°❀⋆.ೃ࿔*:･
ڤێرۆنیکا بە بێدەنگی بەدوایدا دەڕۆیشت بۆ ساتێك مێشکی تێکەڵاوبوو ماکس ـیش بەو جەستە بەرزەیەوە لەپێشیەوە دەڕۆیشت .. هەرکە گەیشتە بەردەم ژوورەکەی کە لەهەموو ژوورەکانی دیکەی ڤێلاکە گەورەتر و فراوانتربوو ،
" ئێهـ .. من دەبێت شتێک بهێنم لە ژوورەکە ." ڤێرۆنیکا قسەی کرد تا ماکس بوەستێت و ئاوڕی لێبداتەوە
" چی؟" پرسیاری لێیکرد
" جلەکانم .. دەمەوێت جلەکانم بگۆڕم .."
ڤێرۆنیکا بە کەمێك شەرمەوە قسەیکرد هەتاوەکو ماکس چاوی بخشێنێت پێیدا و پاشان بڵێت " بڕۆ .."
لەدوای ئەوە ڤێرۆنیکا بەخێرایی بەرەو ژوورەکە گەڕایەوە و دەرگاکەی لەدوای خۆیەوە داخست .. بۆ ساتێک وەستا و دەستی بە نێوچەوانیەوە گرت
" هەر بەراستی من چی بکەم ؟ چۆن لەهەمان ژوور بخەوم لەگەڵی !! نانا زۆر قورسە " سەری بە هەردوو لایەکەدا جوڵاند وەک ئەوەی کۆمەڵێک شتی بێتە مێشکی و بیەوێت لایانبدات .. پەنجەی گەورەی خستە ژێر ددانەکانی و بە هێواشی گازی لێگرت لەکاتێکدا بیری دەکردەوە
" بەڵام ..."
کە بیری لەو هەوڵسوکەوتە سەیرەی ماکس دەکردەوە مێشکی ئالۆزتر دەبوو وەك ئەوەی ئەو پیاوەی ئەمڕۆ ماکس نەبووبێت .
سەرەتا پێشبینی دەکرد ماکس لێی تورە بێت و تەنانەت سزاشی بدات بەڵام ڕێک پێچەوانەی ئەوەبوو .
دەخولەك بەمشێوەیە تێپەڕی و لەکۆتاییدا بەرەو کانتۆلی جلەکان ڕۆیشت و کردیەوە .. تیشێرتێکی سپی کە ڕەسمی گوڵی بچوک بچوکی لەسەر بوو لەگەڵ شۆرتێک دەرهێنا کە لەگەڵ تیشێرتەکە هەمان ڕەنگ بوو.
بەخێرایی لەبەری کردوو و لەژوورەکە چووە دەرەوە تا بەرەو ژوورەکەی ماکس بڕوات و لەگەڵ هەر هەنگاوێکیش دڵی خێراتر و خێراتر لێیدەدا .
دەرگاکەی کردەوە و بەهێواشی چووە ژوورەوە .. چاوی بە ژوورەکەدا گێڕا بەڵام ماکس ـی نەبینی ، وە کاتێك گوێی لە دەنگی ئاو بوو لە گەرماوەکە بەهێواشی دەرگاکەی داخست و بەرەو سیسەمەکە گەورەکەی نزیک پەنجەرەکە ڕۆیشت تا لەسەر لێوارەکەی دابنیشێت ..
ماوەیەکی کورتی خایاند تا دەرگای گەرماوەکە کرایەوە و ڤێرۆنیکا سەری بەرز کردەوە و سەیری کرد بەڵام ئەو دیمەنەی بینی وایکرد چاوەکانی بۆ زۆرترین ڕادەیان فراوان ببن نازانێت لە شۆکیان یان لەشەرما ..
کاتێک بینی ماکس بەو جەستە زەبەلاحەی لەلای دەرگا شوشەیەکەی گەراماوەکە وەستاوە لەکاتێکدا تەنها خاولیەکی بەناوقەدیەوە هەیە و بەشی سەرەوەشی ڕووتە . دڵۆپەی ئاوەکانیش بە قژەکەیدا دەکەوتە خوارەوە
دیمەنەکەی وایکرد ڤێرۆنیکا ئەوەی قورگی قوتبداتەوە و بکەوێتە قوڵایی سەیرکردنەوە وەك ئەوەی دیمەنێکی نایابی سەرنجراکێشی بینیبێت .
بەڵام دەنگە قوڵەکەی ماکس کە زەردەخەنەیەکی لاری لەسەر لێوەکانی بوو وایکرد لە خەیاڵە سەیرەکانی بهێتە دەرەوە " دەزانم قۆزم بەڵام بوەستە لەسەیرکردن وا هەست دەکەم خەریکە دەمخۆیت بە سەیکردنەکانت !"
أنت تقرأ
Twisted obsession
Romanceلەچیڕۆکە خەیاڵیەکان و کتێبەکان بەردەوام ناوی " مافیا و پیاوە خراپەکانم " دەبیست و دە بینی .. زۆرێک لە خەڵک کە ئەو ناوە دەبیستن خۆیان بەدوور دەگرن دەترسن یان ڕادەکەن یان دوعا دەکەن کە کەسانی لەم شێوەیە هەرگیز نەیەتە سەر ڕێگایان ! بەڵام من .. بەپەرۆش...
