🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:52
جلسات حداه كتمسح فنضاضرها وكتشوف قدامها…علي حول عينيه لعندها بهدوووء…طفا الكَارّو احتراما ليها وبدا كايدور البريكة الحديدية بين صبعانو….لالة ثرية كتسوط فنضاضرها دالشوف وتمسح…حطاتهم على عينيها وشافت فالما دالبيسين قدامها.
ثرية:باينة فيك كتبغي بنتي بزاف….علاقتكم كاتبان قوية….فاش دخلتي شاد ليها فيديها…انا ارتاحيت وانا كنشوفها كاتتعوض على كاع اللي صراليها.
اللي فات عليها ماراهش ساهل مارررة…تكرفسات بزاف والغاشي كاع نفر منها كيف شي حاجة كانت حلوةة ولات مررة.
مابغيتهاش تعاود تتآدا….ومبغيتش نشوفها كا
تبكي مرة خرا محروقة حيت تغدرات من جديد…مبغيتش نشوفها منفورة منبودة من تاني
بغيتليها شي واحد يبغيها بعيبها واخا تكون هي لي غالطة…ويتقبلها كيفما هي…ويتيق فيها…ويحن عليها…ويديرها فعينيه…ويقدرها….ومايشوفش انها ماتستاهلوش شكلا وقالبا….حيت هي من لداخل زوينة بزااااف… قلبها بيض وحنينة ومعقولة
بنتي مانشكرهاش غير هكاك
انا عارفاها ماكاتحقد مكاتكبض….دغيا كتسمح وصبارة بزاف ومرت ديال الزمان…خاطيها التبعكيك والشيكي….وخاطيها الخصايل دبنات الزنقة
واخا تسمع عليها هادشي كامل…تيقني انا حاسة ماعمرها غلطات…!!
وحتى الى غلطات مابخاطرهاش…!
هي كتهضر…وهو كيتفكر كيفاش دافعات عليه فالمحكمة…بالرغم من انه نقصص منها وقلل منها وطيح بيها وسبها وشتمها وجرحها وتنمر عليها
كان بإمكانها تحقد عليه و. واخا تخرجو مغاتعاودش تهضر معاه ولا تقربليه
ولكن هي بقات كتهضر معاه عادي…ونسات كولشي…وحتى دابا مزال كيجرحها…ومزالا كتنسا وكاتميك
علي:فعلا…. نجمة….بحال سميتها…!!
كتعطي الفرص بزاف….حيت كاتآمن …باللي الحياة ماواقفاش على شي حد…وماتستاهلش تعصب راسها على اي شخص….وعادي بنادم كاع كيغلط…وربي كايستمح وهي غير عبد
نجمة….كاتآمن…باللي كاينين امور اهم من الصراعات والخلافات مع البشر.
ثرية:نجمة نقية بزاف من لداخل كثر من برا.
علي:قلبها كبير…وماتعرف غير المعقول…خاطرها واسع ونيتها صافية….ولي فقلبها على لسانها
وشخصيتها قوية
ودكية وعندها عقلية نقية
ماشاء الله
احسنتي التربية
ثرية:جزاك الله خيرا…الله يرضي عليك اولدي…كاتفهمها مزيان…..كاتبان مولفها وحافض عقليتها.
نتا منين؟
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
