🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:21
ولي محيرو الغرام ومعيشو فالهوام ؟! ايوب ماكلا ماشرب هادي تلتيام.
مرفوع مهول بيه الحال….غير تيفكررر ولون على وجهو شحاب.
سهيل طبطب ليه على كتفو وحطليه كاس دالقهوة قدامو على الطبلة
" قاد قاد الدماغ اا الضبع….هاويلي على صاحبي مسكين مشا فيها وكان رجل صاااااااالححح….مااااااعلوووم هولو الحببب "
ايوب: ماشي وقتك اسهيل
سهيل: ايه وقت زهور هادي هي لي حاكمة دابا….دخلات لحياتك خربقاتها ومشات
داتك وراها تلطنجة ومالقيتيهاش وتاشي خبار عليها ماسمعتيهاش
ايوب( شاف فيه باهتمام): مالقيتي عليها حتى شي خبار نتا ؟
سهيل (ميق فيه الشوفة): كون لقيتها كون قلتهاليككك علاش نخبيها عليك ونتا حالتك تشفي العداااا واكول غفكرشك ونقققي حالتك بعدا
وتقول موكلاك وساحراليك ديك السيدة
هااااويلي اويلي موكلاااااااه مافيهاش مشا فيها صحيبي وكان رجل صاااااالح
ديك صااااالح كيقرلها ويأكد عليها ايوب تيحرك راسو بلا حول ولا قوة الا بالله مافيه لي يساير طنز سهيل العكري….هز كاس القهوة كيرشف منو وكيفكررر فين غتكون مشات البنية ؟ غير بقل من نص ساعة جات تصويرتها قدام الجامع داك النهار ماجا فين يوصل لتما حتى جاتو تصويرة البلاصة خاوية واحد ماشافها فين زادت ولا فين مشات…؟!
كيفما قال سهيل….دخلات لحياتو خربقاتها ومشات
قلبو مابقاش ديالو غير بيها كينبض…عقلو تهول حالو غير فيها كايفكر
لسانو نشف دفالو غير بسميتها كينطق
ايوب: ماقادرش نفكر فشي حاجة من غيرها…. شغلات بالي وصهراتني الليالي….سكنات تخمامي وقلبي اخويا سهيل مابقيتش عارف اش جرالي…..ضروري خاصني نوصل ليها…!
جاه الجواب من وراه بنبرة غليضضةة حرششةة شاعلة بالغضب زرعتت الرعب فيه
"توصلها توصل المقّبرة …خارج الدين ومرزي فالوالدين حتى نخليككك هبيل وسط الطرقان تتمشى حفيان…. لامانرزيككك فرزقك وعقلك راني كافر كيف اللي حطككك "
تلفت بزربة وراه وجات عينو فعين اللي هضر معاه…. هز حاجب وحط الثاني مصدوووم غير شافو عرفو
ماهو تصاورو معمرين الجرائد والصحف كاع يهضرو عليه…وعلى جبروتو وقوتو.
ايوب وقف فبلاصتو ومراد تم جاي لعندو بثقالة خطاويه قااااصدو…. وقف مقابل معاه وكان فايتو شوية مراد بالطول والتكضيرة هو عامررر والضورصو مكلضممم مجبددد والكثاف عراض .
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
