នៅពេលដែលកូនៗព្រមព្រៀង មនុស្សចាស់គ្មានអ្វីក្រៅពីសប្បាយចិត្តដែរ ទោះបីជាពេលនេះពួកគេនៅមិនទាន់ចុះសម្រុង ប៉ុន្តែនៅជាមួយគ្នាយូរគង់តែយល់ចិត្តគ្នាទេ។
Miyu តែងតែនាំ Tae មកផ្ទះជាញឹកញាប់ រហូតបង្កើនបានជាភាពស្និទ្ធស្នាលសឹងមិនគួរឱ្យជឿ គាត់ស្ដីប្រដៅណែនាំគេគ្រប់សព្វប្រកបដោយវាចាទន់ភ្លន់ បង្រៀនរាងតូចនូវអ្វីដែលគេមិនធ្លាប់ធ្វើ។ Tae ក៏មានអារម្មណ៍ចម្លែក ត្បិតថាតាំងពីកើតមកគេមិនធ្លាប់ទទួលបានភាពកក់ក្តៅពីម្ដាយឡើយ សូម្បីតែមុខមាត់គាត់បែបណាក៏គេមិនធ្លាប់ដឹងដែរ។
ពីមួយថ្ងៃទៅមួយថ្ងៃគាត់កាន់តែពេញចិត្តជាមួយនឹងអនាគតកូនប្រសារនេះខ្លាំងឡើង ដល់ថ្នាក់នាំគេទៅគ្រប់កន្លែង បង្កើតបានជាព័ត៌មានបែកធ្លាយរឿងរៀបពិធីមង្គលការរបស់ពួកគេថែមទៀត។ សម្ដីវាយប្រហារក៏ចេះតែកើតមានឡើង រឿងចចាមអារ៉ាមក៏ចេះតែរីកសុះសាយ ។
លោក Kenji ដឹងច្បាស់ណាស់ថានឹងមានរឿងបែបនេះ ទើបគាត់ទប់ស្កាត់ជាមុនជាមួយនឹងក្រុមអ្នកកាសែត លើកលែងតែពួកលេងបណ្ដាញសង្គមដែលគាត់មិនអាចហាមបាន គឺមានតែបណ្ដោយ ប៉ុន្តែបើពួកគេហួសហេតុធ្វើឱ្យប៉ះពាល់សិទ្ធិបុគ្គលហើយ ប្រាកដណាស់ថាគាត់មិនទុកទេ។
៙ ៙ ៙
«ចាំខ្ញុំយូរដែរទេ?»Tae ចូលមកដល់ក្នុងឡានភ្លាមក៏ស្រដីសួរទៅរាងសង្ហាដែលមុខម៉ូវនោះភ្លេត គ្រាន់តែមកទទួលគេទាំងព្រលឹមសោះដូចហត់ណាស់អញ្ជឹង។
«ឯងថាទៅ យើងបើកឡានតាំងពីសេអ៊ូលមក»
«បើចឹងយប់មិញសិស្សច្បងមិនបានស្នាក់នៅសណ្ឋាគារទេហេស៎»ព្រោះគ្រួសារលោក Kenji បានមកស្នាក់នៅដេហ្គូនេះពីរថហងៃហើយ ដោយមានការរៀបចំនៅសណ្ឋាគារដើម្បីឲ្យពួកគាត់បានស្នាក់ ថ្វីបើស្អែកនេះដល់ថ្ងៃមង្គលសិរី ទើប Jungkook ត្រូវមកទទួលគេទាំងព្រលឹម។
«កុំដេញដោល មិនមែនជារឿងឯងទេ»Jungkook បើកឡានចេញទៅទាំងមាត់ស្ដីថាគេមិនឈប់ នាំឱ្យមាឌល្អិតពេបជម្រេញនឹងអ្នកកម្លោះជាខ្លាំង អាងតែអំណាចគ្មានចេះទន់ភ្លន់ជាមួយគេម្ដងណាទេ។
Skip ~
YOU ARE READING
ប្រពន្ធក្រៅបេះដូង (ចប់✓)
Lãng mạnតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
