🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:5
الطريق كاملة وهو كيشوف فيها فالمراية قدامو....هي معنقة صاكها وخاشية فيه راسها...الدري اللي حداها بعينيه قراها عرفها خايفة وعرف عندها شي مشكل كبير ...خاف لايتورط فشي مصيبة وماوزنش كلامو كي بدا يهضر.
"علي....فين غادي بالدرية؟! كاتعرفها بعدا واش بعقلك ولا؟!( شاف فيها) كاتبان هاربة من دارهم ولا دايرة شي مصيبة ماقادين على مشاكل اودي"
علي ( خنزر فيه قاطب حواجبو بين عينيه): ترخف اصاحبي شوية...حشومة تحكم امحسن من برا على الدرية...يعلم الله بحالها مسكينة ووجهها ماشي ديال المصائب..كاتبان عليها مغلوووبة ونية.
محسن:غير الله يخرجها على خير وصافي...!
سكت كايتغدد هو وراسو...علي وقف الطوموبيل قدام واحد الريسطو كبييير....نزل مخليهم فلوطو دخل ورجع خرج ...فتح الباب على زهور وقال ليها.
"اهبطي اختي....تبعيني".
تبعاتو معنقة صاكها وكدور فعيونها فجنابها....كاتعض شنيفاتها وقلبها كايزدح بين ضلعاتها...ستقبلها راجل كبير فالسن واقف قدامها...داير يديه ورا ضهرو ومميل راسو كيطلعها وينزلها...قرات عليه السلام جاوبها بهزان راسو...ضرب عليها التخمام وطيح شنايفو مدليهم بحركة تمعنية قبل ماينطق بصوت غليض .
"كاتعرفي ديري شغال الدار؟!"
هزات راسها بأه وقالت" كانعرف ندير كلشي....نجلي نطيب نجفف نصبن لي بغيتيها نديرها....وقارية وعندي باك بليس دو وكانهضر جوج لغات من غير الفرنسية والعربية...عندي ديبلوم فالبرمجة وديبلوم فالمحاسبة"
علي هز حاجب وحط الثاني منبااهر فيها والسيدد تبسم معجب بيها...حنات راسها كيف ديما تربيتها الحشومية الخويويفة غالبة عليها وهوما تغامزو بيناتهم ورجع نطق السيد وبنفس النبرة قاليها.
"غاتخدمي عندي فالدار...ساكن غير بوحدي خاصني لي يرد ليا البال للدار ....نعطيك 1000 درهم للشهر ونعطيك بيت تسكني فيه....اشنو قلتي؟! "
هزات فيه الراس دغيا...وسعات عيونها بصدمة وتبسمات بفرحة كاتهز راسها وتحطو بالإيجاب....دارت شافت فعلي ورجعات شافت فالسيد وقالت
"بغيت بغيت...انا موافقة...( تلاحت على يديه كاتبوس فيهم وتعاود) ء ش ش شكرا بزاف اسيدي انا بغيت ربي عمرو يخيبك على هاد الخير لي درتي فيا....سير انا بغيت طريقك من الشوك تتنقا ياربي...حتى نتا اا السي علي...شكرا بزاف على هاد المعروف الله يقدرني باش نردو ليك فساعة الخير"..
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
