🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:44
هاد الجدارمي الصغير رومانسي وخاتر فالغزل…بغات تشد من عندو الوريدة وهو نزل عينيه ليدها الصغيورة البيضااا وصبيعاتها حمريين ومطيبزييين وضفيراتها مقلمين وطويولين.
بعد عليها الوردة وقال
"فيها الشوك…غتجرح هاد الصبيعات الصغيورين هه…يديك يتكالو ا بنتي ….كاع مايهزو الثقل ولا يتحطو فالما نتي تحفة يتنافسو عليها فالمزاد العالمي باش يحطوك ديكور ….( قهقه بلطافة)شحال في عمرك؟ مغاتكونيش فايتة 16 لعام ياك ؟!"
هزات راسها بالإيجاب وقالت
" قول 15”
ادم:راني نهضر معاك على قد عمرك…الى كان كلامي ماراهش يعجبك قوليهالي والمعاملة كيف شي وحدة كبيرررة…!
فهمات منو باللي هاد اللطافة والكياتة والكلام الصغير الزوين كيعاملها غير هي بيهم…حيت كيشوفها صغيرة كيعطيها المفردات والمصطلحات الغزلية لي تناسب عمرها.
حيدليها الشوك من الوردة ورجع مدهاليها وقال
"جاتك الصاية غاية"
عاوتاني حشمات وبراسها حنات ومدات يديها تشد من عندو ختها…زعما الوردة
ولكن ماشي هي لي شداتها من عندو….!
خطفها ليه عمران من يديه كيف البرق…وقف عليه بحال عزراين…معجها فيييدييييه حتى دخلو فيه شي شوكات كانو فيهااا وطحنننها مزيااان لايحها عند رجليه
عفط عليها وهو كايقوليه.
"هاد الخطرة غنوقرررك المرة الجايا غانطلعها ليك مع كرك…الخفة فالد.م والدصارة الخاوية لي موالفها لهيه خليها تمااا هنا الى تجاوزتي حدودك مع بناتنا غاتحصل بيناتنا…نتا موالف الطيران وبنات البيران خطيك من جنابنا راه غاتندم الى طلعلي الد.م "
شدليها فيديها وجرها وراه وآدم قرن حواجبو بين عينيه باغي يفهم علاش عمران طلع ليه الد.م وعلاش كايهدد فيه بلي غيندم ؟ مانوا والو ومكان فراسو والو…عجباتو البنية حيت كيوت وصغيورة وعاطيا للعين وهضر معاها وغازلها بشوية دالكلام الزين… ما ضررها ما اداااها وماعندو حتى نية خايبة معاها
ولكن دابا دارها فراسو….شعل الكارو وحرك راسو يمين شمال ب" الله يستر "
عمران بقا جارر هناء معاه حتى دخلها لداااخل وهي تنتررر يدها من يدووو وغوتات عليه
"واطططلللق مني"
طلق منها وضار عندها معصببب كايغلي
"مالككك؟ شنو واقع ؟ راه الدري ماقال ليا والو…بالعكس محتارمني وكان غير كايمدحني وضريف مماخسرش معايا الكلااااام…قال غير هضرة زوينة وشاد تيقارو عارف شكايقول…علاش سبيتيه وخسرتيليه الهضرة مسكيييين ندمتيه كاااع ؟ وزايدون واش شغلكككك واخا تكون نيتو خايبة حياتي هاديككك نتا مااالك ؟ انا لي كانتحمل مسؤوليتي واش نتا ولي أمري حتى كاتدخل فأموري وحاضيني ؟واش كايحسابليك حيت نتا من عائلة الكوماندار الحاكم تقدر حتى نتا تحكم فكاع افراد عائلتك وتمشي عليهم كلمتك ياهاد البرهوش ؟!
أنت تقرأ
طليقة الكوماندار
حركة (أكشن)#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
