🍂#طـلـــيقـــة_الـكـومـانـدار🍂
🍁#سجــيــنتـــي_الــفــاتـنــة…!🍁
🥂🍂•مخزني حاكمها فالناس…وقدامها يحني بالراس•🍂🥂
🍁•#بــأنــامل_مــلاك_هـانـــسـل🍁•
Prt:16
أروى: نتوما بنات العروبية واليديكم كايبغيو غير يتهنوا منكم ههههه بسيف …راكي كابرة فالدل وغاتموتي فيه
مراد كايبغيني….سمعتيني؟ كايموت عليا
زهور حركات ليها راسها بلا " تؤ تؤ….نتي غالطة ااالقحيبة…مراد كيخوي فيك خوتك وصافي….المخزن كاع معروف ماتقوليش ليا معارفاش هادي حتى هي ههه؟كيديرو وحدة برا….للزهو وصهير الليل…وكيديرو وحدة لداخل…للزمان والمعاشرة بالطويل"
أروى بين عيونها قرنات حواجبها
"كيخوي فيا خوتي ؟ شكاتقولي ياهاد العروبية؟! كيفاش كيخوي فيا خوتو؟!"
زهور قهقهات بالخف وقالت "الحيوانات…خوتك… "
قالتليها كيخوي فيك خوتك…بمعنى كيخوي فيك الحيوانات خخ…استافزاتها كثر من اللول….شعلاتها خلاتها تخرج بلا ماتزيد معاها شي كلمةةة….
خبطات الباب وراها وغير ردها الباب لبرا عينيها دمعو….قرساتها ماقدراتش تبقا فقوتها….واعدات راسها تندمهااا.
زهور مكانتش حسن منها…بالعكس هي كفس منها….بكات كثر منها…!
عنقات راسها كتبكي فبلاصتها….كتشهق قلبها ضارها….كترجف غير هي وراسها….مدة وهي على حالها مسكينة ماعندها حد …عندها غير الله…سمعات الدقان فالباب تاني وهي تمسح دموعها دغيا
قالت هاد المرة هو… شوية تفكرات تاني بلي هو عندو الساروت ومكايدق مكايدير الحس…. قالت غتكون غير هاديك لي رجعات عاود تاني تكمل لي بداتو ولي فيها ماخلاتو.
ناضت فتحات الباب وهي ماعندها خاطررر ولكن سرعان ماشافت شكون قدامها توسعو عيونها والفرحة بانت عليهم ماشعراتش براسها ايمتا عنقاتها طايرة عليها مزيرة عليها كاتبكي بالشهيق
كانت عدوزتها…حماتها الحنينة فيها….كتبوس فيها وتعنق وزهور غير كتبكي
دخلاتها وسدات الباب وراها وجلسو معانقين كايبكيو بجوج…
فتيحة: بكي بكي ابنتي بكي وفرغي قلبك ولوميني انااااا لي تكرفست عليك وتعديت عليك ملي ديتك للشماتة لي راني مخرجاته من كرشي….بكي وقولي مابكيت وردي ليا العيب انا لي عاديتك وضريتك …سمحيلي ابنتي غير سمحيلي ضلمتك ملي درتك كنتي
كنتي تستاهلي خير من عائلتنا وخير من ولدي اللي مايسوا مايصلاح مايحن مايرحم…..دنوبك عليا ابنتي دنوبك عليا
زهور كاتحرك راسها بلا وفتيحة كتمسح ليها دموعها وتسكت فيها
فتيحة:هاد الزين المسرار كاع مايستاهل يبكي….مسحي دموعك وتصنتي ليا
أنت تقرأ
طليقة الكوماندار
Action#الأجــــزاء_الأولـــى 🍷🥂#طـلـــيقـــة_الـكـومـانـدار🥂🍷 🥂#سجــيــنتـــي_الــفــاتـنــة...!🥂 🍂•مخزني حاكمها فالناس...وقدامها يحني بالراس•🍂 #الشرقي...🍻🥀 •*يقولو عليه وجدي أصولو ريفية كابض ونابض وكلمتو هي لي ممشية...🥀 ... قالو راجل بال...
