکانی ڤێرۆنیکا لەسەر حەق بوون بێگومان ئانتۆنیش ئەوەی دەزانی بەڵام بابەتەکە لەوە گرینگتر بوو ئەگەر ئەو پرسیارەی لە ماکس کردبا بۆ هەزاران ساڵی دیکە هەر بەبێ وەڵام دەیهێتەوە ..
هەرچۆنێک بێت ئەوە ئانتۆنیە .. ❝ باشە بەڵام .. نابێت ماکس یان هەر کەسێکی دیکە بەوە بزانێت ..❞ بۆ ساتێک ڤێرۆنیکا نیگەران بوو تا ئانتۆنی قسەکەی تەواو بکات ❝ ئەگەر ماکس بزانێت دانیشتووم و ئەوانەم بۆ گێراویتەتەوە ئەوا پێش کریستۆڤەر من دەکوژێت ❞ بە زەردەخەنەیەکی گاڵتەییەوە قسەی کرد تا ڤێرۆنیکا چاوەکانی بەبێزاری بسوڕێنێت ئایا لەو خانەوادەیە باسکردنی کوشتن و مردن وەکو باسکردنی نانخوارد وایە !؟
❝ئمم .. لە کوێوە دەستپێبکەم .. ❞ ئانتۆنی دانیشتنەکەی لەسەر کورسیەکەی بەردەم مەلەوانگەکە ڕێکخستەوە لەکاتێکدا ڤێرۆنیکا بە پەرۆشی سەیری دەکرد ❝ هۆکاری ڕقەکەی کریستۆڤەر ئەوەیە کە ماکس دایک و باوکی ئەوی کوشتووە ..❞
ڤێرۆنیکا لە شوێنی خۆی بێدەنگبوو تا بەشۆکی سەیری بکات بەڵام بەرلەوەی هیچ شتێک بڵێت ئانتۆنی قسەی کرد ❝ بوەستە بوەستە دەزانم بیر لەچی دەکەیتەوە بۆیە تکایە زوو بڕیار مەدە .. ❞ .. دواتر قسەکەی تەواوکرد ❝ دەزانم کە ئێمە لە مافیاین وە بێگومان پیاوکوژیشین ئەوە ڕاستیەکە نکۆڵی لێ ناکرێت بەڵام هەرچۆنێک بێت من یان ماکس لەخۆمانەوە کەسێک لە خێزانەکەمان ناکوژین وەکو ئاژەڵی کێوەی تەنانەت ئاژەڵی کێویش بەبێ هۆ ئەوە ناکات دەزانی ..❞ ڤێرۆنیکا بە وردی گوێی بۆ گرتبوو ❝ لەوانەیە هەڵە بکەم لە گوتنی ئەمانە بەڵام لەوانەیە بەزانینی ئەو وێنەیە بگۆڕێت کە لەناو مێشکت درووستت کردووە ❞ ... ❝ دەزانی .. ماکس تەنها تەمەنی 9 ساڵان بوو کاتێک دایک و باوکی لەلایەن چەند کەسانێکەوە بە دڕندانەیی کوژران .. وە لەبەرئەوەی ئەوکاتە مامی رۆجەر ئەلێکساندەر لە دەستەی مافیاکانی ئیتالیابوو ئەو تاوانبارکرا بەکوشتنی براکەی و براژنەکەی بۆیە بەهۆی ئەمەوە نزیکەی چەند ساڵێک کەوتە زیندان ❞ ... ڤێرۆنیکا برۆیەکانی گرژ کرد بێگومان ئەوە کارەساتێکی زۆر ناخۆش و دڵ هەژێنە تەنانەت ئەگەر رقی لە ماکس ـیش بێت هێشتا هەر خەمبارە بەو ڕووداوە . ❝ ئایا مامی ئەو کارەی کردبوو ؟؟❞ .. ❝ بوەستە ... لەدوای کەوتنە زیندانی مامی کە هەموو کەس گومانیان بۆ ئەوەچوو کە ئەو بکوژی براکەی بووبێت وە بێگومان شتەکە ئاسایی بوو چونکە ئەو ئەوکاتە سەرکردەی مافیاکانی ئیتالیا بوو لەکاتێکدا براکەی لیۆناردۆ ئەلێکساندری تەنها سەرمایەدارێکی ئاسایی بوو کە هیچ پەیوەندیەکی بە مافیاکانەوە نەبوو هەمووان گوتیان کە بۆ بەدەستهێنان و دەست بەسەرداگرتنی سامانە زۆرەکەی وایکردووە بەڵام رۆجەر هەرخۆی بەقەد براکەی دەوڵەمەند بوو هیچ پێویستیەکی بەو سامانە نەبوو بۆیە هەرکەسە و قسەیەکی دەکرد و هۆکارێکی درووست دەکرد ❞
ئانتۆنی هەناسەیەکی قوڵی دا تا قسەکەی تەواوبکات ❝ لەوکاتە خوشکی باوکی ڕۆزالیا ئەلێکساندری و دایکی کریستۆڤەر داوایکرد کە پەروەردەکردن و گەورەکردنی ماکس بخاتە ئەستۆی خۆی و لەدوای مردنی براکەی .. چەند ساڵێک تێپەڕی دوای ئەوەی لەپڕ ماکس رۆزالیای لەگەڵ مێردەکەی ئاندری دینەڵ کە ڕووسی بوو لە ئەسڵدا بەدەستی خۆی کوشت .. ❞
❝بێگومان بەبێ هۆ نەبوو لەوکاتەدا ماکس بۆی دەرکەوت کە پوری لەگەڵ هاوسەرەکەی دەستیان هەبوو لە کوشتنی دایک و باوکی . ئەو مەبەستەشیان بۆ ئەوەبوو کە ئەوان دەست بەسەر سامانە زۆرەکەی باوکی دابگرن لەکاتێکدا چاوەڕوانی ئەوەبوون هەرکە هەموو سامانەکە دەبەن ماکس ـیش بکوژن ❞
أنت تقرأ
Twisted obsession
Storie d'amoreلەچیڕۆکە خەیاڵیەکان و کتێبەکان بەردەوام ناوی " مافیا و پیاوە خراپەکانم " دەبیست و دە بینی .. زۆرێک لە خەڵک کە ئەو ناوە دەبیستن خۆیان بەدوور دەگرن دەترسن یان ڕادەکەن یان دوعا دەکەن کە کەسانی لەم شێوەیە هەرگیز نەیەتە سەر ڕێگایان ! بەڵام من .. بەپەرۆش...
