🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:2
هزات فخواتاتها عويناتها الخززييين الغامقين ... بجوجهم كانو دموعهم عند دقنهم ملاقييين ..مزال مامستوعبين مامتيقين غير كايبكيو ويشهقو مصدومين.
رجعات الفولار على راسها وحاولات توقف رجلها كاتوجعها...تمشات وهي كاتعرجج بخطيوات رجيلاتها الصغار حتى لعند خواتاتها وعنقاتهم بجوج فدقة لعندها وبداو يبكيووو بهيستيرية ...كايخشو بعضياتهم لصدرهم ويبكيو من قلبهممم ...كانت هي العاقلة الكبيرة فيهم لي هاززا الدق عليهم...الشقا عليها والطياب عليها والحفاضة تاعهم عليها ...كنت تهز عليهم حتى العصا والغوات من واليديها...كانت صدرهم الحنين وكتفهم وسندهم ودعمهم وبير اسرارهم ومصدر نجاحهم فقرايتهم وحياتهم حيت كايمشيو على تربيتها وتعلمياتها ماهي لي رباتهم....هي 19 لعام ..تابعاها وئام 16 لعام وهناء 14لعام...!
فزواجها ماتقبلو فراقها حتى تمحنو من فراغ مكانها....وداابا ماغايبقاوش يشوفوها حياتهم كاملة؟؟؟!!!
حتى وحدة ماتقدر تهضر ملي هضر باهم...ولكن هادي ختهم لحمهم ودمهم...وئام بعدات عليهم تمسح فدمعاتها ونطقات بنبرة عاليةةة خلات مها عتيقة تحط يدها على فمهاا بمعنى ( هضضري بشوية).
وئام.: فين غاتمشي؟!فين غاتعطي بالرااااس بلا حنين بلا رحيم؟؟!واش عارفين شنو كاتقولو هادشي راه فعصر الجاهلية والأمية....الناس قرات ووعات وفدماغها تطورات نتوما باقين كاتحسبو االمطلقة والأرملة عالة؟؟؟!شكاتخربقووووو. هادي راه ختناااا...بنتكممم ابااا بنتكم.....مّي هضري
السي عبد القادر شاف فعتيقة ورجع شاف فبنتو وئام مابقا قادر يقول والو....عتيقة هضرات فبلاصتو وقصصحات نبرتهااا وتقول قلبها حجرة مايشعرش.
"هضري بشويةةةة ابنت الحرام غايسمعونا الجيران.....غاتزيدي كلمة وحدة....غانتبعككك ليها...حنا ماقسيناش عليها حنى ماقديناش على عين الناس ولسانهم...حنا ماقديناش على كيفاش غايشوفونا وشنو غايقولو فينا....اما راه بكبدتنا كاع ماسخينا...الدنيا هكا والمكتاب حالتو ".
حنات راسها كاتحارب دموعها...عبد القادر حن وقال.
"كي ندير اسيدي ربي....( كايبكي بقهرةة)عطيتها الحرية تعيش حياتها بعيدة عليا...ولا تبقا معايا دير ليا شي مصيبة وتجيب ليا العار لكنيتي ولا تهز شي كرش من شي قنت وتمرمد ليا وجهي بين الناس... او واخا ماديرش....بعد طلاقها تولي الهضرة فينا فينا وانا ماقادش نخزن راسي فالدار من هضرتهم...غانسمح فوحدة من بناتي على قبلكم ...الى بقات وسطكم غاتتوخر ليكم بحالها وتبورو ليا فالركنة"
هبطات هناء حيدات التقيشرة لزهور من رجليها لقاتها مسلوقة بالما طايب محروقة....وسسعات عيونها ووقفات ...عبد القادر خررج عينيه والباقي كلهم كانو على نفس الحال لي هو كان عليه.
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
