🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:54
وشوشو مدورين الحوار.
" ثرية رجعاتليها ضحكتها بعد سنين"
رقية:مسكيينة…جاها نسيب جدييييد.
ثرية:اممم…كيدخل الخاطر غير من الشوفة.
ناض علي بعدما انهى حديثو مع نسيبتو… باس ليها يديها وتحرك داير يديه فجيابو…داز من حدا النسا وهز راسو بسلام ودخل طلب من وحدة من الخدامات توريه جناح نجمة….طلعاتو ليه…دخل لقاها فالبيت كتبدل….واقتاعد الفوطاي كيكمي مستنيها تخرج.
غاحتى خرجاتليه بكسوة كحلة لاسقة على لحمهاااا والسالف تايضرب على الترمة وعكر حمررر مقووود جاها
علي: شهاد الشوهة لابسة ؟
نجمة: كاينة حفيلة صغيرة تايرحبو فيها بمولود العميد….حفيد العائلة الكبير…الورييث الشرعي…!
علي: ايه بصحتو هو يورث وانا نتشوه ؟ باغا ترديني ضحكة وسط عائلتك ؟ لبسي لبسي شي حاجة بعقلها
نجمة:
"علاش شنو فيها الى لبست غوب كحلة مافهمتش ؟ عجبني لونها وبغيتها عليا علاش كاديرليا هكا ديما
نتر نترة تقيلة من الكارو وهو كايطلعها وينزلها بعينيه وجاوبها ببرودة
" انا فاهم بلي ولفتي تلبسي ليغوب فالبار لي كنتي خدامة فيه….ولكن راه نتي كحلة ولاغوب كحلة والليل هادا ماتبقايش تباني واش بغيتيني نبقا نقلب عليك وسط الجنون ؟!"
هزات حاجب وحطات الثاني
" كيفاش وسط الجنون ؟"
جاوبها بنفس الأسلوب "حيت تاهوما مكايبانوش "
هو مطلعها عليها وعلى لونها وهي بقا فيها الحال وقلبها ضرها وعينيها غرغروو
"الحلم ديالي شي نهار تراعي لمشاعري وتحس بيا وتحن فيا "
جاوبها بنفس البرودة…!
"القحاب مكايحلموش احبيبة….حيت مكاينعسوش بالليل"
بكات حتى برد قلبها ….مسحات عيونها وصبرات راسها…وقفات على رجليها وقوات نفسها…جمعات شتات نفسها وماتبقى من اطراف روحها لي تهرسات انش ب انش…وخرجات بحالا مكاين والو.
فكل درجة كتحس بلي هنا بغات تحبس…ولكن كتدفع خطوتها بزّز….فكل خطوة كايفشلو ركابيها ويخواو بيها رجليها…ولكن كتحاول بكدمها تحط وتهز.
خرجات وفالباب وقفات….كتشوف فيهم فالجردة مجموعين كيضحكو مجمعين….باها عبد القادر معنق هناء كيلعب ليها فشعرها وكايهضر مع السي عدنان نسيبو….عمران مجمع مع تامر ولالة رقية كاتهضر مع بهية وثرية وفتيحة….وباقي العيالات كايهضرو مع وئام وكايقريوها كيفاش تكون من هنا للقدام فحياتها الزوجية وشنو خصها دير….تامر هاز كل بنت من بناتو فوق واحد الدراع من دراعو وكل مرة يبوس على راس شي وحدة منهم وهوما معنقينو وساكتين وكيسمع لبباه والسي عبد القادر شكايقولو…نجمة معصبة حيت علي خلاها تلبس جلابة غير كاتخنزر فيه وهو كاياكل اللوز وكايشوف فيها ويتبسم ديك الإبتسامة تاع الغدايد زعما كايغددها.
تنهدات زهور وكلمات نفسها بحصرة وصوت مجروووح مبحوح.
زهور:تأملي ازهور زيدي تأملي فيهم…راكي قريبة تمو/تي ومغاتعاوديش تشوفيهم….…!
حولات العيون لي وقفو عليهم الدموع عند مراد وباه لي جالسين حدا البحيرة الصغيورة لي توصطات القصر …سهاات كتشوف فيه وتبسمات قلبها محرووق مقهور.
"فاش بغيتك مابغيتينيش…لاصداق عطيتيه ليا لا عرس كي قراناتي درتيه ليا….غدرتيني قدام عينيا وتعديتي بزاف عليا وهادشي لي فكرشي كنتي شوية وتطيحوليا…جريتي عليا وتعدبت بزاف ورجعتيني عندك تاني تتعدا عليا…سجنتيني عندك مابغيتي تحرّرني منك مابغيتي تشفق عليا..لقيتك مسحور وبعد كل مادرتي فيا نضت نعاونك تتشافى من سحورك ونتا شنو درتي ليا؟ فاش عرفتيني غنمو ت احتافضتب بهاد الولاد حتى يتزادو…اختاريتي الولاد وضحيتي بيا….ونتا وعائلتك كاع عارفين والشك حتى فعائلتي وخبيتو عليا"
قفزات الدمعك مسحاتها بزربة
زهور:الله يقد بيك انا ماعندي جهد عليك…!
غنسكت وندير راسي ماعارفة والو…انا واخا نبغي نعيش بعدما عرفت الحقيقة….ماعندي فين نمشي الى خاصمتك وبغيت حقي وطلبت الطلاق واليديا كيجريو عليا ونتا كثر
وماقاداش على الزنقة وعقائدها كيف المرة لي فاتت
اللهم نصبر نولد ونمشي للقبر.
مشات جلسات حداهم فالجليسة تاعهم.. حاولو عندها العيالات العين وبداو فيها شادين
" كي جاتها الكريشة ماشاء الله وزينها شحال فتان"
عبد القادر حس بالفخر من مدحهم لبنتو….فتيحة تقرسات حيت كيشكرو زهور ا كثر من بناتها
#كيعجبني_نقرا_تعاليقكم_كثرو_النقاشات✔️
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
