🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:56
هناء لاحضات باللي ختها وئام غير حشمانة وحانية بالراس…ومرة مرة تهز بالشوفة وكي تجي عينها فعين تامر كتتبسم بالخجل وتهبط العين.
نغزاتها برجلها مخلياها تنتابه لجيهتها…قالتليها فودنها ماي قرباتلها.
" طاح عليك سر الزواج ياختي…وطاح قلبك فحب الوجدي…حتى العين ماتجيبيهاش فيه هه مابقيتيش تقدي "
وئام قربات حتى هي لعندها مجاوباها فودنها
" غير سكتي…حبببووو سكت ليا الحجرات…"
هناء:درتو البسالة اممم.؟!
وئام:الله يقلل حياك االبرهوشة….هادشي راه كبير عليك ( تبسمات بخجل وكملات كلامها بصوت هابط كثر من اللول) الصراحة اه هههه
هناء فشلات بالضحك…!
……….
عند نجمة وعلي….بعدما تعشاو هي هزات لينيغجي وهو هززز قهيوة وجلسو حدا البحيرة ….العائلة دايرة جليسة وسط القصر على برا متعالية قهقهاتهم البرجوازية….كاتسمعو غير " ه ه ه ه ه"
الضحكات المتقاطعة.
علي:علاش قبيلة بانو عليك علامات الصدمة ملي شفتي الكوماندار كاعي على مراتو ملي بكات ؟
نجمة: حيت عرفتو طايح…وماحاسش بروحو يحاول يبينلها بلي كايبغيها بلا مايقولها ليها…كايدير هكاك باش هي تنتابه لحبه هههه
العجرفة خلاتو مايقدش يعتارف بصح يقدر يدير طرق خرطين ههههه
شاف فيها علي بعيون مضيقة وقال ليها
علي: ياهاد كحلة الطرمة…نتي بلاصتك حدا البرمة..
مطووووررررة….!!
ماتنفعش معاك القوالب
نجمة: هههههه راني محامية ماتنساش.!
قهقه بالخف وسهى قدامو…ونجمة حتى هي مرة تشوف فيه مرة تشوف فشي قنت خرا
فالتالي هزات عينيها فالسما
هي: اليوم مكايناش ديك النجمة الكبيرة لي كنت موالفة نشوفها فالسما
شاف فيها مميل راسو كايتأمل فيها وهي ضاحكة بسنيناتها المستفين كاتشوف فالسما
هو:حيت كاينة فالأرض….!
وشاف فيها بهياااام
خلات ميساج للفقيه …ميساج بحالا مكتوب بمشاعرها ماشي اناملها….بكات فيه وراتو شنو فقلبها وخوات ليه كاع اللي ماليه.
زهور:انا …كنعتقو…هو كايق تل فيا…انا كنققدو من الهلاك…وهو للمو/ت سمح فيا.
عارفة سحورو لعب فيه…ولكن راه ضحى بحياتي اسي الفقيه.
لي عطا الله عطاه انا علاش كانعالج فيه؟ بقاوليا شهور قلال ونودعو ونخليه…شكون غيداويه ؟
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
