🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:35
سهى وهو كيفكر فديك الليلة…..كلشي كيدوز من قدام عينيه وفنفس الوقت حتى حاجة ماواضحة فيه….سسسد عينيه كيحاول يطرد دوك الأفكار من راسو
اللي حارجو…وزاعجو …هو انه نعس مع الخدامة وهو ماعاقلش هي غاتكون عاقلة ….خاف غير توصل لخبار لباه هادي اللخرة ليه معاه….لامشات حتى قالتهاليه باه غايلسقهاليه حيت طبعا مايمكنش ينعس معاها وينكرها.
جبد من جيبو واحد البراسلي وبقا كيتأمل فيه…..عض على اسفل شفتيه بالغصة دالغضب وتنهددد بالغصب …وقف قاصد الوجهة لي فبالو.
هبط مع الدروج كيتمختررر بخطاويه…صغير وبوكوص الجسم رياضي بحكم لاصال واخا مبلي ماضعيفش…الملامح حرشين واضحين وبيض ومستيلي…ضارب سروال كيطمة فالكحل وتيشورط فالبيض…شعرو نازل على عينيه وداير مكانة غالية فيديه…(ساعة يدوية ).
نزل للمطبخ وعيط على الخدامة لي فبالو…!
دارليها اشارة بيديه وجات ليه…بلع ريقو كايطلعها وينزلها وكيرمش بزربة بعينيه…
عمران: شوفي….انا واخا زهواني وزلال وعيني زايغة…ماعنديش مع الميمات.
هزات راسها بالإيجاب وقالتليه
"الإعتراف فضيلة اوليدي….ولاكن علاش كتعتارفليا انا بيه ؟!"
جبدليها داك البراسلي وقاليه
" هادا خليتيه عندي البارح فبيتي….هاكي….كبضي البراسلي تاعك….وانا عارفك مادرتي حتى حركة وماهضرتيش فالموضوع حيت عندك شي خطة في بالك….شوفي لي نطولوه نقصروه….خرجيلي نيشان نعرف شراه يدورلك في دماغك….ونساويوها بالفلوس"
شدات من عندو البراسلي وقالتليه
انا البارح كاع مادخلت لبيتك اولدي …وهاد البراسلي ماشي ديالي….ولكن مافهمتكش….علاياش كتهضر ؟"
خرج عينيه وشاف فالخدامة لخرا لي لداخل…!
فهماتو وهي تقوليه
" حتى هي مادخلاتش ليها….ياكما موسخة بزاف ولاااا؟؟!"
قاطعها عمران.
" يعني نتي البارح مادخلتيش لبيتي ؟!"
حركات راسها بلا وبلع ريقو غيحماق بالتفكيرررر
" اعباد الله انا شكون حويت البارح؟!"
خرجات عينيها بصدمة
"استغفر الله العضيم"
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
