??#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:7
غمّض عليها باالزعافة عيونو الزرقة كي عيونها اللي ذاابلة جفونها والتجاعيد مستوطناها...بلع ريقو بالإيجاب كايهز ويحط فراسو ونطق.
"كتخاصميني؟! وكاتعارضي كلمتي وتعصيني ياك؟! اييه. عندك الصح والصح عندك....مزال خاصك لي يربيك حيت انا لي والدكك ماعرفتش ليك خسااارة تربيتي فيك..
فين عمر الطلاق كان عيب ؟! هااااا ومالو لاكان مطلق ؟!!!
حنات راسها وعيونها عمرو بالدموع حيت كلام بّاها قاسها....تفكرات ختها وكيفاش جرا عليها ونكرها من دمو ولحمو ومن دارها ترا عليها
وئام: من نهار جريتي على ختي حيت طلقات…..من تما ولا الطلاق عيب….ملي ماشي عيب فين هيا ختي مسكينة ؟ لي مشات لا حنين لارحيم لا من يواسي ؟ فين هيا بنت دمك ولحمك وعضمة من عضمك ؟؟؟ فين غتكون مشات او وصلات ؟؟ كبرات فدوار وقرات فيه تالمدينة غتلف فيها ويعلم الله مسكينة اش طرا فيها
الحمار لي طلقها كتصحابو غيكون عطاها شي حاجة؟!!!غتكون لا ماعندها لا تيليفون لا فلوس ماعطيتيها حتى باش تهز راسها وكاتقوليا بنتككك كيما درتي ليها غدير لينا كبدتك قاصحة وناشفة تقت.لنا وتمشي فكنازتنا
ختي غاتم.وت غير بالجوع فالزنقة وناس الدنيا خاااااايبين دياب يقطعو ويشروطو فيها كيف بغاو
"وانا حاشا ابا..حاشا واش نشوف ختي معيوبة ...ولكنني قلتي الطلاق عيب يعني الراجل لي بغيتي تزوجني ليه. معيوب…وزيد اا بّا انا عمري مشفتو ...ملي قلتي عندو بنات ومزوج مطلق يعني كبير ومبغيتش نتزوج بواحد كبير عليا اابّا حنا ماشي فعصر الجاهلية....انا بغيت نتزوج بواحد غير بشوية فايتني...نكون اللولة واللخرة فحياتو ونولد ليه أول وليداتو وعمري منحس باللي غلطت فاش ختاريتو...عافاك اابّا فهمني."
هو صرفقها بيدو هي صرفقاتو بكلامها….دعقات فيه نفس الرجولة والأبوة خلات قلبو كايتركل بين ضلوعو والدموع كاتسركل على جفونو.
بلع الريق الجاف فحلقو كيفكر فبنتو لي كانت ديما دايرة يدها فيدو وعمرها هزات فيه الراس ولا العين…عمرها عصات ولا عارضات كلمتو… ديما محتارماه وحشمانة منو ومكبرة بيه ومعاوناه فزمانو كثر من مرتو
ترردو فودنيه جمل قداااام من حوارات قدااام بينو وبين بنتو لي تبرا منها وعافها حيت طلقات ونكرها ونكر سنين التربية والد.م وجرا عليها للزنقة تعاشر دياب الدنيا
"هانتي اابنتي…هادشي لي عندي دابا شري بيه شي كتوبة وخلي الباقي حتى…"
زهور " لا ابا ماشي مشكل غنشارك الكتوبة مع صاحبتي مريم غير شد هادلشي غاتحتاجو للمصروف "
عبد القادر: بنتي زهور راني عيان شوية ماتطلقيش البهايم اليوم
زهور: انا نرعاهم ابا غير ارتاح انا نسرح شكاندير انا..!
تفكرها وهي هازا الكتاب فيديها وسارحة الغنم….تفكرها وهي كاتقرا وتعاونو وعمرها زيراتو فشي درهم…!
تزير قلبو مقنوط والكلام فحلقو مسروط
…… بغا يهضر سمع الدقان فالباب.. جمع لسانو عندو وتمشا خارج من بيتهم
عبد القادر دافع صدرو سابقو قدامو والمسيح مثقلة كدامو… حيت هو مول الدار حد مايفتح بابها لدقان الجار
غير حل الباب ضرب فجارو الخضار…مع
شاف فيه تفكر بلي كايسالو شي صرف
تعصب ومابينش حيت قال مع راسو " هاهوما الكريديات غايبداو يتبعوني حتى للدار ونولي شوهة على لسان كل جار"
قرا عليه السلام وقال
" السلام وعليكم….دخل مرحبا بيك "
الخضار حرك راسو بلا وقال
"لالا ربي يكبر بيك اا سي عبد القادر… كنت بغيت غير نقوليك واش "
عبد القادر ضرب يديه فجيبو " ايييه كاينين غير نسيت ندوز عندك ااسي "
الخضار شدليه يديه قبل مايجبد البزطام
" حشووومة عليك…ايوا شفتي النية ؟ واش كاتبان فيا نجي ندق عليك فباب دارك على خمسين درهم!؟ حاشا ..حاشا اا سي عبد القادر نتا جارنا معروف عليك المعقول والنيشان… … نتا ريفي ديالنا حشومة تفكر فيا هكا"
كيهضرو كولهم بنفس اللكنة..العربية مشلحة بالريفية..لهجة عفوية مقبولة ومحبوبة
عبد القادر: غير سمحليا منويتش فيك الخايب … ولايني هاداك رزقك ومن حقك
،" لالالا.. انا جيت غير نسولك واش فخبارك اليوم بنتك الكبيرة مسكينة سخفات فالزنقة كتقيااا خاطرها ووجها صفر وعينيها حمرين حالتها ماااااعجباتنيش ااسي عبد القادر…."
عبد القادر خرج عينيه وبناتو غير سمعو الهضرة دالخضار تجمعو عليه
"قاتليا مريم صاحبتها…هااااديك البنية الفرملية….وااااقلة بنتك حاملة عليها كاااع علامات الحمل…ايوا من فمها اسيدي ربي من دابا كانقوليك مبروك اسي عبد القادر
قلت ماغاتبغيش تشطنكوم مغاتقوليكم والو جيت نقولهاليك تسول فبنتك كي بقات وتجيبلينا شي خبار زينة معاك"
ايوا خليتك على خير اسيد عبد القادر"
خلاه مصدوم فبلاصتو ماعارف مايقول
وئام هزات حلوقها
" لاااااااا حول ولا قوة الا بالله لااااااااا حول ولا قوة الا بالله هادشي راه مايبغيش لا ربي لا عبدو"
عبد القادر غير سمعها غوتات خاف من ودان الناس …جا يسد الباب مابغاش يتسد ليه …يد قوية وغليضةة شداتوليه ودفعاتو فاتحاه
هز عينيه كايلقاه طليق بنتو زهور"مراااد"بدوك العيون الغاضبة الخبيثة نضرتهم طرطق فيه حمورية شوفاتو الشريرة وعروق يديه خرجو برزو بزروقيييتهم كارزين
وقف قدامو حاكمو بطولو الطاغي وجسمو الفولاذي وتكضيرتو المكلضمة …الكتاف عراض والعضلات مطراسييين على ذراعو وصدور وخصرو
ميل راسو حتى مال شعرو على نص جبهتو..وهز حاجبو الأسود حاط الثاني قبل ماينطق
{#توقعاتكم🍁}
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
