🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:37
هي كتسولو وهو مصدوم الحروف فاللسان تلفولو….تفكر الشورط ديالو لي لقاه فبيتو فيه الدم وفهم باللي فاش كان معاها مسح بيه وهاداك الدم هو د.م عذريتها….قلبو تزير….تقبط عليه خاطرووو وبدا حاس براسو كيرجف ماشادش الجسم ديالو …بلع ريقو واللوان فوجهو بداو كيتخلططو ويتخربطو.
قلبووو كيدق على جهدو فآخر درجاتو…تخنننق…فهم باللي شربات من داك الويل ديالو وماعاقلة على والو.
شنو غايدير…كيفاش غيقولهاليها ؟ كيفاش غيفك هاد المصيبة راه ديفيرجا قاصررررر،؟!!!الى لا وصلات لباه مشات عليه القرايا برا البلاد ومستقبلو غيضيع….تخربق
فثانية وحدة حياتو كلها تقلبات….بقا كيشوف فيهااا كيترعععد وهي كتشوف يدييييه كايرجفو عليه.
هناء ضيقات عيونها…. صغراتهم بتشكيك وبقات كاتأكل تفاصيلو المخلوعة…رمشات لعدة مرات وخرجات عينيها بصدمة وحطات يديها على فمها ….بحالا فهمات كووولشي.
شهقات بصدمةةةة حاطا يديها على صدرها وهو كيحرك راسو بلا وبدا كايشرحليها.
عمران:هناء انا…انا مبل…مبلي بب… شوفي شوفي انا مارانيش نعقل على روحي و …. ماوعيتش ماكنتش فالوعي نتاعي…. فصراحة اناااا.
هناء: ولد المخزني….بشاااااانو ومرشانو….كيسسسرررق ؟ وكتقوليا مكانعقلش على راسييييي ؟؟؟ شهاد العذر التافه
حطات يديها على فمها
" والله حتى طحتي من عيني "
هبطات مخلياه فالدروج واقف ….شد على راسو بيدووو غيحمااااق وهي كاتضحك حيت مطلعاها عليه عارفاه حتى هو مطلعها عليها وعارفاه غايكون هز ليها البراسلي غير باش يخلعها حيت هكايحسابليه هزاتليه البارفان ديالو.
عمراان فشل….مقدرش يطلع فالدروج….بقا فبلاصتو….الدرية معارفاش شنو مديور فيها وشنو وقعليها وهو ساكت بعدما خرج عليها….قلبو غيسكت بالخلعة هو براسو صغير ماشي قد المسؤولية. وعندو احلام بزاف وباه خايب بزاف.
صوناليه ومجاوبوش….شاف فداك الجدارمي لي قدامو ولي كيبان كيتسناه غير ايمتا يهضر ويقول موافق….تبسم وهضر معاه وهو فرحان عيونو كايلمعو…!
" !؟ايمتا خاصني نلتاحق "
تبسم الدركي حتى هو بحماااس وعاود كردف ليه
" سميتي سليم….من اليوم انا لي غنكون معاك فجميع المهمات….حيت الخدمة تحت ادارة الكوماندو ماشي هي الخدمة دالبريكادات لخرين….
وووو…عندك تلتيام راحة…موراها تقدر تلتاحق بالمهنة "
هز علي راسو بالإيجاب….وقال
" متشرفين…شكرا بزاف….انا علي….علي الورديغي "
مدليه يديه متبادلين المصافحة….والدركي لاخر قاليه خليت ليك الراحة.
علي حط الملف فالدار وسورت الباب وراه….هبط بالخف راكب اللوطو نتاعو وقللع بيها منوض العجاجة وراه.
كيفكر فكااااااع هادشي لي طرا معاه….كيحس بيه امتحان من عند الله…والله اذا احب عبدا ابتلاه….حاس باللي مكتابة ليه هاد المهنة…مكتاب ليه يتعرف على الكوماندو بهاد الطريقة باش يعطيه هاد الكْراد لي كيشرررفوووو ولي الف واحد كيتمناه وكيتمنى يتكرادا ويوصل يخدم تحت دراع الكوماندو
كيفاش غايردليه هادشي ؟!!!!واخا انا يدير لي دار عمرو يجازيه على خيرو….يخدم بنيتو ويكون قد ثقتو فيه هادشي دابا هو اللي يقدر يديرو…!
حسسن ودار بحالتو وهاهو رجع داك البوكوص البلق النقي اللي ريحة الفلوس كتفوح غير من المضهر ديالو ….توحش راسو…..رجع للدار جمعها ودار الغدا.
وكل شوية ينوض يشوف راسو فالمرايا….كياكل دغمةو ينوض يشوف راسو ويتبسم توحش هاد علي البوكوص لي كيشوفو دابا فرحان وضاحك وناشططط.
كان فاقد لذة الحياة
فلحضة من ثواني دقائق الساعات طاحتليه فبالو….دازت ضحيكتها قدام عينيه ومشيتها زارت خيالو.
بفضلها هو هنا …..تفكر هضرتها اللخرة فاش ودعاتو…وقرر يحقق ليها هاديك الأمنية.
هز راسو وسوارتو والكونطاكت والتيليفون وخرج زربان والوجهة كانت البار لي كتخدم فيه…. عارف تما فين غايلقاها.
ماهي الا عدة دقائق حتى كان فالبار…..من الباب وهو داخل دار اشارة للبرمان باش يجي عندو….البارمان غير شافو طلعو ونزلو بانليه مرففح من الماركة لي ضارب فحوايجو والمكَانة لي على معصم يديه ونضاضرو لي على عينيه….ضرب طلة لبرا شاف طوموبيلتو وهو يخرج عينيه ووجا كيجري وقف حدا رجليه.
" مرحبا سيدي "
علي عرف بلي باي هادا هو الشماتة لي هضرات عليه نجمة…..مهبطش فيه العين هضر معاه وهو قاصد واحد الطبلة
"واحد القحبة عزززية عندكم هنا…..جيبهاليا ولا نجيبو فيك"
{#توقعاتكم🍷}
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
