🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:28
هزات راسها بواخا وهزات التيليفون بلهفة بحالا كانت محتاجاه.
بغا يهضر وهو يدير بناقص لايصدق معصبها تاني وتجي الدقة فولادو… قلب خطواتو وغيرها فحالو
خارج من الفيلا
غير خرج تيليشارجات فيسبوك وفتحات كونطها القديم فيه
وبدات كتقلب على واحد الفقيه معروف فالفايسبوك كيشوف ومايهز الخط
فاللول ترددات ولكن فالتالي زعمات…. مكاتآمنش بهادشي والله وحدو هو عالم الغيب….ولكن تقطعو بيها الطرقان وحبسات بيها الحياة ….الخطوة بيها تلفات بغات غير تعرف
واش هادشي من ربي ولا من عبدو…؟!
قالت " باسم الله " وكتبات ميساج لداك الفقيه اللي كيشوف وكايهزليك الخط غير بتصويرتك….من التيليفون عن بعد. سيفطاتليه السلام وتصويرها وتصويرة مراد لي هزاتها من الفايسبوك من واحد لاباج دالأخبار
مع السلام مع جاوبها….. راد عليها سلام الله.
قبل ماتفتح الكلام فمشكلتها سبقاتليه هضرة المعقول باش مايتعايبوش.
زهور.
"
قبل من كلشي…..بغيت نقوليك انا اا الشريف راني مكنخرج مكندرج من الدار….راجلي مانع عليا الزنقة وماعنديش حساب فالبنك …..ومكنتيق
فحتى شي حد نسيفطليك الأمانة ديالك
معاه.
الى لقيتي شي حل باش نخلصك بيه….انا معاك فيه"
سيفطات الميساج وبقات كاتشوف فيه تتقرا…دازت دقيقة وهو vu….عرفاتو ماغايجاوبهاش وهي تتنهد وفقدات الأمل…يالله يأسات وبغات تطفي التيلي حتى شافت السيد كيكتب ليها.
تبسمات بفرحة وهي كتسنا الميساج يوصل….ولكن صدق ماشي ميساج….جريييييييدة….طوييييييلة.
قرنات الحواجب بين عينيها…مستغربة شنو غايكون قال فهاد الميساج كااامل.
بلعات ريقها وبدات تقرا فيه.
كان قايل ليها
"الشيخ الفشتالي "
"ماشي بخاطرو ابنتي….ساحراليه وموكلاه ديك الرقيقة الحنطية مولات الوشام فالنص التحتاني……دايراليه باش مايهز العين فحتى بنت المرا من غيرها….ولي قرباتليه يكرهها ويكرّهها فالعيشة….مكيبغيهاش ولكن شادداه ليها وعند بالو كيموت عليها وباغيها وباغي يتزوج بيها…..دايراليه باش يحس براسو موحشها وباغيها فالفراش وداكشي باش كيحس نيت مسكين بلا خاطرو ولكن واخا كينعس معاها كيحس براسو ماشبعانش حيت خاصاه الراحة الحقيقية
وكايلقاها معاك واخا كايعدبككك ويمحنككك حيت مديورليه العيب بينو وبينك وكايكرهك واخا مادايراليه والو…..كيقرب ليها ومكيشبعش وكايجي عندككك نتي…
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
