Twisted obsession

Chapter Twenty One

کاتژمێرەکە لە یانزەی بەیانی لایدەدا ، ڤێرۆنیکاش لە هۆڵە گەورەکە هاتووچۆی دەکرد لە چاوەڕوانی بینینی هاوڕێکانی کە ماوەیەکی درێژە نەیبینیون ..
چەندە بیری کردوون ، دڵخۆشیەکەی وەسف نەدەکرا بە وشە .. دەرگایە گەورەکەی ڕێڕەوی ڤێلاکە کرایەوە تا سێ کچ بێنە ژوورەوە و ڤێرۆنیکاش زەردەخەنە بکات .
لەکاتی بینینی یەکتری هەموویان بۆلای ڕایانکرد تا بە قایمی لەباوەشی بگرن و دەست بکەن بە گریان وەکو منداڵێکی بچوك ..
" زۆر بیرم کردبوون .. زۆر .." ڤێرۆنیکا بە گریانەوە قسەی کرد تا کچەکان باوەشەکە قایمتر بکەن .

..

کاتێك لەکۆتاییدا هەمووان ئارام بوونەوە لە باخچە گەورەکەی دواوەی ڤێلاکە دانیشتن
" پێمان ناڵێیت کە چی ڕوویداوە و چیت بەسەر هاتووە ؟ دەزانیت خەریک بوو لە نیگەرانیان بمرین ؟؟" کامێلیا قسەی کرد تا ڤێرۆنیکا سەری کەمێك بهێنێتە خوارەوە و هەر بەڕاستیش نەیدەزانی چی بڵێت یان چۆن بۆیان ڕوون بکاتەوە .
" هەر بەڕاستی تۆ بۆچی لێرەیت ؟ ئەم ڤێلا گەورەیە و ئەم پاسەوانە زۆرانە ! ڤێرۆنیکا تکات لێدەکەم پێمان بڵێ ..!" ئەمجارەیان رینا قسەی کرد و لە ڕووخسارە میهرەبانەکەی نیگەرانیەکی یەکجار زۆر هەبوو
ڤێرۆنیکا هەناسەیەکی قوڵی هەڵکێشا تا سەیری هاوڕێیەکانی بکات و زەردەخەنە بکات " هەموو شتێکتان پێ دەڵێم .. هەموو شتێک "
کچەکان بێدەنگبوون و بە وریاییەوە گوێیان بۆ ئەوە دەگرت کە ڤێرۆنیکا بۆی باس دەکرد .. هەموو شتێکی بۆ گێڕانەوە لەسەرەتاوە تاوەکو کۆتایی ، ڕووداوەکەی لەگەڵ کریستۆڤەر و پلانی سیخوری کردنەکە و کارکردنی لە کۆمپانیاکە .. بەڵام تەنها یەك شتی پێ نەگوتن .. هەموو ئەوانەی ئەوێ شۆك ببوون و بەچاوی باوەڕنەکردنەوە سەریریان دەکرد .

" لە ڕاستیدا شتەکان زۆر لەوە ئاڵۆزتریشن کە دەیڵێم ! من تەنها نەمدەویست ئەوەی خۆم تێیکەوتووم ئێوەشی تێوە بگلێنم و توشی ئازارتان بکەم .." ڤێرۆنیکا کۆتایی قسەکانی بە خەمباریەك کە دەستی بەسەر ڕووکەشی ڕووخساریدا گرتبوو گوت
" ئێمە هاوڕێن .. ئەی بەڵێن نەبوو لەهەموو ساتەکان بەیەکەوە بین و ئاگاداری یەك بین !!" رینا بە هێمنیەوە قسەی کرد تا ڤێرۆنیکا زەردەخەنەیەکی سادە بکات و سەیری بێلا بکات کە لەو ساتەوەی هاتووە هیچ شتێکی نەگووتووە و هەر بە بێدەنگی ماوەتەوە کە ئەوەش پێچەوانەی سروشتی ئەوە ..