🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:32
رشف من قهوتو بشوية….ممسوقش لهضرتها….ميك عليها وميل راسو بهدووو….بملامح بااردة وتعابير جاامدة نطق وبحتو الرجولية رجعات تزرع الرعب فيها.
مراد:زهووور….!
زهور جمعات ابتسامتها ورمشات بعويناتها.
شدات على كرشها مسكينة بالخوف وبدات كتشوف فجنابها واش كاين شي حد يعتقها منو
حيت هاد النبرة باش هضر وفهاد الموقف بالضبط باينة باي شعل وغيحاسبها على هضرتها
وهو يعاود نطق قايل.
"القهوة مسووسة "
زهور تنفستت الصعداء وهزات راسها بالإيجاب.
هزات حتى القهوة من قدامو ودخلات ….كاتمشى متقلة وكسلانة وكي البطة زربانة هه
دخلات دارت فيها سكر وجابتهاليه….طلعها ونزلها بهدوء وهي كاتحطها ليه
وبديك البرودة هزها ورشف منها….وعاود حرك راسو يمين شمال.
زهور: مباقي ناقص ؟
هز راسو بالإيجاب
"زيدي شي طوبة "
مشات جابتليه مسكينة طوبة خرا بلا ماتدي معاها الكاس
سخفها بسير اجي….خلطاتهاليه وعاود هزها ورشف منها وتاااااني حرك راسو يمين شمال.
زهور: شنو تاني ؟باقي خاصها السكر، باغي غير تعدبني راه عارفاك ماكاتشربش الحلاوة بزاف
مراد:لا ….القهوة بردات.
زهور:وشنو ندير واش نعاودها ولا ندي غير هادي نسخنها ليك.
مراد:هاد المرة غنسمحليك باراكا عليك…المرة الجايا غتبقاي ترادي معايا في الكلام وتتعاطاي معايا كيلي راكي مع صاحبتك فالحمام…انا لي غانسخنهاليك….!!
"لقيتي عنوان دارو؟!"
سهيل هز ليه راسو
بالإيجاب…وقرب عاطيه وريقة مكتوب فيها عنوان دار الكوماندار.
ايوب فرح….شدها من عندو ونضرة الإنتصار على عينيه… كمش الورقة بين يديه وبلع ريقو كايفكررر
ولا كيف فياقو كيف نعاسو….غير ساهي ناسي راسو ومخربقو وسواسو.
سهيل: فاش كتفكر ؟ شنو غدير ؟
ايوب: غناخد زهور معايا نقطع من لحمي ونعطيها….غنردليها البال ونحميها …مغانخليهاش بين يديهم يتعداو عليها…وهي كي البكمة مسكينة معارفاش الدياب لي دايرة بيها
غنخليها تجهض اللي فكرشها واخا خطر عليها…المهم هو تعيش….ونكمل حياتي انا وياها….بعيد عليهم وعلى اللي فيهم
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
