🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt53
ثرية داخت ….مافهماتش شنو واقع
علي:كنضن…كان شي خلاف بينها وبين راجلها….ووصلات حتى لتما مقطوع بيها الحبل…وعاونتها….ونهار حصلت….عاونني راجلها
وسيفطليا بنتك…بحال الخير فطريقي…عتقاتني من غدر اللي كلا طعامي وماكرش فيه وغدر العشرة وخان الخاوة….جبداتني من العافية بيديها ….!
ثرية تبسمات وتنفسات الصعداء…بلعات ريقها وشافت قدامها
" فصراحة….كان على بالي ماراكش تبغيها….كنت نستناك تكدب عليا….بصح صدمتيني ملي صارحتيني…كنت عارفة وشايفة بلي متوتر حيت راك تكدب….نتا واحد بنادم لي مايعرفش يكدب…نتا صريح وماتعرفش للنفاق…وانا قريتك ….انا عارفة بنتي مغاتكونش دايرة علاقة من بعد ماتغدرات فهمتي ؟ وكنت عارفاها غتجيب واحد تكدب عليا بيه غير باش نرضي عليها ونصالحها….بصح كنت نستنا نوصل معاه لهاد المرحلة…باش نسولو ونسمع جوابو ونعرف الهدف من تمثيليتو….ودركي غنسولك سؤال خر اولدي….ونتمنى حتى هو ماتكدبش عليا فيه….شاهو هذفك من هاد المصرحية؟ علاه جيتي تمثل معاها عليا ؟!"
علي : هي ماطلبات مني والو…!
ململ عينيه فجنابو كيهرب من كلامو ولكن لسانو كايهضر بلا شوارو
"ماخرجاتش من بالي….واش حيت دارت فيا خير ماقدرتش ننساه…ولا حيت مابقيت قادر نتيق فحد…وتقت فيها غير هي بعدما دارت المستحيل باش تخرجني من الحبس ولات عندي فيها ثقة عمية.
ولا حيت…لفثات انتباهي بشخصيتها القوية واسلوبها المميز …ولا حيت…وليت حاس بيها قريبة ليا من بين كاع الناس…بعد الغدر لي طراليا.
المهم….ماقديتش نخرجها من بالي….ماقديتش نفكر فشي حاجة من غيرها كاع ديك العشية لي تفرقت عليها….لقيت راسي كانقلب عليها وسمعت بموضوع الزواج وانا لي اقتارحت الفكرة عليها
بغيت نبقا قريب ليها.
وقفات نجمة وراهم وقرنات حواجبها خايفة تكون مها كتستجوب فعلي وعنداك يغلط ويزبلها فالهضرة وتعيق بيهم
عارفة مها استادة علم النفس ودغيا كاتطيح بنادم بقوالبها.
ثرية تبسمات من جديد
"ميمتي انا جدارمي ماشي ارتيست…ماباغيش نمثل بلي كانبغيها ونتزوج بيها مدة ونطلقها باش نردليها خيرها….مكانبغيهاش ويالله عرفتها"
نجمة قلبها تقسم وقفو الدموع على عينيها وحلقها نشف عليها
مراد لتحت كيهضر مع واحد الطبيب فألمانيا….تافق معاه بعد شهرين يجيبليه زهور يراقبها حتى تولد لمدة شهرين خرا….باش مايوقعليها والو لا هي لا اللي فكرشها والعملية مضمون نجاحها 198%
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
