🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:20
حط ليها كاس دالما وكين عطاه ليها الطبيب جنبها....بقا واقف عليها وهي هزات الحبة لحتها ففمها وتبعاتها الما ورجعات بهدوء تكات فبلاصتهااا...جات تجر عليها الغطا.
لقات يدووو سبقاتها وغطاتها...كتشوف فيه بهدوووء وعيونها فيه ساهية شبه مستغربة ...طفا عليها الضوو وخرج....سد الباب وراه مخليها كاتفكككرر فكرة تديها فكرة تجيبها وراسها كيتبخخخ وداتها كلها كتضرهااا وخاطرها مريض وقلبها مزير ونفسيتها مكرفسةةةة....كلها مهدودة ...داها النعاس مسخسخة مافاقت حتى دازو شلااا سوايع....قلبات الساعة فجنبها وناضت كتعافررر محاولة تتوكض فبلاصتها.
شافت فجنبها على الطبلة لقاتو حاط ليها تاني دواها وحاطليها طبسيل دالديسييير مقططع طريفات صغااار....قلبات عليه عينيها خاطرها مابغاهش..
حسااات بحسسووو جاي داخل للبيت وهي تبقا كتشوف فالباب حتى تحل....جاو عينيه فعينيهااا وبقات حاطا عليه نضراتهااا العتابية الحزينة وهو التالي كايقرا شوفاتها الحنينة...بخطوات ثقال تقدم فاتجااها ويديه فجياب سروال الكيطممةةة ...ميل راسو ببطئ وشوفاتو ثقااال من شخصيتو كيتفحصو الطبلة بعينيه نطق وقاليها.
"ماكليتي والو؟"
حركات راسها بالرفض ببرود...وقالت.
" ريحتو خايبة"
جاوبها.
"بغيتي شي حاجة خرا؟!ماتبدايش تتشرطي حيت شفتيني مساعف ومسايس قولي لراسك القاصح يتكايس".
زهور: لابغيت ناكل غنوض ندير ماناكل....شكرا ماتعدبش راسك.
غريب هاد السيد ...كلشي كايديرو بجميل....هو لي موصلها لهاد الحالة وزايدها بالنفاخة....اصلا هي مصدومة من انه كيرد ليها البال خايفا غير لاتدير شي غلط وينوض تاني يطحنها عصا.
مراد: الطبيب قاليك ماتحركيش بزاف.....غتمو.تي بالجوع؟شنو بغيتي تاكلي؟!.
زهور: مبغيتش امراد....!
بدا كايتعصب...دغيا العرق من جبهتو بدا يتصبب.
شافتو تغير وهي تخاف...سرطات ريقهاا وبدات كاتفتف
زهور: شهيتي مسدودة...الوحم ....هكا كيدير.
عاد فهم...رجع تهدن وهز راسو بالإيجاب....قرب بخطوات بطيئة لعندها...جبد يديه من جيبووو بزز بحالا غيخلص عليها الضريبة ولا غايضربها البرد لاخرجات من جيبو....بدا كايلوحها لعندها بززززز منو كيقاووووم بحالا الدرية فيها الجدام وزهووور ملاحضة هادشي وقلبها كايضرهااا هاد الشي كايجرحها.
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
