🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:15
مللي وصلها لدار وهو برااا….مرجعش دخل الليل كامل….هي فبلاصتها مكمشة فداتها عينيها حمرين منفوخين ونيفها وخدودها كثررر….كتبكي وتقول مابكيتش مسكينة ماعندها زهر…. بغات غير تعرفو لاش كايخططط…دابا هوما مطلقين ؟ لاش ردها لدارو ؟
ياك ماباغيش منها الولاد ؟ لاش رادها لدارو ؟
بغاتو يجي باش يهضرو ويتناقشو بالعقل ويوصلو لحل….بغات تفهمو ولو لمرة فحياتو….علاش كيبقا يعدبها وماكيبغيش عليه بعدها ؟ حتى نهار طللقها كان باين بلي غير مارضاش هي لي تقوليه بغيت طلاقي وناض جابليها الوراق وصدمها…!
علاش كيستمتع فعدابها مسكينة شنو دارتليه فاش قاستو وقربات ليه ؟
سمعات الدقان فالباب قرنات الحواجب ياك هو عندو الساروت ؟ ناضت بالعكززز كولها معطوووبة مع كتفتح الباب كاتلقى أروى قدامها ولي هي عشيقة الكوماندار او بالأحرى صاحبة راجلها
حبيبتو…!
غير شافتها تبسمات بستهزاء ودخلات دافعاها بكل جرأة
" حبيبي مكاينش ؟!نتي ايمتا رجعتي لدار ؟ ومالك وليتي حالتك تشففي العدا ياختي ؟ "
زهور ماعندها خاطررر مشات جلسات شادا راسها بين يديها وأروى ربعات يديها كاتشوف فيها
"كنت كانتسناك ترفعي دعوة الطلاق ساعة شفتك رجعتيليه كي المدلولة بعدما دارك عبدة عندووو وسجينة فيدووو مامفاكاش معاه كيف اللصاق….مبغيتيش تفهمي راسككك ؟ مرااادددد عمرو ماحسبك مرتو….حاسبة سجينة عندووو يدير فيك مابغا كيفما بغاااا ويفرغ فيك اعصابو وغضبو ويتسلى بيك فوقت فراغو حتى النعاس مكينعسششش معاك….مراد مريضضض بشي حاجة سميتها التملككك وداء السيطرة ونهار تزوج بيككك بزز منو وبسيف عليه حلف حتى يديرك دمية بين يديه
زهور شافت فيها ببرود
"شكون نتي لي كاتقولي هكا ؟؟ كتعرفيه مزيان زعما ؟!"شنو لي ماخلاكش تفكري بلي ممكن تكوني نتي هي ديك الدمية والسجينة لي كتهضري عليها ههه حيت غير كيفرغ فيك نزواتو ورغباتو وكبتووو حتى علاقتكم سررية غير نتي لي عيييتي تسري فالصحفة باش يهضرو عليكم ههه"
قالتليها " : انا حبيبتو…لي على قبلها مخاصم عائلتو…نتي غير مبززينك عليه…ماتهزيش ليا الهم هزيه لراسك ااا العروبية
جاوباتها :هازا الهم لراسي وهازا من عشيقكك ولد فالحلال غاينسيه فيك…( رافقات كلامها بغمزة)نتي ماهازا هم ماهازا لحم كارمة جلدة علعضم تعرفي تهزي غير رجليككك انا تاعيني راه كانهزها بزز فيك ااالشايطة …!
سرا الدم فوجهها حمررر وعيونها على وسعهم تطرطقو لبرااا غتنفاجررر….زيرات على صاكها فيدهااا ونطقات بنبرة تكتسيها حرقة السمم والشرر.
أروى(بعيون مغرغرة حاقدةة): مدلولة ….الدل فالد.م والعضم …(ضحكات بسيف عليها وهي الحرارة كادية فيها): قدرتي تعطيه لحمك وتخليه يمسككك حتى بعدما كاتشوفيه ديما معايا وكاينعسني ففراشك ويقرب ليا قدامك ؟!
مافيك نفس ماعندك كرامة ماعندك قيمة ؟؟حملتي منو واخا مباغيكش ومكرهك فعيشتككك ؟!
زهور سكتات كتشوف فالأرض وعيونها بالدموع عمرو….سهات ثواني كثيرة كتقول فنفسها
" والله مالخاطري….كنعس معاه بزز مني حيت كيضربني ويغتاص…بني….عمري عطيتو راسي براحتي عمري تمنيت نقرب ليه ولا يحط عليا يديه كيقيسني كنكرهو ونكره راسي….عمري تمنيت نحمل منو ولا ولدي يكون الكوماندار هو باه…اصلا انا كنت كنشوف غير المو.ت معاه …
والى تمجهدت وتمنيت شي حاجة كنتمنى نقدر ننتا.حر لي حابسني هو كنشوف بيني وبين الله"
هزات فيها العين كانو الدموع عليهم لامعين ولكن مابيناتهمش…وسط الحزن والضر بيناتليها القوةة وعطاتها بهضرة كاتضبر.
زهور:علاش لا؟!الى نتي لي ماكاتب ماعاقد عليك غير كايهزليك رجليك رضيتي بالدل وتابعاه وباغاه واخا مزوج وواليديه عمرهم رضاو ولا غايرضاو بيك ودابا قريب يولي عندو ولد كاع
ومخلياه يقيسك ويضرب تايشبع فيك ومخليك عشيقة سرية….علاش انا لي مراتو على سنة الله ورسوله قانونا وشرعا ساني وعاقد وكاتب عليا وواليديه كيموتو عليا وراضييين بيا
مانخليهش يقسيني ؟ الى نتي لي نكرة تاقنة فن الدل علاش انا اللي شاني اعلى من شانك مانقدرش نتفنن فيه كثر؟!
{#توقعاتكم🍷}
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
