🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:48
وصلو للقصر الدركي…فالباب ديالو كايلقاو اسية وبهية كيتصورو مع ديزاين الدخلة….بلاصا حداهم منوض العجاجة عليهم ونزل الزاج كيميق الشوفة فيهم…طلعهم ونزلهم كيفما هوما طلعوه ونزلوه بغضب حيت غبرررهم ودار عند نجمة قاللليها.
علي:كون غير جات فوحدة من هاد التوتات…مانمثل مانكدب مانطللق مانخون….شوفي اكحلة الترررمة شوفي الزين المسرار البلااااار…نتي وجهك بحال البريق '،لازين لا عقل ررزين ,فيك غاديك المشية دالبطريق.
بقات فالطولة…مجبدة بحال يامك مايبان ضهرك من قدامك..!
تجاهلاتو قايلة
" نزل نزل
"
ايوا وكي فتح الباب بديك النزلة الرجولية وحرك عينيه فجنابو بختورية طاحت بهية….خرجات عيونها كتفصلووو بشوفاتها وهو مامنتابهش ليهم…..جبدهم من دابا شوية غير باش يستافزها هي …كيهضر غير باش يعصببب نجمة اما هو آخر همو هو البنات وحتى فاش كيهضر على الخيانة غير كايستافزها اما هو دماغو كبر من هاد التبرهيش ولهذا التخربيق مامساليششش وعارف بينو وبين الله ماغايضلمهاش ويآديها وهي مراتو فالشرع والقانون…لسانو مبررري منو وقممماع مكايراجعش الكلام…ولكن هادشي مكيعنيش انه ولد الحرام.
اسية:شكون هادا؟ او واش كان ضروري يدير هاد الدخلة الأسطورية شعري كامل غبره ليا..!
بهية قرساتها
"جات معاه…كلها يقدر مكانته بنفسه ويهضر على روحه بجهده….مادار ديك الدخلة حتى كان عندو سبب…شوفي الوقفة…والمشية…والتخنزيرة…شوفي الزين…شوفي كتافو شحال عراض وصدرو كي مطراسي….اححح اامّا راني في حلمة"
اسية:شوفي هاديك راها نجمة….يابردي بواشمن وجه تدخل للقصر..ومعاها راجل من الفوق.
اسية:ياربي يكون صديقها…وحتى يلا كان حاجة كثر بالنسبة ليها مايبقاش. ليها
كاين شي واحد يبغي قحببة؟
نجمة شافت شوفات بهية وشافت فعلي لقاتو كايتأمل فالقصر وهي تتبسم وقصداتهم تسلم…هو ماقربش ليهم سبقها وتبعات خطواتو مخلياهم كايوشوشو فيها…على فضيحتها القديمة وعلى الوجه باش دخلات للقصر دالعائلة من جديد
وعلى هادا لي معاها شكون؟
نجمة شداتليه فيديه ووقفاتو…شاف فيها وقالتليه
"حاول تبين شوية دالحب فعينيك"
علي:هاد مك والله حتى حمقة…الحب مكايبان فالفعال على شحال…هي بغاتو فالأعضاء كاع…سوليهاا شمن لون بغاتني نوريهليها بيه.
نجمة(كانت ساهية سمعات غير لافات):شناهو؟
علي:زبي…زيدي زيدي…يابسم الله
كون غير بقيت فالحبس ولا هاد القبر
ومعامن كانلعب ؟ مع عائلة الكوماندو
نجمة:ماتخافش
علي:كون غير كان الحب تطبيق نآنسطاليه حتى ندوز هاد الإختبار ونسيبريميه….!
وقفات فالباب حاكمها السكووون…جاو شوفاتها فشوفات منبع الحنان قلبها تهز وتحط بين ضلوعها كيزدح مقصححح وتنغز جرح قديم كان مخزووون.
كي تلاقاو العيون الدموع وقفو على الجفون…نجمة حكماتها البكية والرعددة وثرية الوحش قهرها…لقات راسها كاتأمل بنتها من راسها لرجليها كتفحححص فيها…لقاتها تبدلات بزاااف رقاقت مسكينة….ضرها خاطرها وتنغزات كبدتها عليها.
العائلة كلها كاتشوف فهاد اللحضة ساكتة حد مكايهضر…تخربق الجو والمنضر….ثرية بحنانة كتشوف فكاع تفاصيل نجمة وهي كاتشوا عليها كيفاش تبدلات مسكينة .
ولأول مرة كيشوف علي مشية نجمة مبدلة…رجليها تعاكسو خطواتهم من التوتر والإرتباك والخووووف والإشتياااق والضررر والضلم وكاع المشاعر لي حاسة بيهم.
خطواتها غاديين فاتجاه مها…غير وصلات حداها ثرية وقفات وحولات نضرها عند علي….نجمة عنننقاتهاااا بحررر جهدها مزيرة عليها ومخشششية فيها كتشم ريحتها توحشششاااتها توحشات تقيسها وتشم ريحتها وتهضر معاها توحشاتها بزاااف
راها ميمتها غير هي لي عندها فهاد الدنيااا….قلب ثرية كيزدححح مقهووور…كبدتها كاتاكلها
شدات راسها تاعيات فاللخر بكاااات…بادلاتهز العنااااق وبداو يبكيو بجوج
ناداتها نجمة بحب وحنان ونبرة صوتها مألمة يكتسيها حرر الوجع
" مّااااا….توحشتك"
#كيعجبني_نقرا_تعاليقكم_كثرو_النقاشات✔️
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
