طليقة الكوماندار

part8

🍂#طـلـــيقـــة_الـكـومـانـدار🍂

🍁#سجــيــنتـــي_الــفــاتـنــة…!🍁

🥂🍂•مخزني حاكمها فالناس…وقدامها يحني بالراس•🍂🥂

🍁•#بــأنــامل_مــلاك_هـانـــسـل🍁•

Prt:8

صوتو حررش على لحيتو ...غلض من ريتو وخشن من ملوسية لسانو...مع كل حرف بيه كينططقق كايتززير فيه شي عرررق...عينيه مطرطقييينن لبراا حمرين مزير على الكونطاكت فيدوو ومزير فيه الدممم حتى حمار عليه اللحممم وبان بللي تقرس وهز الهم.

مراد:كيييفاششش حاملة؟؟!! شكون  لي راها  حاملةةةة؟!

حد ماعرف باش ينطق اش يوخر اش يسببق...عض على اسفل شفتيه حتى جرحهم بسننيه  باين عليه غايطرطق معصب ومقلق

" هضضضررروووو؟!..وووااااششش.....زهوووورررر....حاملة؟؟!"

عبد القادر اقتاعد كرسي وراه وهو فاشل وحرك راسو يمين شمال.

"وانا باش غنعرف....انا ماعارف كبدتي حتى فين مشات ولا فين زادت....فين كاينة وكيفاش ضلات وباتت؟!( نزلو الدموع من عيونو)...ماعندي وجه نسول  بيه ولا  نهزو عند سيدي ربي  نشوف فيه....جريت عليها وتبريت منها ملي نتا لحتيها...كي  التفاحة الخامجة وسط التفاح  قلبت وجهي وسديت الباب عليها".

دخلات الأم ديال مراد من وراه فاشلة وجهها مغير فيه اللون وعمرو لها الدموع فالعيون....خنزرات فيهم واحد واحد وهي كاتلهث بالصدمة وقلبها كايتهز ويتحط مزعزع بين ضلوعها ...كانت برا مستنيا ولدهااا اللي مابانتش فيه تربيتهااا باش  يخررج البنت يردها لدارهم حتى كاتزيد تصدم بلي باهااااا لي ولدها ماقبلهاش وماحلش ليها باب دارو وجرا عليها...كيفاش بغات ولدها لي براني على البنت يحن فيها ويأويها؟!
كانت غتسخف كون ماجات هناء كاتجري شداتها  هيا وئام عاوناتها..جلسوها على السداري وعطاوها تشرب ترد انفاسها...مراد كايشوف فنقطة وحدة لي هي سي عبد القااادددررر.
راسو كيضاااربو فيه الأفكار ووجهو البيض كايصفار ويخضار...حروفو الكحلين الحرشين المميزين بهات ليهم اللون بقوة أعصابو...حك على لحيتو الخفيفة بإبهامو وبلع ريقو لي بززز باش دوزو حلقووو....رجع خشا يدو فشعرو الكثيف الطويا المحسن تحسينة شبابية كايلمع بلونو الكحل ورطوبيتو كاتنقع.

عبد االقادر."لالة فتيحة....؟!"

سكتات كاتسمع ليه وهو شد كلامو كمل عليه.

" انا عطيتكم بنتي قل مهرها ونتوما صغرتو من حجمها...تكرفستو ليا عليها ورديتو ضهرها رطب من كرشها ...ولدك لاحها ليا فالزنقة بصاك صغير وجلابة ساتراها كلها زرقة معطوبة من كاع القنات والجناب...خليتوني نقصح الكبدة ونسخا بالمودّة  ونجري على بنتي من دار باها فلحضة ماوعيت فيها ماقريت حسابها....مافكرت للعقايب مافكرت للضر...فاش وصلو للطلاق انا راه تبريت من بنتي وغدرت رجولتي ونكرت كبدتي....ولايني..الى كانت بنتي حاملة.....سيد الرجال ديال ولدك خاصو يتحمل المسؤوولية ويجبد ليا بنتي فينما كانت ويردها لدارها هي واللي فكرشهااا ومايدفعش وراق الطلاق...وصلتو بيني وبين بنتي للعار مابقات تهز فيا العين ماتبقا تزور الدار....انا داعيكم لله تعالى وما انا ماعندي جهد عليكم."