طليقة الكوماندار

part34

🍂#طـلـــيقـــة_الـكـومـانـدار🍂

🍁#سجــيــنتـــي_الــفــاتـنــة…!🍁

🥂🍂•مخزني حاكمها فالناس…وقدامها يحني بالراس•🍂🥂

🍁•#بــأنــامل_مــلاك_هـانـــسـل🍁•

Prt:34

حاط صاكو البالي فجنبووو وجالس على حجرررة كبيررة قدام الحبس شاعل كاررّوو كيطفي العافية لي شاعلة فيه بيه….هادا الخامس لي كيكميه….علي كان نقي بعيد من البلية وصداعها….ودابا الدنيا دارت بيه ولعبات عليه.

فمدة قصيرة تغدررر باللحررر والضربة جاتو من صاحبو فالضهرر حس بالحرقة بحالا تحط قلبو فمجمررر مابقاش قادر يصبر غير مالاقي مايدير…!

فرانات  ليه الطوموبيل حدا رجليه….نزلات الزاااج وطلات عليه….هبطات نضاضرها على عينيها وقالتليه

نجمة:ماساخيش بالحبس ؟!تكعّد بدا من جديد وقصصح قلبك يولي حديد….نتا ماشي ولية تكعد هنا تتحصر ليا….الصحاب والحباب فالتالي يطلعو ولاد القححح__اب
متكونش كبدتك هشيشة لي تلقاه تعطيه طرف منها.

صاي تغدرتي  تخورتي كبض راسك باش تعرفك ساسك ورجع كمل حياتك….مزالك صغير ومزالها الدنيا قدامك.

عمر الناس ميوقفو خطاويك ..حياتك واقفة بيك…برجليك ماشي برجليهم.

عبرت بزاااف وماشي من عادتي نهضر كثير…ركب نوصلك.

قاطعها كي قال  وهو حاني راسو فالأرض حاط عينيه…. سمع كلامها من اللول ل اللخر ولأول مرة كيقتانع بيه….مكانش كيدير فيها راسو ومكانش يبغي يعمر بكلامها دماغو

علي:قال ليا…..عندو حساب معاه وفضاااه….مكانش عارف بلي انا لي غانغرق فالقضية.

ولكن….فاش شافني غارق علاش ماعتارفش ليا ؟ علاش مادافعش عليا علاش ماواجهنيش وماقالهاش ليا ؟ علاش بقا ساكت كيتفرج فيا خدمتي كاضيع وانا كنضيع  ومادارش بوحه العشرة والطعام ؟

قهقه بالفقصة وكمل كلامو وهو كايشوف فيها معلي عينيه لعينيها

علي:مالقيتش باش نجاوبو بقيت غير كانشوف فيه….طلب السماحة وسمحتليه…ولكن فاش شفتهم مدخلييينو ضرني خاطري عليه
مقديتش نشوفو غيعيش داكشي لي عشتو
فبيت مضللم مضيقق ريحتو تخنق والماكلة تدعق والأوكسيجين قليل والبرد يصعق

بغيت ندير شي حاجة باش منخليهش يدوز من لي دوزتو حيت هو صاحبي وكان كثر ….كنت حاسبو خويا ومانويتش منو الغدر

نجمة

"هو دروك فالحبس…ماشي بصفة صاحبك….بصفة مجرم….نتا مغاتخرجش صاحبك…غتخرج مجرم مريض نفسي قادر يقت×ل على قبل حساب بسيط…ومشا حساب الآخرة لكبير…لي قت×ل مرة يقت×ل عشرة…المرة العاشرة تقدر تقوم نتا هو الضحية فيها…."