🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:4
خاصها تخوي الناضور وتبعد على واليديها...خاصها تخوي الشرق بكمالو...الفلوس لي فجيبها ماغايكفيوهاش ...شنو غدير؟!
ماداهاش النعاس حتى صبح الصباح ....سمعات الفجر كايأدن ناضت توضات وصلات شي ركيعات وبقات فبلاصتها كاتطلب الله وتدعي ليه عندها شلاااا امنيات باغاه يسمع ليها فيهم.
دخلات للكوزينة خدات من فلوس مول المحلبة 500dh....خدات ليه جوج عواصر وجوج قنينات دالحليب وشي مادلينات...طلبات من ربي يسمح ليها عمرها مدات يدها على حاجة غيرها ولكن كاع البيبان تسدو فوجهها ومالقات حتى حل...تقدر تكون هادي مساعدة من عند الله خاصها تستاغلها .
سمعاتو كايحل الكراح هربات هزات صاكها وتخبات فالطواليط....حل السيد اللي كان صغير فالسن مابين 29\34 فعمرو كاااع....فتح الباب وبدا كايخرج فالكراسا وهو كايسمي الله بين الحين والثاني....متبسم مادايرش اللحية وشعرو كثير قوي ورطب نازل على عينيه...مكضر وطويل باين عندو مع لاصال....نقي ريحتو نقية هزات المحلبة ويديه معررقين تحت من التيشورطط معضلين....بسروال كيطمة كحل والتيشورط ديالو بيض نايك وسبادري اديداس بيضااا ....لي داز يقوليه السلام شوية وقف مجمع مع واحد السيد...فهاد الأثناء خرجات زهور من محلبتو هازا صاكها وحانية راسها ومغطية فمها بطرف من فولارها باش مايعرفوهاش....زربات خطواتها للطاكسيات واخا رجلها كاتوجعهاا والحرقة كاتقرسها صاااابرة على عدابها قادددرة
وقف فالباب حاط يديه على نصو جيهة خصرو وبين عيونو عاقد الحواجب السود..رد شعرو اللور على راسووو مغلغل فيه صبعان يديه الكبار الحرشيين وسؤال..." فين داك الصاك لي بقا هنا؟!" كايتعاود ليه فراسو...!
دخل للكوزينة دالمحلبة تاعو والناس بداو كايجيو تبارك الله عندو كليان صحيح....قبل مايسربيهم بدا كايقلب بعينيه فجنابو وكأنه كان متأكد بالي شي واحد دخل ليه للمحلبة أو بالأحرى بات فالمحلبة.
هز عينيه لطواليط بعدما استنتج داكشي لي مافكرش فيه البارح...: شي حد كان فالطواليط وسد عليه:...نسا يستكشفها قبل خروجو.
عض على اسفل شفتيه كايخمم حتى جات عينو على ورقة مطوية ومحطوط عليها طرف دالبنان وستيلو....قرب ليها كايقراها من الفوق بلا مايهزها بين يديه.
"سمحليا...كليتليك الفريز كامل لي فالثلاجة ...واقلة كانتوحم عليه ...ماغانقوليكش شكون انا ولكن غانعاودليك مالي حيت غلطت معاك بزاف ولكن من فوق طاقتي والله....مالقيت حتى حل...من غير هادا....البارح عرفت بلي انا حاملة ويالله طلقت طليقي مافخباروش وحتى الى قلتهاليه غايقت.لني انا وياه ولا غايقوليا طيحيه...واليديا مارضاوش بيا ملي طلقت وجراو عليا ....نتا حبستيني فالطواليط وجاني الجوع...كليت ليك شي حاجة من كوزينتك...وهزيتليك شي فلوس من صندوقتك...وكانواعدك وعد حر من الريفيات الحرات غنردهاليكك بحسن من هكااا ملي غايسهل عليا سيدي ربي ... وغنشكرك بطريقة حسن من هادي...شكرا بزاف حيت سترتيني فديك الليلة لي مكان عندي فين نمشي فيها...ووكلتيني وتصدقتي عليا بلا ماتقصدد...ربي غايسهل ليك ألف طريق ...نتا معارفش الخير الكبير لي درتي فيا بلا ماتحس..الله يسهل عليك ماصعب ..انا بغيت ربي عمرو يخيبكك...بغيت ربي ينور ليك طريقكك ويفاجي عليك همككك ويرخف عليك ضيق صدرك...انا بغيت ربي يسر ليكك وينجحك فحياتككك كثر وكثر .. .....شكرا بزاف...وسمحليا بزاف بزاف".
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
