🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:17
رقية:ولات عند راجلها وهو مامطلقهاش الحمد الله باقا مراتو على سنة الله ورسوله هادشي لي بغينا وارتاحيناا عليها وعرفناها فين كاينة وبيخير شي باس ماعندهاش…. صافي خليوها تقاد مشاكلها مع راجلها وتديها فحياتها بلا مانهجمو عليها وينوض الصداع على داكشي لي وقع هاداك النهاريات تكون معصبة هكانيات وراكم عارفين
صافي خليوها تاتبرد…!
وئام تبسمات ابتسامة غريبة وهي كتسمع ليهم وقهقهات باستهزاء وهي كتشوف فملامح رقية شحال باردين وقالتليها
"واش ختي زهور…. بنت المرا لي ما.تت لبابا اللولة؟!"
عبد القادر هز عينيه بزربة فوئام ووئام هزات راسها بالإيجاب بحالا كاتأكد من اللي فبالها بردة فعل عبد القادر السريعة وشافت فهناء لي مصدومة حالا فمها وعينيها وقالت
"متهضروش غير ماتجاوبوش….تسائلت بزاف علاش كانت محقورة وديما فراحتها معقورة….قالوها ناس زمان…للي ماعندو مو تحن فيه وتحامي عليه…يتربطو يديه ورجليه والناس العمى والضلمة تشوف فيه…..الحاصول….انا كرهت هاد الدار وغانقوليكم واحد الخبار….مابقيت بغيت عرس مابقيت بغيت عززز…. بغيت غير نطجججج…..( بعصبية) سمعتوني ؟ تبراو منييييي….بغييييتتتت غير نمشي بحالي….وانا راضية بداك ولد الناس بلا قوة صداع الراس…..وغندي ختي معايا داركم لي بغيتو غير تخويو منها بناتكم باش تهزو قدام الناس راسكم هاهي غانخليها ليكم زرعو فيها العدس وديرو فيها غرس وسقيوه بدموعكم بالتحصار على ضلمكم…ربي عمرو يشوف من حالكم "
هناء مافهما والو….غير مخرجة عينيها وكتشوف فيها….فهاد اللحضة رقية قفزات على وئام وصرفقاتها حتى الضو طفاليها
" فين غااااتمشي ؟؟؟؟؟ مالك شايطة تاتمشي بلا دهاز بلا عرس بلا صداق ؟؟؟ وفين غاتدي ختك معاكككك مالك ماعليك حكاااام ؟؟؟!"
وئام كاتضحك
"وختي ؟ شايطة ؟ شايطة حيت ماشي نتي لي ولدتيها…شايطة حيت مكانتش عندها مها تكبر بيها وديرها فعينيها وفشانها تعللي ليها؟! شايطة حيت بّا مكيقدرش يدافع عليها كيخاف تقولي باللي كايحن فيها حيت كتفكرو فمراتو اللولة ولا مزال كيبغيها….حشوووومة عليكم….كي ديرو تقابلو مولاكم وبأشمن وجه تواجهوه ؟!"
هي سكتات كاتعاتب فيهم بعينيها وعبد القادر كيبكي صوت بكاه مسموع…..شافت فيه رقية ساكتة ووئام قاست حنكها لي كايوزوز من اثر الصفعة ورجعات مسحات دموعها وقربات لهناء مسحاتليها تاهي دموعها
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
