🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:31
تعرضاتليها فتيحة قبل متطلع لبيتها…كان فيدها طاس دالقهوة غادية بيه لمراد وهي تمدووو لزهور وقالتليها.
" صباح النور ااا الزهور….هاكي دي هادا لراجلك زرعي فقلبو السرور….هادي هي فرصتك استاغليها "
زهور شداتها بالفزعة حماتها زربات عليها….بلعات ريقها وبتلفة قالتليها.
"اشمن سرور ، انا من نهار تزوجت بيه شفت غير الويل وقلبي ديما مقهور ؟ مع احترامي ليك اميمتي ولكن ولدك يشرب فيه السممم حتى يتقال فقلبو الد.م ويتدسسم "
فتيحة : الله ينجيه…هابردي متحقديش عليه…. ساعفيه وشوري عليه….والى كان شرراني وعدواني بدليه…فين اللي وصيتك عليه ،
حتى نتي تلفيه وخربقيه…لعبي بمشاعرو وتلفيه…خليه يتبعك ويبغيك وينسا هاديك العقروشة لي داتليه العقل
علاه هي باش حسن منك ؟ نتي خير منهاااا بألف مرة
خرجي فيه عينيك وطغاي عليه ماحدو مايقدرش يهز يديه عليك
شافت يمين شمال ياكما شي حد كايسمع
وهي تكمل كلامها قايلة
" راه كيروح تايعيا ويرجع ليك يبغي ينعس معاك واخا كيعدبك ويعنفككك راه كيعشق النعاس معاك….ايوا لاجا عندك قوليليه لا حاملة منقدرش…وحرميه منككك وخليه يتغيدد
الراجل مكيرضاش بالرفض
لارفضتيه غيولي تابعك نتي وينسا كولش "
زهور سكتات كتفكر فكلامها وفتيحة طارت من قدامها.
مالقات مدير وداتليه القهوة
حطاتها ليه وقالتليه.
"…هاهي قهوتك فاش تشربها دخل الكاس بوحدك ماتعيطليش راني متقلة والخدامة مكيناش"
بغات تمشي وهو يهز فيها حاجبو
قرنات حتى هي حواجبها وقالتليه
" مالك ؟!"
مراد:بحالا لسانك طوال وكتافنا تقادو ؟! وليتي تخرجي عينيك وتردي فالهضرة مزال
زهور : هه ولفتيني فموض الطاعة والخوف ؟! غير مليت وبدلت الحرفة
مراد:ها راكي تتقني كاع الحرايف…..شابانلك ندير معاك نفس الحرفة؟!
زهور:لالا
" خليك فخدمتك امون كوماندار …نتا جدارمي كتحل المشاكل والقضايا…"
رشف من قهوتو بهدوء…ونتر نترة من الكارو برواء….هي كاتبرد ضفرانها الكيوت وتسوط فيهم…وهو عاد جاوبها
بنفس ديك البرودة فالشخصية والبحة الرجولية
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
