🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:42
هبطات تخبات فالكوزينة مسكينة مقاداش تتلاقا بيهم فاش يطلعها لبيتو كيف ديما….عارفاه فاش كيعيط ليها كيكون باغ يدخلها لبيت فراشو هو وزهور وينعس معاها تما قدام عينيها…وهي مسكينة تبقا تسمع فآهاتهم وصواتهم فنعاسهم وقلبها كيتقطع.
ولكن لقاتهم سبقوها للكوزينة…وقفات فبلاصتها كتشوف فيهم ملاسقين مع بعضهم
باسها قدامها…تبعات الشوفة لشنايفو كيفاش تحطو على شنايف أروى…الحرقة سرات مع عروقها والسخونية جرات فدمها ونار الغيرة كلات صدرها…تحرقاتتت حسات بقلبها كيتشوى ويتكوى….الريق فحلقها جفف والدمعة جات على جفنها توقف.
هزات فيه العيون المغرغرييين وهو بعد شنايفو على اروى وشاف فيها بزربة وخطف شوفتو كيهضر مع اروى فودنيها…اروى فالسم كتقلي ليهااا وكتلوح فيديها على كتافووو وتعنق فيه وتزيد تقرب ليه
زهور حنات براسها قلبها غيطررطق وغتقطع ليها شي عرق….باغا تخرج دغيا باش تبكي على برا ماتوريهمش دموعها وضعفها وانكسارها قدام هاد المشهد ديال راجلها بابات الجنين لي فكرشها كيبوس صاحبتو قدام عينيها …مراد خرج سبقها وأروى خرجات نيابها تاني تطلق فزهور المسكينة سمها
تحركات باغا تخرج ورجليها فاشلين عليها والدوخة حاكمة فيها.
أروى {وقفاتها بكلامها}:زهور…كنتي باغا تطيبي شي حاجة ودروك شفتك خارجة؟ولا قلبك ماتحملش االمسكينة ياك ؟كتشوفيه كي كايولي بين يديا شروييييطة تحكمك الغمةةة ويغيضك حالك ياااك؟شايفاه شحال كيبغيني وكيراه يعاملني ولا بغيتي نوريك كثررر ؟ ههههه قاتليك نتي دايرك للتسلية وتفريغ الغرائز وانا دايرني فدارو ….اقتانعتي دابا بلي عمرو مغاينساني وعمرو مغايبغيك ولا حتى يحسبك مراتو ؟؟؟
زهور:غلطت ودخلت عليكم لبيت النعاس…ولا يمكن نتوما لي بعدما ماحتارمتوش ريوسكم مابقيتوش تحتارمو حتى الناس….شوفي نقوليك….راني ساكتة عليك حيت الفرق بيني وبينك واضح والمعقول غيجيك كيضرر وقاصح …من حقك تزيدي تهبطي النيفو لي مابقاش عندك فيه حتى ثلاثة فالمية وتحاولي تبرري ليا ههه كديري كاع لي فجهدك باش تبيني ليا بلي كايبغيك نتيا…
ولكن الحقيقة لي كاع الناس كيشوفوها…حتى عائلتو لي مالقات ليه جهد…وعائلتك لي شديتي معاها الضد وتبراو منك هه وعائلتي لي مافيدها حيلة ….والناس لي كيعرفوه ويعرفوك
وهي انك عشييييقةة لتفريغ الرغبات والغرائز ولتدواز الوقت والتسلية…..انا مراتو على سنة الله ورسوله دايرني فدارو وحاملة بولدو وحاجب عليا
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
