طليقة الكوماندار

part1

🍂#طـلـــيقـــة_الـكـومـانـدار🍂

🍁#سجــيــنتـــي_الــفــاتـنــة…!🍁

🥂🍂•مخزني حاكمها فالناس…وقدامها يحني بالراس•🍂🥂

🍁•#بــأنــامل_مــلاك_هـانـــسـل🍁•

Prt:1

ترفعات السبابة بغضب فوججههها والريوق كايتشايرو على بشرتهااا... سمعات  من داك الفم غير السمم لي ضررها وجرح قلبها .
ويااااااحصرة....هادي كانت مهها...!

لي فعوض ماتحن فيها وترحمها...نفراتها ونكرات كبدتها.

" حلللي ودنيييك وسمعيني  مزيااان نقوليك..... الى رااااجلللككك  ماقبلش عليككك حنى مانهزوش شياطتو ماعندنا مانربحو بيكك......كنتي بنتنا قبل مانعطيوك ليه ...نهار داك وكتب عليكك خرجتي جماعتنا وولات عندك عائلة خرا....قلتهاليك النهار اللول ....قتليك الزين ماينفع الشطارة لي تقنع...الزواق من برااا مايغطيش على الغمولة ديال لداخل....كون كنتي مرااا وقاددة وفيددكك الشادةة والفادةةة والله ماتخليه يزعف عليكك ولا يهز يدو ولا يفككر يغدركك ويخليككك ...مالقاككش مرااااا ونص  وهاهو طلقكك فجوج دقايق ماعطاكش حتى الوقت لي توعاي فيه بشنو طاري."

قفزات الدمعة من عينهااا ..هزات يدها تمسحها لقات خوتها تابعينهااا ....!
وجهها فزك بين دموعها ودفال مها ...كاترجف مصدومة من السم لي خرج منها....دارت عند باها تترجا رحمتو بشوفاتها  الحنينة والوجع باين على تعابيرها الحزينة ..هز فيها عيونو لي حتى هوما كانو مغرغرين ونطق بنبرة ثقيلة مبحوحة وهو متردد ماقادرش يهضر مسكين.

"حنى ابنتي فعروقنا وجدورنا وأصولنا ماعندناش البنت لي تطلقق وترجع لدار باها ....العزز لي كان عندك داه راجلك حد ماغايقبل عليك...حتى الى فكرتي تعاودي الزواج شكون هادا لي غايديك؟البنت ااابنتي كاتساوم بالشرف  ...نتي دابا ماساوياش وطريقك بااااينة ....غاتبوري حتى تخرجي للطريق بحال شحال من ضحية طلاق ولا اغتتتصص...ا-ب...وبزاف دالحالات...وانا مانقبلش بيك فداري وسط بناتي لبزاف دالمشاكيل...االلولة غايتبعو  طريقك حيت نتي الكبيرة فيهم والثانية عمر شي حد يدق بابنا ويطلب يديهم...والثالثة كاع الناس يوليو ينعتو فينا ويشيرو علينا ويحلو شواريهم......الحل هو ترجعي تسعاي رحمتو ويرجعك على دمتووو....والى  .....( سكت حابس الدمعة)...الى كان مكتاب بينكم الفراق....لوحي صاكك على كتافك وخوي هاد البلاد...طريقك عرفيها بلا بينا ومانعرفوك ماتعرفينا....مانسولو فيك ماتسولي فينا"

سكت قلبها لثواني....جف اللعاب فحلقها ونشفات دمعتها وتأكدات باللي كاع خلق الله أناني...تغير لون وجهها والصدمة رفعات قفص صدرها محبسة فيها النفس ونبض قلبها حبس.

رجعات جررات نفسها بزز وتنفسات مخنوقةةة وهي كاتحاول تهضر...ديك النبرة الرقيقة الأنثوية مجروحة مبحوحة  ماليها الإحساس بالأقلية..غالبها البكا والخنقة ....هررسسو مابقا فيها صاين وجرحو مابقا فيها باين .

زهور:نسعا رحمتو باش يرجعني مرتو...؟!

حنات براسها خائبة الأمل.

زهور:كون كان يحن فيا....كان يحن ملي كنت مانغلطش ونطلب سماحو...والى تجرح انا لي نكمد ليه جراحو...كان يحن ملي كنت نحني بالراس ونصبر وهو كايسبني بفقري بحالا هازني من الزنقة مفرشة تحتي ورقة.
كان يحن ملي شفت تصاورو مع شحال من بنت وماهضرتش حيت ماقدرتش... وحيت غير كانحل فمي كاناكلها فلحمي......وملي جابها لداري قدام عينيا ودخلها لكوزينتي يديرو الفطور بجوج وانا فبيتي سد عليا...بكيت وكمدت فقلبي الكية..ملي نعسسها ففراشي وانا صبنت وسخهم  مخنوقة النفس مقطوعة فيا.

هادشي كامل حيت مو لي زوجاتو بيا وهو مكانش راضي عليا...كان باغي  هاديك صاحبتو  بنت الشان والمرشان ...المفششة العصرية مابغانيش انا  بنت العروبية....واخا قارية وواعية ماشافش هادشي شاف غير الدوار لي جابني منو ومهري لي كان قليل والعرس لي ماداروهش ليا حيت حلف مايبرز حدايا ...هه...( ضحكات فعزز الفقصة وقلبها مقهور)...كون كان يحن اابّا...غير على صبري يحن فيا...تسناني نقول عيييت وقدما سكت وصبرت كاينوص يق.تل فيا ويعدبني  ويتعدى عليا...نهار حسيت براسي غانم.وت قلت بغيت واليديا.. جابلي وريقات وقاليا هادو وراق الطلاق بصمي هنا وسني هنا ( كاتشير بيديها)هزي صاكك نوصلك لدار باك....!

(طللعات كمام يديها)....شوف لحمي...( حيدات فولارها على راسها) عمري عرريت شعري قدامك ابا ياك....شوف ...شوف شحال باقا فالسالف لي كنت محسودة عليه...نتفو وخلاني مرزية فيه
شوف عنقي اابّاااا

كان كوللو مصصان وعضضان وقميش وضفرانو مغروسين فلحمها..

زهور:كان كايعدبني حتى ففراشي ابّا ... هادشي مايبغيه لا ربي لا عبدو كيفاش نتوما رضيتو بيه....؟!
دغيا خرجتيني من كبدتك وقلتي " مانبغيكش تكوني وسط بناتي"....دغيا رديتيني برانية وجريتي عليا ...ونتي اا مّي.

شافت فيها بحنانة.

"  قلتي مزوقة من برا ....انا فين عمري زينت وجهي البنات...ولا شريت ماكياج كي الدريات....فين عمري لبست القصير ولا عريت راسي حاشا واش نقددد....الى كنتي حاسبة
القرايا وشهادة الباكالوريا وديبلوم البرمجة والقرصنة زواق راه عندك الحق حيت كاع مانفعوني وبين يدين  شماتة عيفة  الرجال لاحوني"

{#يتبع🍁}