??#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:41
كيف الرعد الى رعد سماه والبرق الى برق فعلاه…..هكاك كان ضهورو وهكاك كانت نبرة صوتو الغلييييضضةة المبحوحة لي كتثبت حضورو…ايوب ترعد قلبو وودنيه تبرققو….حول لعندو عينيه بالزربة وزهور حطات يدها على صدرها لي بدا يطلع وينزل بالخوووف….سهيل كحل بالعمال دنيا ولات تبانليه ضلمة.
شد ايوب من يديه وبدا كايجررر فيه باغي يديه….ولكن مكانش الوقت مساعفهم وبحالا الكومانداررر طاااار ووقف عليهم
ايوب قال راجل لراجل ضربة فيا ضربة فيه والمغلوب يشد الفراش….وقف صحيح فبلاصتو ودفع صلابتو وخرررج فالكوماندار عينيه.
ايوب:تكون شكون مابغيتي تكون….. مكيناش السيبة فالبلاد….كتعدا على بنات الناس
وكيحسابليك حاكم الدنيا حيت حكمتي مدينة….؟!
هاد الطغاوة ديالك ماعندها فاش تنفعككك.
شاف فزهور لي كتحرك ليه راسها بلاااا وعينيها مغرغريين بالدموووع حيت عارفاه غايدير فيه شي كارثة وغيكمل بيها هي حيت لقاها برااا ومع راجل من الفوق ولا عرفها باتت عندو فالمحلبة يقدر يفهمها غلاط
مسكينة خافت وتلونات وبدات كاتقفقف وترجل شداتها الدوخة صافي قربات تسخف
" واش قلتيليها الحقيقة؟! ههه قلتيليها مسكينة شنو كايتسناها مور ماتولد ولا نقولها ليها انا؟!"
مراد سكتتت كيوشف فيه بهدوووء و ايوب تبسم بانتصار وزاد فيه
" هضر اا الشماتة ؟ اممم، تالين غاتبقا مخبي عليها مسكينة؟ محشمتيش ؟ ماعند مك ضمير ؟!"
كيستافزووو…كيلويليه دراعو…كيحاول يلعب بنقطة الضعف باس مراد يضعاف ويخاف قدامو وفديك اللحضة ايوب غيطغا وغيزيد يطيح منو قدام زهووور ويبان كبير فعينيها ويبينليها بلي هو غالب عليه وبلي راجلها ماشي شي حاجة قدامو
وغيخليها تختارو هو.
مراد ميل راسو ودار بحالا تبسسمم ليه قبل مايطفيه.
خشاليه قبضة يديه فوجهو عجنووو ليه….طحن ليه الأعضاء ديال خشمموووو العروق تبنجو ليه
زهور شهقات حاطا يديها على فمها ومراد بدا يحيد الساعة لي على معصم يديه…سهيل رجع اللور مصدوم وايوب تمرررغ فالأرض على طولتو دايخ والدم كايجري من وجهووو
مراد: حدرتك وقلتلك غانعاودلك الهندسة ل لافيشور نتاع وجهك الى لقيت رجلك حدا رجليها نخليك تتوحش المشية عليها…..!
هزووو لعندو من الكول وعاود خشاليه البونية فنيفووو حتى تأكددد بنسبة70% انه هرسووو ليه و تأكد بلي طيحليه شحال من سنننةةة ….قااااري فنون الق تال الدركية وعارف نقط الإصابة الخفية
بجوج كروشيات خرجليه على وجهو….الدق بالعقل…ماشي ديك الهمجية والصداع الخاوي
كايبان مبررررددددد مامعصب ماشاعل ماصاعر ماطالع ماجاعر
ايوب راه سخخف مغيب مكيسمع مكيقشع.
هز عينيه فسهيل لقاه باقي صغير وخويويف لدرجة بدا كيبكي فاش شاف ايوب فديك الحالة
"دير اليه العقل قبل مانفتحله راسه ومجلدات دماغه….خرجو تقاودو منّا"
تلفت عند زهور بانتليه غادا طيح لاح
خطوة وحدة طويلة وعريضة وتعرض ليها قبل ماتوصل للأرض
هزها بين يديه ودخل بيها للفيلا مخلي سهيل كيهز فأيوب وكيقول
سهيل:ياربي السلااامةةةة…. ياااربي شهادشي وصل ليه هاد كحل العفطة بسباب هاد البنت…..عيييت نقوليك بينها وبين راجلها (كيحاول يهزو على ضهرو)….كنقوليككك ديها فراسككك وخرجها من بالكككك مابغيتيش تحشممم وبغيتي دير رايككك.
هانتا جبتيها فعضااامككك.
…….
هنا عاد بانت الصعرررةةة لي شاداااه….عاد بانت الجعرةةة لي قابطاه… السيد عاد بدا كيفوووور من ودنيه ويسوووط من فمو ونيفووو شاااخضضض شاااعللل سااخخخططط طالععع محرووووقققق بالأعصاب
عاد بانت الشعلةة لي فعروقو والد.م السخووون والحرقةةة فعضاااموو…. عطاها تشرب باش تصحى من السخفة وهو كيغلللييييي دموووو كيطيب فلحمو.
عروقو كيزدحو فكاع انحاء الجسم ديالو….غادي جاي قدامها كيكمييي كارو ورا كارو وهي كاتترعد قدامو
حاس براسو باغي ينفاجررر ولكن ميقدش يعلي صوتو عليها ولا يقرب ليها
ماحسش براسو ايمتا جبد تيليفونو صونا ل اروى ومع كتجاوب مع كيقوليها تجي عندو لدار واليديه
اروى:بصح خالتي فتيحة وو.
مراد:مراهمش كاينين ماتشخضينيششششش عندك عشرة دقايق تكوني هنا.
قطع عليها لابيل…وخرج للبالكون كايتسنا خاطرو يبرد والو الأعصاب كاياكلو فيه
هبط لبراااا غادي جاي فالجردة كما كثر من ربعة دالباكيات اليوم يمشي للسبيطار….غاتابانت ليه جايا داخلة وجات كتجري طارت عليه معنقاه كتبوس فيه
وزهور فالبالكون كتشوف فيهم عينيها قفزووو دموووعهمم وقلبها شعلات فيه العافية
هزاتها الحرقة وقلبها هاج بين ضلوعها بالغيرةةة كتكواااا
#كيعجبني_نقرا_تعاليقكم_وماتنساوش_جيم_للجزء…!
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
