🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:39
الطريق كاملة وهو كيعطيه فالتصرفيق…خداه معاه باش يوريه دار نجمة……غير كيهضر البارمان كيصرفقو…!
وصلو قدام دارها…وهو يجري عليه…كيصرفق ويهضر.
علي: يالله ( تصرفيقة ) تكركب…يحرق لباك الكلب القلب ( تصرفيقة) ماتعاودش تبان قدامي ولا ماتبقاش تبان فهاد الدنياااا ملي ننصصفيييها ل( تصرفيقة) مككك.
كيهضر ويمرمق حتى هرب من قدامو كوللوو حمررر مبوووقلين حناكو نفخهم ليه….تنقل بشوية عليه لدارها لي قدام عينيه وهو هاد فاليزا صغيرة فيديه.
صونا عليها فالباب ودار نضاضرو على عينيه باش يتحرج غير بينو وبين راسو ودار يدو فجيبووو كايتسناها تفتح.
حتى هي مكانتش من الموخرين….فتحات عليه فالحين.
كي شافتو تصدمات….بحاجبها علللات وقواو عليها الإستغرابات والإستنتاجات
نجمة : علي؟!شاراك جاي دير هنا ؟!
علي كيدور عينيه فجنابوو وهي عضات لسانها بندامة على قلة صوابها.
" ءء دخل… مرحبا بيك… سمحليا غير اتفاجئت"
علي هز راسو بالإيجاب بالسكات ودخل كيتمختر بنفاخة…هو جاي عندها برجليه ومنفخخ بحالا هي لي مكيداه.
دخلو جلسو وهو يحطليها الفاليزة فوق الطبلة.
"هادو فلوسك…."
قرنات حويجباتها بين عويناتها وقربات فتحات ديك الفاليزة….عرفات باللي هادو الفلوس لي عطات للموسخ اليوم.
هي هزات فعلي عينيها وعلي مركككز على شعرها لي مسرسب فوق السداري .
نجمة:كيفاش حتى وصلتيليه ؟!كيفاش لا خديتيهم منو مانيش فاهمة ؟
علي شاف فيدياتها السميمرات الرطبات ورقيوقات ورجع هز عينيه فعويناتها المميزات بشفيراتها الكثاف الطوال بطريقة ماشي عادية تحلف عليها ملصقاهم…..بلع ريقو وقال
" هضرت معاه بالقانون وتردع…..سمعت غتزوجي ؟!"
نجمة عضات على شنيفاتها وحتى هاد الحركة ردليها علي البال….سنيناتها بيضين مسيتفين وشنيفاتها غليوضين صغيورين…مجاتش باللون جات بالملامح
نجمة كحلة ولكن جذذااابة.
نجمة:امم….مّا فارضة عليا نلقا عريس ونديه معايا لوجدة من غدوا…..خليك من هادشي….شكرا بزاف حيت رجعتيلي الفلوس بصح راه يقدر يحطني فشي مشكل اخر.
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
